Akiligassanut kiffartuussivik

1. juli 2015 aallarnerfigalugu inissiamik attartornissamut isumaqatigiissusiortoqalernerani, akiligassanut kiffartuussissut (Betalingsservice) aqqutigalugu ineqarnermut akiliisarnissaq attartortunut tamanut piumasaqaataalerpoq.
Taamatut aaqqiinikkut ineqarnermut akiliutit nuna tamakkerlugu attartortumut ajornaquteqanngitsumik piffissarlu eqqorlugu akilerneqartuartalernissaat qulakkeerniarneqarpoq.

 

Imaaliorlutit akiligassanut kiffartuussivimmut ilanngutissaatit

• Aningaaseriviit attavigiuk. Akiligassap allagartaata nassarnissaa pingaaruteqarpoq paasissutissartai aningaaseriviup pisariaqartikkamigit.
IMALUUNNIIT

• Najukkanni INIp immikkoortortaqarfianut saaffiginnigit. Akiligassap allagartaata nassarnissaa eqqaamagiuk.
IMALUUNNIIT

• Webbanki aqqutigalugu ineqarnermut akiligassap akilernerani Betalingsservice’imut ilanngukkumagit.

Ineqarnermut akiliisarnissat akiligassanut kiffartuussivimmut nalunaarutigereerukku INI ineqarnermut akiliisarnerit pillugu paasissutissanik tamanik akiligassanut kiffartuussivimmut nassiussissaaq, ilaatigut piffissap qanoq ilinerani qanorlu annertutigisunik akiliisarnissat pillugu paasissutissiissalluni. Ulluni akiliiffiusartussani aningaasat kontonniit ilanngaatigineqartassapput. 

 

Akiligassanut kiffartuussivik - suua? 

Akiligassanut kiffartuussivik tassaavoq banki aqqutigalugu kiffartuussivik. Kiffartuussiviup akiligassat kontonniit akilerneqarnissaat isumagisarpaa. Tamannali aatsaat naammassineqarsinnaavoq kontorisat naammattunik imaqarpat.
Akiligassanut kiffartuussivik aningaaserivimmi kontolinnit tamanit atorneqarsinnaavoq. Ineqarnermut akiligassatit akiligassanut kiffartuussivimmut nalunaarutigisinnaavatit. Taamaasioreeruit aningaasat aningaaserivimmi kontonniit ullormi akiliiffissami ilanngaatigineqartalissapput.

 

Budgetkonto

Qaammatit tamaasa akiligassavit aalajangersimasut akilertarnissaannut missingersuusiorneq, (budgetkonto) akiliisinnaanermut qularnaannerusinnaavoq, taamaalillutillu aamma aningaasaqarnerit malinnaaffigilluarnerusinnaavat, akiligassanut aningaasartuutitit aningaasallu nammineq atorsinnaasatit ersissammata. Akissarsinerit tamaasa budgetkontomut aningaasanik nammineq ingerlaavartumik ikisoqartalersillugu aningaaseriviit aaqqiisinnaavoq. Akiligassatit akiligassanut kiffartuussivik aqqutigalugu akilerneqartarpata, akiligassatit tamatigut piffissaq eqqorlugu akilerneqartassammata.
Sulinngiffeqarlutit angalagaluaruilluunniit.

 

Qarasaasiat aqqutigalugit aningaaserivimmut attaveqaat (Netbank)

Aamma qarasaasiatigut aningaaserivimmut attaveqaat elektroniskiusoq atorlugu ineqarnermut akiligassatit akilertarsinnaavatit.
Akiligassaq elektroniskiusoq tassaavoq qarasaasiatigut aningaaserivimmut attaveqaat atorlugu akiligassanik aningaaserivimmut ingerlatitseqqiisartoq. Tassani akiligassamut paasissutissat tamarmik akiligassatut nalinginnaasutut pissuseqarlutik immersugaariissapput. Illit taamaallaat isumagissavat akiligassap akilerneqarnissaata akuerinissaa.
Tassani aningaasat akiliutaasussat akiliiffissallu ulluata allanngortinneqarsinnaanerat periarfissaapput.
Tulliani qarasaasiaq atorlugu aningaaserivippit netbankianut iseruit, akiligassamut uppernarsaaqqittariaqarninnik paasitinneqassaatit. Toorsilaaginnarnikkullu akuersissaatit.

