Inissialiornermut tapiissuteqarneq

Naliginnaasumik paasissutissiineq

Namminersorlutik Oqartussat sinnerlugit inissialiornermut tapiissuteqartarnermut aaqqiissut INI-p aqutarivaa. Tamanna ima isumaqarpoq, illit inissialiornermut tapiissuteqartarneq aqqutigalugu taarsigassarsiaqartutut INI attaveqaatigissavat.

Qaammatikkaartumik akilersugassat akilerniarnissaannut ajornakusoortitsiguit, taarsigassarsiavit immaqalu aamma akiitsuit allanngortinneqarnissaannut isumaliuteqarsinnaavutit. Tassa imaappoq, taarsigassarsiatit nutaanngitsut nutaanngorlugit allanngortissinnaavatit.

Inissialiornermut tapiissuteqartarneq aqqutigalugu taarsigassarsiaqaruit akiitsortalinnik qaangiussimasunik peqaruit, akiitsuit allanngortinnissaannut qinnuteqarsinnaavutit. Taamaalillutik taarsigassarsiatit qaammatini 60-ini ikilisarneqartussanngorlugit erniaqaratik akitsuuteqaratillu allanngortinneqassapput.

Piumasaqaatit

Taarsigassarsiavit akiitsuillu allanngortinnissaannut qinnuteqarniaruit illit:

 • Inissialiornermut tapiissuteqartarneq aqqutigalugu illumik erniaqarluni taarsigassarsialimmik pigisaqassaatit
 • Nammineq illuliamik innaallagissamut imaluunniit toqqavimmut taarsigassarsianik ernialimmik pigisaqassaatit
 • Taarsigassarsiat akiitsoqarfigissavatit illumilu najugaqarlutit

Tamatuma saniatigut ukiunut marlunnut kingullernut akileraartarfiusuni ukiumut 180.000 koruunit ataallugit inoqutigiissinni ukiumut katillugit akileraartussaassuseqartumik isertitaqarsimassaasi. Isertitatut 180.000 koruunit killiliunneqartut 18-it inorlugit ukiulinnik inuit allattorsimaffiannut nalunaarsorsimasutut meerartaqarnermi meeqqamut ataatsimut 4.000 koruuninik qaffanneqartassapput. Isertitalli killiliunneqartut amerlanerpaamik 24.000 koruunimut qaffanneqarsinnaavoq – tassa imaappoq amerlanerpaamik meeqqat arfinillit.
Aaqqiissut taamaallaat ilinnut inoqutigiinnullu illumilu najugaqarallartillusi atuuppoq. 

Akiitsut kisiisa allanngortinnissaannut immikkut
Siuliani piumasaqaatitut taaneqartut inissialiornermut tapiissuteqartarneq aqqutigalugu taarsigassarsiat qaangiussimappata illumilu najugaqaraanni sulilu akiitsoqarluni, atuupput. Tassa imaappoq, akiitsutit piffissami qaamatini 60-ini ikilisarneqarlutik erniaqanngitsumut akiitsoqanngitsumullu allanngortinneqassapput.

Qinnuteqarneq

Inissialiornermut tapiissuteqartarneq aqqutigalugu taarsigassarsiavit allanngortinnissai akiitsoqaruillu taakku ilanngullugit allanngortinnisai soqutigigukkit, qinnuteqarnissamut immersuiffissaq immersussavat. Aamma taarsigassarsiavit allanngortinnissaanut qinnuteqarniaruit illumilu suli najugaqarlutit taamaaliussaatit. Immersuiffissami qinnuteqarnermut suut ilanngutissaneritit allaqqapput.

Inissialiornermut tapiissuteqartarneq aqqutigalugu taarsigassarsiat aamma akiliutissat akiligassanngortut allanngortinnissaannut qinnuteqarnissamut immersuiffissaq.

Qinnuteqaat ilanngussallu tamaasa ilanngullugit najukkanni INI-p allaffeqarfianut imaluunniit nunaqarfimmi allaffeqarfimmut tunniutissavatit imaluunniit nassiutissavatit. Aammattaaq qinnuteqaatip suliarinissaanut ikiorserneqarniarlutit inissiaatileqatigiiffimmut saaffiginnissuteqarsinnaavutit.
Ilanngussat eqqortut tamaasa ilanngussimanissaat eqqaamassallugu pingaaruteqarpoq. INI-mit qinnuigineqareerninnit sapaatip akunneri sisamat qaangiutsinnagit INI-p ilanngussat tigusassai tigusimanngippagit, qinnuteqaatit suliarineqaqqinnani ingerlariaqqissanngilaq.

