Apeqqutit akissutaallu

Imminut kiffartuussivik atorlugu allatsissinnaavutit. Taanna nanisinnaavat una iserfigalugu.

Aamma utaqqisunut allatsissinnaavutit immersugassaq Inissarsiorluni utaqqisut allattorsimaffiannut allatsinneq immersoriarlugu ini@ini.gl –mut nassiullugu imaluunniit immersukkat INI-mut ornigullutit tunniullugu.

Utaqqisutut allatsikkaanni allanneqassaaq illoqarfik suna immikkoortortaqarfillu sorleq (Namminersorlutik Oqartussat imal. Kommune) allatsiffiginiarneqarnersut.

Allatsinnerillu tamarmik immikkoortortaqarfikkaarlutik 100 kr.-mik akeqarput. Tassa imaappoq illoqarfimmi pineqartuni immikkoortortaqarfinnut immikkut allatsitsinniaraanni, taava akiliutissat ukiumut 200 kr.-ussapput.

Nuummut allatsikkumaguit akiliutissaq 100 kr.-uvoq, tassani INI-p Namminersorlutik Oqartussat inissiaatai kisiisa allaffissuussarimmagit, kommunip inissiaatai allaffissuussarinagit. Taamaattumik Sisimiuni Nuummilu immikkoortortanut tamanut allatsissagaluaruit taava ukiumut akiligassatit 300 kr-ussapput. Tassa immikkoortortaqarfiit Sisimiuni marluk Nuummilu ataaseq allassimaffigilissagakkit.

Inissisimanerit imminut kiffartuussivik aqqutigalugu takusinnaavat. Tassunga isersinnaanngikkuit, ini@ini.gl-imut imal. sumiiffinni INImut saaffiginnissinnaavutit.

Utaqqisutut allatseqqanerit tigummiinnarniarukku, tamanna ukiut tamaasa nutarterneqartartussaavoq.

Tamanna ukiup nikinnera malillugu ingerlavoq, tassa ukiup naaneri tamaasa normu nutarterneqartassalluni.

Akiliiffissamik girokortimik nassinneqassaatit, utaqqisuniinnerit attatiinnarusukkukku akiliinissannut atorsinnaasannik.

Piffissaliussap iluani akiisimanngikkuit, taava utaqqisutut allassimanerinit annaasinnaavat.

Imminut kiffartuussivik atorlugu takusinnaavatit. Ujartuiffimmi toqqagassani inissiamut kissaatitit toqqariarlugit ”Vis kun ledige boliger” (inissiat inoqanngitsut kisiisa takutikkit) nalaaniittoq tuugassaq tuussavat.

Aamma inissiat inoqanngitsut INI-p nittartagaatigut uani imaluunniit INImut saaffiginninnikkut paasiniarsinnaavatit.

Imminut kiffartuussivimmi (login-qupperneq) imminut atuisunngortissinnaavutit tuugassap ”Atuisoq nutaaq” –p toorneratigut. Aammattaaq ikioqqullutit attavigisinnaavatsigut.

Isissutissamut paasissutissat tigusatit tamaallaat ulluni 30-ni atuutissapput. Isissutissap atorunnaannginnerani MitID atulersissavat. Taava MitID atorlugu isertalissaatit.

Siornatigut NemID atorlugu isertarsimaguit, sulilu MitID isertaatinnut atuutsilersimanagu, "Atuisutut ilisarnaatiga imaluunniit isissutissara puigorpara” toorlugu isertaatigileqqaarsimasat e-mailernut nassiutsissinnaavat.

Taamaalereeruit atuisutut ilisarnaatit isissutissallu atorlugit iseqqaariarlutit MitID atulersissavat, isertaatigilerlugulu.

Inuttut paasissutissaatitit illersorniarlugit MitID atorparput.

Aap, imminut kiffartuussivik atorneqassappat MitID-eqartariaqarputit. Tamanna isumannaallisaanermik peqquteqarpoq, taamaasillutit paasissutissat ilinnut tunngasut imminut kiffartuussivimmi illit kisivit iserfigisinnaavatit.

MitID atorlugu isersinnaanngikkuit, MitID atulerseqqaartariaqarsimassavat.

Siornatigut NemID atorlugu isertarsimaguit, sulilu MitID isertaatinnut atuutsilersimanagu, "Atuisutut ilisarnaatiga imaluunniit isissutissara puigorpara” toorlugu isertaatigileqqaarsimasat e-mailernut nassiutsissinnaavat.

Taamaalereeruit atuisutut ilisarnaatit isissutissallu atorlugit iseqqaariarlutit MitID atulersissavat, isertaatigilerlugulu.

Ilisarnaasiussaq puigorsimagukku, taava iserfigissavat ´Jeg har glemt mit brugernavn eller kodeord’ (Atuisutut ilisarnaatiga imaluunniit isissutissiaq puigorsimavara). Taava ingerlariaqqissutissanik nassinneqassaatit.

 Eqqaamallugu isertaatit atorlugu isereeruit MitID atulersissagakku.