Naamik, akissarsiannut konto nalinginnaasoq atuinnarsinnaavat.

Aap, akiligassat allattorsimaffiat paasissutissanik immikkoortuinillu tamanik imalik ersarissumik takussutissiarineqartarpoq.

Aap, tamanna ajornanngilaq. Akiligassamik nutaamik akiligassanut kiffartuussivimmut nalunaaruteqaruit, tamatumap kontomit sorlermit ilanngaatigineqarnissaa nammineq aalajangissavat.

Kontot naammattunik imaqanngippat akiligassaq akilerneqassanersoq akilerneqassannginnersorluunniit aningaaserivippit aalajangissavaa. Taamaattumik kontot misissukulasariaqarpat akiligassaq eqqortumik akilerneqarsimanersoq nakkutiginiarlugu.

Naamik, ajornanngitsuaraavoq. Kingusinnerpaamik qaammatip akiliiffissavit ulluisa arfineq appaanni (7.) aningaaseriviit oqarasuaatikkut saaffigiinnassavat akiligassap akilinngitsoorneqarnissaanik qinnuigalugit.

Aap, akiligassap nalunaarutigineraninngaanniit akiligassat allattorsimaffiannut ilanngunneqarnissaanut piffissaq sivisulaarsinnaavoq. Taamaattumik akiligassavit akiligassat allattorsimaffiannut ilaalernissaata tungaanut akiligassap siulliup immaqalu tulliuttut ilanngullugit illit nammineerlutit akilernissaat isumagissavatit.

Akiligassanut kiffartuussivikkut akiliinngitsoornissamik akiliisarunnaarnissamillu nalunaarneq 

AKILIGASSAMIK ATAATSIMIK AKILIINNGITSOORNISSAMIK NALUNAARNEQ 

Akiligassat allattorsimaffiat tigugukku akiligassamik akiliinngitsoornissamik nalunaarnissamut periarfissaqarputit.
Akiligassap ataatsip akilerneqannginnissaa utertinneqarnissaaluunniit kissaatigigukku kingusinnerpaamik qaammatip akiliiffissap ulluisa arfineq aappaanni aningaaseriviit attaveqarfigissavat.
Ulloq taanna sullissiviunngippat, tamatumunnga killissarititaq tassaalissaaq ulloq sullissivik tulleq.

AKILIGASSANUT KIFFARTUUSSIVIMMUT ISUMAQATIGIISSUMMIK ATORUNNAARSITSINEQ 

Akiligassanut kiffartuussivimmut isumaqatigiissummik aamma atorunnaarsitsisinnaavutit.
Kingusinnerpaamik ulloq akiliiffissaq ullunik marlunnik sioqqullugu aningaaseriviit attaveqarfigissavat, akiligassanut kiffartuussivimmut isumaqatigiissutinnik atorunnaarsitsiniarlutit nalunaaruteqarlutit.
Taamaaliornikkut akiligassat tulleq tulliuttullu allat akilerneqassanngillat.

 

Akiligassanut kiffartuussiveqarnerup iluaqutissartai

1. Attartortup INIllu, attartortup aningaasaateqarfia matussusiissutissaqarpat, ineqarnermut akiligassap piffissaq eqqorlugu akilerneqarnissaa qulakkeersinnaanngussavaat.
2. INImi sulisut, ineqarnermut akiligassanut tunngatillugu piffissamik atuerujussuartarnerat piujunnaarpat, attartortunik kiffartuussinissaminnut piffissaqarnerulernissaat attartortunut INImullu pitsaaquteqassaaq.
3. INI ineqarnermut akiligassat akilinngitsoorneqartarnerinut pinngitsoortitseqataassaaq.

Acceptér cookies fra dette site

Denne hjemmeside bruger cookies til af forbedre din oplevelse af sitet
Du kan altid slette cookies via de avancerede indstillinger i din browser

Acceptér ikke cookies Acceptér kun funktionelle cookies Acceptér alle cookies