Akuersissuteqarneq

Qinnuteqaatit akuersissutigineqarpat, Namminersorlutik Oqartussanit toqqaannartumik nalunaarfigineqassaatit. Tamatuma kingorna taarsigassarsinermut allagaqaat aamma piginnittuunermut uppernarsaat atsiugassatit utertitassatit INI-mit ilinnut nassiunneqassapput. Aamma inissiaatileqatigiiffiup allaffeqarfianut imaluunniit nunaqarfimmi allaffeqarfimmut utertinneqarsinnaapput. 

Naliginnaasumik paasissutissiineq

Namminersorlutik Oqartussat sinnerlugit inissialiornermut tapiissuteqartarnermut aaqqiissut INI-p aqutarivaa. Tamanna ima isumaqarpoq, illit inissialiornermut tapiissuteqartarneq aqqutigalugu taarsigassarsiaqartutut INI attaveqaatigissavat.
Qaammatikkaartumik akiligassat qaammatit tamaasa INI-miit ilinnut nassiunneqartarput. Akiligassat kingusinnerpaamik qaammatip ulluisa aallaqqaataanni akilersimasussaavatit. Qaammatip ulluisa aallaqqaataat nalliuttuuppat arfininngorneruppalluunniit, akiliiffissamut killiliussaq ulluinnarmut tullermut kinguartinneqassaaq.
Akilersuussinermut PBS-imut ilanngukkumallutit nalunaarsinnaavutit. Akilersuussinermut nalunaarsimaguit, akiligassatit piffissaq eqqorlugu isumamineersumik akilerneqartassapput. Taamaalillutit akiligassat akilinngitsuukkat pillugit isumakuluuteqartassanngilatit.
Nuussimaguit najukkat nutaaq INI-p najukkami allaffeqarfianut imaluunniit nunaqarfimmi allaffeqarfimmut nalunaarutigissavat, taamaalillutit akiligassat ilinnut nassiunneqartarneri ingerlatiinnarneqarniassapput.

Quppernermi matumani makku takusinnaavatit:
 • Taarsigassarsinermut aaqqiissutit suunersut.
 • Qanoq tapiiffigineqartigisinnaanerlutit.
 • Akiitsut naafferartumik akilersornissaanut periarfissat.
 • Ernianut akilersuutit qanoq angusinnaaneritit.
 • Taarsigassarsiavit tamaasa akilersorneri inersinnaaneritit.

Taarsigassarsinermut aaqqiissutit

Inissialiornermut tapiissuteqartarneq aqqutigalugu illunut taarsigassarsinissamut aaqqiissutit assigiinngitsut pingasuupput:
 • Aaqqiissut siullermi qaammatikkaartumik akiligassat akilersornissaannut Namminersorlutik Oqartussanit tapiiffigitittoqartarpoq
 • Aaqqiissut tullermi qaammatikkaartumik akiligassat akilersornissaannut tapiiffigitittoqarneq ajorpoq. Akerlianilli illumik piginnittutut piumasamik pisinnaaneruvutit. Illut taama ittut amerlajunnaarput.
 • Aaqqiissut pingajuanni taarsigassarsisinnaavutit erniaqanngitsumik akilersuutitaqanngitsumillu, assersuutigalugu nammineq illuliamut kiisalu taarsigassarsiani aaqqiissutitaqartuni.
Ukiuni kingullerni illut nutaat inissialiornermut tapiissuteqartarneq aqqutigalugu tapiisoqarneq ajorpoq. Kisianni inissialiornermut tapiissuteqartarneq aqqutigalugu illumik piginnittunngorsinnaavutit ilaatigut taarsigassarsinermut piumasaqaataasut allanngortinnagit illumik pioreersumik piginnittut nikinneratigut piginnittunngornikkut.
Inissialiornermut tapiissuteqartarnermi piumasaqaataasut naapertorlugit inissialiornermut tapiissuteqartarneq aqqutigalugu illumik inoqanngitsumik tigusisinnaanngilatit, pissutigalugu inissialiornermut tapiissuteqartarneq aqqutigalugu illut inoqanngitsut niuernikkut naliliinermut tamanut tuniniagassanngorlugit neqeroortitsissutigineqartaramik.

