Najugaqartut oqartussaaqataanerat

Najugaqartut oqartussaaqataanerat - najugaqarfimmi najukkanni sunneeqaataagit

Najugaqarfimmi siulersuisoqartumi attartortuusimagussi siulersuisut aqqutigalugit missingersuutinut oqaaseqarsinnaavusi. Aamma aserfallatsaaliugassanik imaluunniit najugaqarfimmi ataatsimut sammisaqartitsinissanik siunnersuuteqarsinnaavusi. 
 

Najugaqarfimmi siulersuisut sunniuteqarsinnaanerat 

Najugaqarfimmi siulersuisut ukununnga siunnersuuteqarsinnaapput: 

• Suut najugaqarfimmi aserfallatsaaliorneqassanersut. 
• Init ataatsimoorussat sumut atorneqassanersut. 
• Sunngiffimmi sammisassat suut najugaqarfimmi pilersinneqassanersut. 

Siunnersuutilli taamaattut ingerlatsinermut missingersuutinut killiliussat iluanni piviusunngortinneqarsinnaassapput. 

Najugaqarfiup missingersuutai naatsorsuutaalu

Najugaqarfimmi siulersuisut najugaqarfiup missingersuutai misissussavaat. INI ukiumi tulliuttumi najugaqarfiup ingerlanneqarnissaanut missingersuusiussaaq, missingersuutillu taakku inissiamik piginnittumut nassiunneqannginnerini najugaqarfiup oqaaseqarfigisinnaavai. 

Najugaqarfimmi siulersuisunik pilersitsineq

Najugaqarfiit najugaqarfimmi siulersuisunik soqanngippat, illit najugaqarfimmiluunniit attartortut allat najugaqarfimmi pilersitsiviusumik ataatsimiititsinissamik suliniuteqarsinnaavusi. INI saaffigisinnaavat, ataatsimiinnissamut aggersaanissamut ikiortinniarlutit. 

Najugaqarfimmi pilersitsiviusumik ataatsimiinnermi najugaqarfimmi attartortut najugaqarfimmi siulersuisunik pilersitsisoqassanersoq aalajangissapput. Najugaqarfimmi siulersuisunik pilersitsiniarasi aalajangerussi najugaqarfimmi siulersuisut suliassaat INI-mit isumagineqassapput. 

Najugaqarfimmi siulersuisunik pilersitsiniarlusi aalajangerussi ataatsimiinnermi najugaqarfimmi siulersuisunut ilaasortassanik qinersissaasi. 

Najugaqarfimmi siulersuisunik qinersineq

Najugaqarfinni 500-it tungaannut inissiartaqartuni siulittaasoq ataaseq siulersuisunullu ilaasortat marluk qinerneqassapput. Najugaqarfinni 500-it sinnerlugit inissiartaqartuni ilaasortat marlunnik ilaneqarsinnaapput. 

Siulittaasoq ukioq ataaseq atuuttussanngorlugu qinerneqassaaq, taamatullu siulersuisunut ilaasortat qinerneqassallutik.

 

Acceptér cookies fra dette site

Denne hjemmeside bruger cookies til af forbedre din oplevelse af sitet
Du kan altid slette cookies via de avancerede indstillinger i din browser

Acceptér ikke cookies Acceptér kun funktionelle cookies Acceptér alle cookies