Siulersuisut

Mads Barlach Christensen, Siulersuisuni siulittaasoq

(1967-imi inunngortoq) Piginnittuniit toqqarneqartoq, 2017-miit siulersuisuni siulittaasutut ilaasortaq

Ilinniakkatigut tunuliaqutaasut:
Grenå Gymnasium, politiitut taavalu politiini aqutsisutut ilinniarnerit assigiinngitsut.

Atorfigisimasai:
2006-imiit Mads Air Greenlandimiilerpoq. Siullermik ilinniarnermut pisortatut, sulisoqarnermut aqutsisutut maannakkullu sulisoqarnermik pisortatut. Mads siusinnerusukkut Nunatsinni politiini atorfeqarsimavoq, ilaatigut politiitut, politistationimi aqutsisutut, nunatsinnilu politeqarfik atuarfiani pisortaasimalluni.

Piginnaanerit:
Aqutsineq, suliffeqarfinnilu ineriartortitsineq

Siulersuisuni inissisimaffiit:
KNR'imi siulittaasumut tullersortaavoq Kalaallit Nunaannit politiit peqatigiiffianni siulersuisuni ilaasortaasarsimavoq siulittaasuusimallunilu, Eqqartuussiveqarneq pillugu ataatsimiitsitaliarsuarmut suleqataasimavoq, politiillu aqutsisuisa peqatigiiffianni siulittaasumut tullersortaasimalluni, Arctic Umiaq Linemi ilaasortaasimavq.Kiisalu siusinnerusukkut Royal Greenland A/S’ip sinniisoqarfianiissimalluni.

Kristian May, Siulittaasup tullia

(1956-imi inunngortoq) Piginnittunit toqqarneqartoq 2015-imilu siulersuisunut ilaasortanngortinneqaqqittoq ukioq ataaseq ilaasortaajunnaaqqariarluni.

Ilinniakkatigut tunuliaqutaasut:
Umiarsuarnik assartuussineq aammalu cand. jur.

Atorfigisimasai:
Kristian ukiuni 30-ni aqutsinermik misilittagaqartuuvoq taakkunannga ukiuni 20-ni danskit sisammik sanaartortitsinermillu suliffeqarfianni aqutsisutut pisortaanertut atorfeqarsimalluni.

Piginnaanerit:
Suliffeqarfimmik ingerlatsineq, inatsisilerineq, najoqqutassiorneq, Inunnik isumalluutissat, suliffiup iluani avammullu attaveqaqatigiinneq, naleqqussaanerit, siuarsaanermik pilersaarusiorneq il.il.

Siulersuisuni inissimaffiit:
Kristian siulersuisuni siulittaasutut ilaasortatullu sulinermik annertuumik misilittagaqarpoq – ilaatigut suliffeqarfinni aammalu sulisitsisut soqutigisaqaqatigiillu kattuffiini.

Inga Dora G. Markussen, Siulersuisunut ilaasortaq

(1971-imi inunngortoq) Piginnittunit toqqarneqartoq 2018-imilu siulersuisunut ilaasortanngortinneqartoq. 

Ilinniakkatigut tunuliaqutaasut: 
Tusagassiortutut ilinniarsimavoq, Tusagassiornermik Ilinnarfik Nuuk

Atorfigisimasai: 
Inga Dora tusagassiortutut, attaveqarnermi siunnersortitut, attaveqatigiinnermut pisortatut atorfeqariarluni 2008-mi AG-mi aaqqissuisuunertut atorfinippoq, 2010-milu Sermitsiami aamma akisussaalluni aaqqissuisunngorpoq. 2012-imi Inga Dora INI-mi atorfinippoq, 2014-imilu Nunat Avannarliit Killiit Siunnersuisoqatigiiffiani generalsekretærinngorpoq, 2018-imilu Royal Greenland-imi uddannelsechef-itut atorfinilluni.  

Piginnaanerit: 
Attaveqarneq

Siulersuisuni inissisimaffiit: 
2000-miit, 2003 tungaanut Inga Dora SAMIK-mi siulersuisuni ilaasortaasimavoq, siulersuisunilu siulittaasuulluni. 2007-miit, 2008 tungaanut Inga Dora KNI-mi siulersuisuni ilaasortaavoq, Namminersorlutik Oqartussaniit toqqagaalluni. 2011-miit, 2015 tungaanut Sermitsiaq.AG-mi siulersuisuni ilaasortaavoq, taavalu 2012-miit, 2014 tungaanut Greenland Television (GTV)-mi siulersuisuni ilaasortaalluni. 