Tapiissutit aamma naafferartumik akilersuinissamut periarfissaq

Qaammatikkaartumik akiligassat akilersornissaannut Namminersorlutik Oqartussanit tapiissutisisaruit ima isumaqarpoq:
 • Inissialiornermut tapiissuteqartarneq aqqutigalugu illumut taarsigassarsiat erniai naafferartumillu akilersornissaanut Namminersorlutik Oqartussanit 30 %-imik tapiissutisisassaatit.
 • Tamassuma saniatigut Namminersorlutik Oqartussat meeqqanut angerlarsimaffimmi najugaqartunut tamanut – taamaattoq amerlanerpaamik meeqqanut arfinilinnut – ineqarnermi meeqqanut tapiissutinik 7,5 %-iusunik tunniussisarput.
Akiligassatit akilerukkit nammineq isumamineersumik tapiissutit pissarsiarisassavatit. Akiligassat ataasiartumik akilersinnaanngikkukkit taamaalillutillu kinguaattoorlutit, naafferartumik akilersuinissaq pillugu isumaqatigiissusiornissaq siunertaralugu INI saaffigisinnaavat, taamaalillutit kinguaattoorutitit naafferartumik akilersorsinnaaniassagakkit.
Kinguaattoorutit naafferartumik akilersornissaannut ilanngullugu qaammatikkaartumik akiligassaq INI-p nassiuttassavaa. Akileeqqusissummik tigusaqarsimanngikkuit najukkanni INI-p allaffeqarfiani taassuma nuutinnera tamatigut pissarsiarisinnaavat.

Erniat ilanngaataasinnaasut

Taarsigassarsiaqaruit ernialersukkanik inissialiornermut tapiissuteqartarneq aqqutigalugu illumik pigisaqarlutit, akileraarutiniit erniat ilanngaatiginissaannut pisinnaatitaavutit. Tassa imaappoq, akileraarutinit erniat akilernikuusatit ilanngaatigisinnaavatit.
Ernianut ilanngaataasinnaassappata:
 • Erniat akilersimassavatit.
 • Akileraarutinut tunngasunik nammineerluni nalunaarsuiffinnut allassavatit.
Erniat akileraarutinut ilanngaatigineqarsinnaasut pillugit allakkat ukiup aallartinnerani INI-p ilinnut nassiutissavai. Ilutigisaanik inissialiornermut tapiissuteqartarneq aqqutigalugu illu pigisat taarsigassarsiaasa erniaat akileraarutinit ilanngaatigineqarsinnaasunik pisinnaatitaaffillit allattorsimaffiat INI-p Akileraartarnermut Oqartussaasunut nassiuttarpaa. Paasissutissat allakkaniittut eqqortuunersut nammineerlutit nalunaarsuiffimmik immersuininni atussavatit.

Inissialiornermut tapiissuteqartarneq aqqutigalugu taarsigassarsiat sinneruttut tamaasa ataatsikkut akilerneri

Inissialiornermut tapiissuteqartarneq aqqutigalugu illumik peqaruit imaluunniit nammineq illuliamik peqaruit, taarsigassarsiarisatit tamaasa ataatsikkut akilersinnaavatit:
 • Inissialiornermut tapiissuteqartarneq aqqutigalugu illumik pigisaqaruit, inissialiornermut tapiissuteqartarneq aqqutigalugu taarsigassarsiavit akilersorlugu inerneratigut 30 %-imik tapiiffigineqassaatit.
 • Nammineerluni illuliamik allamilluunniit illumik piginneqataallutit peqaruit, tapiiffigineqarnissamut pisinnaatitaanngilatit.
Taarsigassarsiavit sinneri ataatsikkut tamaasa akilerniarukkit, najukkanni INI-p allaffeqarfianut imaluunniit nunaqarfimmi allaffeqarfimmut saaffiginnissaatit. Matumani ullormi tassani utertitsilluni akiliuteqarfiusumi akiliutissannut naatsorsuusiamik tunineqassaatit. Illit aningaaseriviit sinnerlutit INI-mut aamma saaffiginnissinnavoq.
Taarsigassarsiat utertillugit akilereerukkit, illup qularnaveeqqutaa pillugu allagaq INI-p eqqartuussivimmi illut piginnittuinik nalunaarsuisarfianut atorunnaarsinneqartussanngorlugu nassiutissavaa. Qularnaveeqqutip atorunnaarsinneqartussanngorlugu allakkap tigoreernerata kingorna akiligassap sinneranik allagaq INI-mit ilinnut nassiunneqassaaq inissialiornermullu tapiissuteqartarneq aqqutigalugu illumik piginnittutut malittarisassanut attuumassuteqarunnaarnerit nalunaarutigalugu.

