Inissiani uumasuuteqarneq

Inissiani uumasuuteqarneq

Inatsisartut aaliangerput inissiani uummasuuteqarsinnaanermut tunngasut Attartornermi inatsimmi peqqussut malittarisassallu, Naalakkersuisunit allanngortinneqassasut, tassa pisortat inissiaataanni uumasuuteqarsinnaaneq inerteqqutaajunnaassammat. Malittarisassat taakku inissinnissaasa tungaannut Inatsisartut aaliangerput, inissiani uumasuuteqarnermut tunngasumi  suleriaaseq ammanerusoq atulersinneqassasoq. 

Suleriutsimik taamaattumik allannguiniarnermi, inissianik piginnittut paasititsinissaat utaqqiisaarutaasumik pisariaqarpoq, suut piumasaqaataassanersut inissiani uumasuuteqarsinnaaneq akuerineqassappat, assersuutigalugu qularnaveeqqusiissutit allanngortinneqassanersut, taamaalillutik aserfallatsaaliiniarnermut aningaasat annertusissammata, aammalu uumasuuteqartussat uumassuuteqarnissaminnut pisarialimmik kommunimit akuersissummik pisinnaanissaat qanoq qularnaarneqassappat. Tamakku pillugit INIp Namminersorlutik oqartussat kommunisuulli qanimut eqqartueqatigerusuppai, siunertaralugu suleriutsimik allannguilernermi suut piumasaqaatit pissanersut qularnaassallugu.

INIp eqqumaffigai attartortut arlallit maannangaaq inigisaminni uumasuuteqarusullutik periarfissaq atulereerusukkaluaraat, taamaattorli qulaani taaneqartut inissianik piginnittunit suli qularnaarneqanngimmata, INIp suleriuseq nutaaq atuutilersissallugu ajornakusoortippaa. Suleriutsip nutaap piumasaqaatitai imaluunniit inatsisit nutaat inissereerpata INI najugaqartunut sukumiinerusumik paasissutissiiumaarpoq inissiami uumasuuteqarsinnaanermut periusissamut tunngasumik.

Acceptér cookies fra dette site

Denne hjemmeside bruger cookies til af forbedre din oplevelse af sitet

Acceptér ikke cookies Acceptér kun funktionelle cookies Acceptér alle cookies