INI pillugu

INI suliffeqarfiuvoq nuna tamakkerlugu sullissisuusoq, inissianut tunngatillugu suliassanik neqerooruteqartartoq. Aktiaatileqatigiiffiuvugut, taaguuterpullu tassaavoq: 
INI A/S. Namminersorlutik Oqartussat kisimiillutik piginnittuupput.

 

Tamanna qanga aallartippa?

1. januar 1995-imi INI-p, Namminersorlutik Oqartussat aammalu Kalaallit Nunaanni kommunit amerlanersaat sinnerlugit inissiat attartortittakkat aqutarilerpai. Inissiat attartortittakkat assigiimmik aqunneqarnissaat, kiisalu inissiat tulleriiaarlugit aserfallatsaaliorneqartarnissaat kissaatigineqarmat, taamanikkut Namminersornerullutik Oqartussaasut INI pilersippaat.

INI attartortunut aqutsinermik, ineqarnermut akiliutinik assigiimmik aalajangersaasarnermik, piffissamut naleqquttumik sullinneqarnermik aammalu inatsisit atugassarititaasut iluanni najugaqartut oqartussaaqataanerannik ineriartortitsinermik kinguneqartussatut pilersinneqarpoq.

 

Ataatsikkut sumiiffinni arlalinniippugut

INI-p qullersaqarfia Sisimiuniippoq, kisiannili ingerlatseqatigiiffik Kalaallit Nunaanni kommunit amerlanersaanni allaffeqartiterpoq. INI 150it missaannik amerlatigisunik sulisoqarpoq nunarpullu tamakkingajallugu sulisut siammaqqapput.
 

Sulerisarpugut?

INI-mi sullissinerit pingaarnerit imatut immikkoortiterneqarsinnaapput:

• Inissianik aqutsineq 
• Pisortat inissianut aningaasalersuisarnerat – BSU-mit taarsigassarsiat 
• Illuutinik sullissineq     

                                                                                             

Inissianik aqutsineq 

INI-p inissiat 9.000-it missaanniittut isumagisarai. Oqaraangatta inissianik aqutsisuulluta ilaatigut suliassanik makkuninnga suliaqarnerput eqqarsaatigisarparput: 

• Missingersuusiorneq aamma ineqarnermut akiliutissanik akiliisitsisarneq 
• Utaqqisut allattorsimaffiannik aqutsineq 
• Missingersuusianik nakkutilliineq ukiumoortumillu naatsorsuusiorneq 
• Aserfallatsaaliuinissanik pilersaarusiorneq suliaqarnerlu 
• Inissiamut iserternerni inissianiillu aninerni misissuisarneq 
• Najugaqartut oqartussaaqataalersinniarlugit najugaqarfinni siulersuisunik tapersersuineq 

Illuutinik piginnittut aqutsinermi INI-p suut isumagissanerai INI-mut isumaqatigiissutigisarpaat. Tassami sullissinerput pisariaqartitsineq malillugu naleqqussarsinnaavarput. 
Inatsisit Inatsisartunit akuerineqartut malillugit inissianik aqutsisuuvugut. Inissianik attartortitsisarneq pillugu Inatsisartut peqqussutaat kiisalu nalunaarutit tassunga tunngasut malippagut. 

Pisortat inissianut aningaasalersuisarnerat – BSU-mit taarsigassarsiat 
BSU-mit taarsigassarsiat, illuutillit Namminersornerullutik Oqartussanit taarsigassarsiaasa, namminerisamik illuutinut aningaasalersuinermut atorneqartartut aqunneqarnerat isumagisaraarput.


Illuutinik sullissineq 

Illuutinik sullissineq tassaavoq najugaqarfinni sulisutta najugaqarfinni ataasiakkaani sullissinerat. Assersuutigalugu tassani eqqiluisaarneq, aputaajaaneq, mikisualunnik iluarsaassineq assigisaallu pineqarput.

Toqqavik 2016-2017

Aaqqissuussisimaneq

Malittarisassat

Redegørelse for god selskabsledelse (Qallunnaatut)

Assigiinngiiaassuseq pillugu politikki

Inuiaqatigiinnut akisusaassuseq

Ineqarnermut akiliut

Acceptér cookies fra dette site

Denne hjemmeside bruger cookies til af forbedre din oplevelse af sitet
Du kan altid slette cookies via de avancerede indstillinger i din browser

Acceptér ikke cookies Acceptér kun funktionelle cookies Acceptér alle cookies