Naliginnaasumik paasissutissiineq

Namminersorlutik Oqartussat sinnerlugit inissialiornermut tapiissuteqartarnermut aaqqiissut INI-p aqutarivaa. Tamanna ima isumaqarpoq, illit inissialiornermut tapiissuteqartarneq aqqutigalugu taarsigassarsiaqartutut INI attaveqaatigissavat.

Tapiiffigineqartarnerup kingorna qaammammut tapiissutigineqartartoq taamaaginnassaaq, qanoq amerlatigisunik meeraqarneq apeqqutaanngilaq.



Piumasaqaatit

Taarsigassarsiavit akiitsuillu allanngortinnissaannut qinnuteqarniaruit illit:
• Inissialiornermut tapiissuteqartarneq aqqutigalugu illumik erniaqarluni taarsigassarsialimmik pigisaqassaatit
• Taarsigassarsianik erniaqanngitsunik taarsersugassaanngitsunillu nammineerlutit illuliamik illuuteqassaatit, innaallagissamut, toqqaviliorneranut imaluunniit pitsanngorsarneranut ernialersukkanik taarsigassarsiaqarlutit.



Qinnuteqarneq

Inissialiornermut tapiissuteqartarneq aqqutigalugu taarsigassarsiavit allanngortinnissaannut soqutiginnikkuit, qinnuteqarnissamut immersugassaq immersussavat. Immersugassami qinnuteqaleruit suut ilanngutissaneritit allaqqapput.

Inissialiornermut tapiissuteqartarneq aqqutigalugu taarsigassarsiat aamma akiliutissat akiligassanngortut allanngortinnissaannut qinnuteqarneq

Qinnuteqaat ilanngussallu tamaasa ilanngullugit najukkanni INI-p allaffeqarfianut imaluunniit nunaqarfimmi allaffeqarfimmut tunniutissavatit imaluunniit nassiutissavatit. Aammattaaq qinnuteqaatip suliarinissaanut ikiorserneqarniarlutit inissiaatileqatigiiffimmut saaffiginnissuteqarsinnaavutit.
Ilanngussat eqqortut tamaasa ilanngussimanissaat eqqaamassallugu pingaaruteqarpoq. INI-mit qinnuigineqareerninnit sapaatip akunneri sisamat qaangiutsinnagit INI-p ilanngussat tigusassai tigusimanngippagit, qinnuteqaatit suliarineqaqqinnani ingerlariaqqissanngilaq.



Akuersissuteqarneq

Qinnuteqaatit akuersissutigineqarpat, Namminersorlutik Oqartussanit toqqaannartumik nalunaarfigineqassaatit. Tamatuma kingorna taarsigassarsinermut allagaqaat, piginnittuunermut uppernarsaat taavalut piginnittuunermut immikkut piumasarisat INI-mit suliarineqassapput taakkulu akiitsumik akilersuinissamut pilersaarut ilanngullugu ilinnut nassiunneqassallutik. 
Qaammatikkaartumik akilersugassanngortut PBS aqqutigalugu nammineq piumasaminik akilersorneqartartussaapput.



Itigartitsissuteqarneq

Qinnuteqaatit itigartitsissutigineqarpat, aamma allakkatigut nassuiaatitalimmik sooq itigartitsissutigineqarnersoq pillugu nassinneqassaatit.

Naliginnaasumik paasissutissiinerit

Namminersorlutik Oqartussat sinnerlugit inissialiornermut tapiissuteqartarnermut aaqqiissut INI-p aqutarivaa. Tamanna ima isumaqarpoq, akiligassanut kinguaattoorutit aamma nukingisaarutit INI-mit akileqquneqartassapput.
Akiligassanik kinguaattooruit INI-mit nukingisaarummik allakkatigut nassinneqassaatit. Akiligassavit saniatigut nukingisaarutip nassiunneranut akitsuummut 50 koruunimik taavalu 1.000 koruunit taarsigassavit saniatigut 2 %-ia akilissavat.
Nukingisaaraluni allagaq tigugukku, akiitsutit akilissavatit imaluunniit najukkanni INI-p allaffeqarfianut akilersuinissamut isumaqatigiissusiorniarlutit saaffiginnissuteqassaatit. Aamma taarsigassarsiavit aamma kinguaattoorutivit allanngortinneqarnissaat imaluunniit aaqqiissuteqarnissaat qinnuteqaatigisinnaavat. Taamaaliorniaruillu piumasaqaatit aalajangersimasut naammasseqqaassavatit.