Line Frederiksen, Siulersuisunut ilaasortaq

(1980-imi inunngortoq) Piginnittunit toqqagaavoq 2017'imiit siulersuisuni ilaasortanngorpoq. 

Ilinniakkatigut tunuliaqutaasut: 
Cand.merc. aammalu HD (R)

Suliffigisimasai:
Line 2016imiit Tele Greenland A/S'imi naatsorsuuserivimmi aqutsisuuvoq. Arctic Winter Games'eqarnerani nassiussassanut angallatassanullu aqutsisuusimavoq, Niuernermik ingerlatanut nakkutilliisuusimavoq Air Greenlandimi, aammalu Royal Arctic Line A/S'imi ineriartortitsinermut nalilersuinissamullu siunnersortaasimalluni.

Piginnaanerit:
Aqutsineq, aningaasanillu aqutsineq 

Siulersuisuni ilaasortaaffiit:
Line Meeqqat Inuunerissut/Bedre Børneliv-mik pilersitsisuullunilu siulittaasuusimavoq,Tele Greenland A/S'imi siulersuisunut ilaasortaasimavoq siulittaasumullu tullersortaasimalluni.

 

ArnâraK’ Z. Lennert, Siulersuisunut ilaasortaq

(1966-imi inunngortoq) 2016-mili sulisut qinigaattut siulersuisuni ilaasortaasoq.

Ilinniakkatigut tunuliaqutaasut:
HF, Højere Handelseksamen, EDB-Assistent, Immikkoortua siulleq ilinniarsimavaa HAi (erhvervsøkonomi/datalogi), Aqutsisutullu Diplomlederuddannelsen.

Atorfeqarnikkut ingerlaarfik:
Allaffimmi aqutsisoq Sanaartornermik Ilinniarfimmi, controller KNI A/S-imi, controller/chefcontroller Pisiffik A/S-imi, aningaasaqarnikkut controlleritut, maannakkullu systemchefitut INI A/S-imi atorfeqarluni.

Piginnaanerit:
Naatsorsuineq, inissiaatinut allaffissorneq aamma aqutsineq.

Siulersuisuni inissisimaffiit:
Siornatigut meeqqat atuarfiani siulersuisutut ilaasortaq, siornatigullu meeqqerivimmi siulersuisutut ilaasortaq.

 

Michael Renner Petersen, Siulersuisunut ilaasortaq

(1973-imi inunngortoq) 2016-mili sulisut qinigaattut siulersuisuni ilaasortaasoq.

Ilinniakkatigut tunuliaqutaasut:
Gymnasiet aammalu ukioq siulleq HHX, Aningaasatigut allaffimmiutut ilinniagaqarpoq sanaartornermullu ingeniøriulluni.

Atorfeqarfitigut ingerlaarfik:
Revisorimut ikiorti uani Revisionsinstituttet, pisortap tullersortaa pisiniarfik Jem & Fix-imi.
Nakkutilliisutut, Ingerlatsinermut aqutsisutut, Ingerlatsinermut siunnersortitut, teknikeritut INI A/S-imi Ilulissani 2006-mili atorfeqarsimavoq. Michael ullumikkut teknikimut pisortatut atorfeqarpoq. 

Piginnaanerit:
Ingerlatsineq aserfallatsaaliuinerlu inissiani attartortittakkani (Facility management), sulisunik aqutsineq, naatsorsuutit, missingersuutit, aningaasanillu aqutsineq aamma PRINCE2 model atorlugu ingerlatanik aqutsineq. 

Siulersuisuni inissisimaffiit:
Ineqartut siunnersuisoqatigiianni P.O Pedersen kollegiet-mi ilaasortaasimavoq Ilulissanilu Billard klubbemi siulersuisunut ilaasortaasimalluni.

 

Bekendtgørelse for medarbejdervalg (qallunaatoorpoq)

Forretningsorden atsiogaq (Qallunaatoorpoq)

Acceptér cookies fra dette site

Denne hjemmeside bruger cookies til af forbedre din oplevelse af sitet

Acceptér ikke cookies Acceptér kun funktionelle cookies Acceptér alle cookies