Ilulissani najugaqarfinni eqqaaveqarfiit nutaat

Ilulissani najugaqarfinni eqqaaveqarfiit nutaat

INI ukioq manna Ilulissani eqqaaveqarfinnik misiligutinik pingasunik pilersitsivoq, Nammaarfimmi marluk Nuussuattaamilu ataaseq. 

Eqqaaveqarfiit taakku pingasut misiligutaapput. Pilersinneqarnerisa kingorna paasinarsivoq atuisunit iluarineqaqisut, minnerunngitsumillu eqqaavilerisunit iluarineqarput imaarnissaat sukkanarninngormata. Eqqaaveqarfiit eqqagassanut annernut katersuivittaqanngillat eqqakkallu suussusaannut immikkoortiterivittaqaratik. 

- Namminersorlutik Oqartussat inissiaataanni immikkoortortaqarfik 42-323-mi pilersaarutaavoq aappaagu eqqaaveqarfinnik 25-nik amerlatigisunik sanassalluta, pilersaarutillu aningaasartassai qulakkeereernikuullutik, taamak oqarpoq INImi teknikeri Klaus Poulsen. 
Eqqaaveqarfiit Namminersorlutik oqartussat iluarsartuussinissamut aningaasaliissutaannit pilersinneqarput.

- Pilersaarusiagut eqqaavilerisunit ajorineqaratillu torragineqarput, taamaammat ingerlaqqissinnaalerpugut neqeroorusiorluta, Klaus Poulsen oqarpoq.

- Kommunip inissiaateqarfiini immikkoortortaq 12-325-mi eqqaaveqarfiit pilersikkusullugit Kommunimut aningaasanik qinnuteqaasiornikuuvugut. Taamaasilluni illoqarfiup sinnera eqqaaveqarfinnik pilersorneqassagaluarpoq, Klaus Poulsen oqarpoq. 

Najugaqartuniit, eqqaavilerisuniillu iluarineqarput 

- Iluartorujorujorujussuupput, siuliinut naleqqiullugit iluarnerujussuupput, eqqaavilerisoq Jakob Gundel taamak oqarpoq nangillunilu:
- Siulii atorlugit igitsiniarutta isikkatsinnik aputaajaqqaartaratsigit pisariulaarlutik. Stativit nunamut iliinnakkaniit pisariinnerujussuupput. Assoruunnannginnerupput, sulisunullu pitsassuullutik, torrallaaneruvoq taamaattuliineq. Isumassarsiatsialaavoq, najugaqarfinni afdelingini allani innersuunnartorujuullutik.

- Aapparma inaaniikkama, taamaattoqaramik, iluartorujuupput toqqissisimanarlutillu. Siulii eqqaaviit atorneqartut amerlagamik ulikkaajallutillu. Eqqaaviit ulikkaaraangata eqqaannut ilioraaginnalertaratta, sumi tamaani eqqaganilluni. Qimmit inunnginnamikkit eqqaavissiortaramik. Qimmeqarfimmiunut tamanut innersuunnartorujuupput, qimmit putoorisaramik eqqakkanik nakkakaatitsillutik, taamaammat nutaat taakku iluartorujuummata innersuunnaqaat, najugaqartoq Jakob Johan Sandgreen taamak oqarpoq.

Acceptér cookies fra dette site

Denne hjemmeside bruger cookies til af forbedre din oplevelse af sitet

Acceptér ikke cookies Acceptér kun funktionelle cookies Acceptér alle cookies