Allakkamik piumasaqaateqarluni allagaqaat

Nukingisaarutaasup tiguneranit sapaatip akunneri sisamat qaangiutsinnagit INI-mut saaffiginnissuteqanngikkuit, allakkamik piumasaqaateqarluni allagaqaammik INI ilinnut nassiussaqassaaq. Tamanna ima isumaqarpoq, akiitsut sinneri akiligassatillu tamaasa ataatsikkut akilissagitit.
Akiitsuit tamaasa akilernissaanut imaluunniit taarsigassarsiavit akiitsuillu aaqqiissuteqarfiginissaanut imaluunniit allanngortinnissaanut inoqutigiinnit akilersinnaaneqartut INI-mut uppernarsaanikkut takutissinnaagukku aatsaat illumi najugaqaannarsinnaavutit.

Eqqartuussivimmut suliassanngortinneqarneq aamma aalajangiineq
Tamatumunnga piumasaqaateqarluni allagaqaatip tigoreerneranit qisuariaateqanngikkuit imaluunniit allatigut akileerusussuseqarlutit takutitsinngikkuit, illup utertinnissaanut piumasaqaatitalimmik INI-p eqqartuussivimmut illit pillutit suliassanngortitsissaaq.
Suliaq ilinnut tunngasoq eqqartuussivimmit aalajangiunneqareerpat, tamanna INI-mut nalunaarutigineqassaaq, tamatumalu kingorna ilinnut saaffiginnissutigineqarluni. Aalajangiineq ilaatigut tassaasinnaavoq, eqqartuussivimmi aalajangiinermit sapaatip akunneri sisamat qaangiutsinnagit illu Namminersorlutik Oqartussanut tunniutissagit.
Illut Namminersorlutik Oqartussanut utertissagukku, najukkanni INI-p allaffeqarfianut imaluunniit nunaqarfimmi allaffeqarfimmut saaffiginnissaatit. Matumani illup utertinnissaanut ikiorneqarsinnaavutit taavalu illumi innaallagissamik, imermik kiassarnermullu kiisalu sillimmasiinernut tamakkununnga atuisuussaguit ilaatigut atuisuujunnaarnissamut aamma ikiorneqarsinnaallutit.

Naliginnaasumik paasissutissiineq

Namminersorlutik Oqartussat sinnerlugit inissialiornermut tapiissuteqartarnermut aaqqiissut INI-p aqutarivaa. Tamanna ima isumaqarpoq, illit inissialiornermut tapiissuteqartarneq aqqutigalugu taarsigassarsiaqartutut imaluunniit taarsigassarsiaqarsimasutut INI attaveqaatigissavat.
Inissialiornermut tapiissuteqartarneq aqqutigalugu inigisimasamut imaluunniit nammineq illuliaasimasumut suli akiitsoqaruit, isumakkeerfigineqarnissamut qinnuteqarsinnaavutit.

Piumasaqaatit

Akiitsuit isumakkeerfigineqarnissaannut illit:
 • Akiitsutit akilersorsinnaajunnaarsimassavatit.
 • Piffissami kingusinnerusukkut akiitsutit akilersorsinnaassagitit ilimanaateqanngilluinnassaaq.

Qinnuteqarneq

Akiitsutit nutaanngitsut pillugit isumakkeerfigineqarnissat kissaatigigukku, qinnuteqarnissamut immersuiffissaq immersussavat. Immersuiffissami qinnuteqarnermi suut illit paasissutissiissutigissagitit ilanngutissagitillu allaqqavoq.

