Venteliste

Sumiiffinni arlalinni inisssarsiortut amerlammata utaqqisunut allatsittariaqarputit. Utaqqisuni allassimanikkut taamaallaat inissiamik neqeroorfigineqartoqarsinnaavoq.

Utaqqisuni inissisimaffiit imminut kiffartuussivimmi takusinnaavat. Qanoq nassaarisinnaanerlugu uani takujuk.

Ineqarfimmut immikkoortumut ataatsimut allatseqqaneq ukiumut 100 kr.-neqarpoq. Inissiani qassiugaluaniluunniit kissaatigisarni utaqqisutut allatseqqasinnaavutit. Tassa imaappoq Sisimiuni immikkoortortaqarfinnut marlunut allatsikkuit ukiumut 200 kr.-nimik akiliisassaatit.

Utaqqisunut allattorsimaffik ukiut tamaasa nutarterneqartartussaavoq. Ukiup naanerani allakkatigut mailikkulluunniit girokortimik nassitsittassaatit. Utaqqisunut allattorsimaffimmut ataatsimut 100 kr.-imik akiliinikkut allattorsimaffimmiinnerit nutarterusullugu uppernarsassavat. Utaqqisutut allatseqqanernut akiliissaaruit ima paasissavarput utaqqisuniikkunnaarusulersimasutit. Taamaattumik pingaaruteqarpoq utaqqisuniinnermut akiligassaq piffissaatigut akilertarnissaa, taamaangippat utaqqisuniinnerit annaasinnaavat. Innersuussutigissavarput PBS-mut akiligassavit ilanngunnissaa, siunissami piffissakkut akilerneqartarnissaa taamaalillugu isumannaareerlugu.

Girokorti nassiussatta akilerneratigut utaqqisuni inissisimaffiit nutartissavat. Emailippit tunniunnissaa innersuussutigaarput, girokorti mailikkut nassiussinnaaniassagatsigut. Allakkap piffissaq eqqorlugu apuunnissaa qulakkeersinnaanngilarput, piffissarlu eqqorlugu akiliinissaq nammineq akisussaaffigivat. Piffissaq eqqorlugu akiliinngikkuit utaqqisuni inissisimaffiit annaaratarsinnaavat. PBS-imuttaaq allatsinnissaq innersuussutigaarput, siunissami piffissakkut nammineerluni akilerneqartarnissaa taamaalillugu isumannaareerlugu. Taamalillutit aamma piffissakkut akiliisaruit utaqqisut tulleriinneranni inerni nikinnak allaqqanissat qulakkiissagakku.