Illorisimasaq pillugu akiliutissat akiligassanngortut isumakkeerfigitinnissamut qinnuteqarneq

Illorisimasami inoqutigiiusut illumik piginnittuusut kisiisa qinnuteqammi allassavatit. Inoqutigiinni ilaasut tassaasariaqanngillat maannakkut najugaqatigisatit.
Qinnuteqaat ilanngussallu tamaasa ilanngullugit najukkanni INI-p allaffeqarfianut imaluunniit nunaqarfimmi allaffeqarfimmut tunniutissavatit imaluunniit nassiutissavatit. Aammattaaq qinnuteqaatip suliarinissaanut ikiorserneqarniarlutit inissiaatileqatigiiffimmut saaffiginnissuteqarsinnaavutit.
Ilanngussat eqqortut tamaasa ilanngussimanissaat eqqaamassallugu pingaaruteqarpoq. INI-mit qinnuigineqareerninnit sapaatip akunneri sisamat qaangiutsinnagit INI-p ilanngussat tigusassai tigusimanngippagit, qinnuteqaatit suliarineqaqqinnani ingerlariaqqissanngilaq.

Akuersissuteqarneq

Qinnuteqaatit akuersissutigineqarpat, Namminersorlutik Oqartussanit toqqaannartumik nalunaarfigineqassaatit. Akiitsut siusinnerusukkut akiliisitsiniartartumut nalunaarutigineqarsimappata, akiitsuit nutaanngitsut isumakkeerfigineqarnerat akiligassaarunnerillu INI-p akiliisitsiniartartumut nalunaarutigissavaa.

Naliginnaasumik paasissutissiineq

Namminersorlutik Oqartussat sinnerlugit inissialiornermut tapiissuteqartarnermut aaqqiissut INI-p aqutarivaa. Tamanna ima isumaqarpoq, illit inissialiornermut tapiissuteqartarneq aqqutigalugu taarsigassarsiaqartutut INI attaveqaatigissavat.
Inissialiornermut tapiissuteqartarneq aqqutigalugu illumik peqalernermi taarsigassarsinissamut allakkanik aamma illumik piginnittuunermut uppernarsaammik atsiortoqartarpoq tassa takuneqarsinnaaniassammat illu pigigit. Tassa imaappoq, illit katissimasallu imaluunniit inooqatigisallu taarsigassarsinissamut allakkat aamma illumik piginnittuunermut uppernarsaammik illu pillugu atsiorussi, illu peqatigiillusi pigissavarsi.
Taarsigassarsinermut peqataajunnaarusukkuit peqataalerusukkuilluunniit, najukkanni INI-p allaffeqarfianut imaluunniit nunaqarfimmi allaffeqarfimmut saaffiginnissuteqassaatit. Matumani annertunerusumik paasissutissanik aamma piginnittuunermut uppernarsaatip immersornissaanut ikiorneqarsinnaavutit.

Taarsigassarsinermit peqataajunnaarneq

Inuunissi ilaani avissaarlusi aappaa allamut nuukkaluarpat, arlarsi nuuttoq taarsigassarsinermit peqataajunnaarsinnaavoq taamaalillunilu illumik piginnittuujunnaassalluni. Tamatuma kingorna aappaa illumik kisimiilluni piginnittuulissaaq taavalu taarsigassarsiat, akiitsut pisussaaffiillu allat akisussaaffigissallugit.
Matumanili eqqummaariffigineqartussaq tassaavoq, taarsigassarsinermit peqataajunnaartup peqataajunnaarnissi tungaanut akilerneqanngitsut akiitsut suli akisussaaffigissammagit.

Taarsigassarsinermit peqataalerneq

Inissialiornermut taarsigassarsineq aqqutigalugu illumik kisimiillutit piginnittuuguit, katissimasat, inooqatigisat imaluunniit kingornussisussat illumik piginnittuulersinnaavoq. Piginnittuuneq marluukkusukkussiuk, piginnittooqataarusuttup taarsigassarsinissamut peqataalernissaq qinnuteqaatigissavaa taamaalillunilu taarsigassarsiassat taavalu akiitsoqassappat pisussaaffiillu allat illit peqatigalugit akisussaaffigissavai.
Taarsigassarsinermut peqataaniaraanni taamaalillunilu inissiamik tapiissuteqartarneq aqqutigalugu illumik piginnittooqataalerluni:
 • Pisortanit taarsigassarsinikkut inissiamik tapiissuteqartarneq aqqutigalugu illumik allamik pigisaqassanngilatit.
 • 18-inik ukioqalereersimassaatit.
 • Piffissamiit pineqartumiit illumi aalajangersimasumik najugaqartutut nalunaarsorsimalissaatit, pissutigalugu inissiamik tapiissuteqartarneq aqqutigalugu illumi najugaqartussaatitaagavit.