Utaqqisuni allattorsimanermik akuerseqqinneq

Utaqqisuni allatseqqavit? Ukiut tamaasa ukiup nikinnerani utaqqisuni allattorsimaneq akuereqqinneqartariaqarpoq. Tassa ukiumi nutaami suli inissarsiorlutit uppernarsarlugu.

Ima akuerseqqissaatit

Inissarsiortutut allassimanerit akuereqqissavat girokorti nassiussarput akilerneratigut. Mailit allattorsimasuutigigutsigu, uppernarsaat mailikkut nassiunneqarsimassaaq.

Girokortip akilerneratigut akuerseqqinngikkuit, imatut paasissavarput utaqqisuni allattorsimarusukkunnaartutit taamaattumillu utaqqisuniit piissavatsigit.

Akuerseqqinnissamut periarfissaq kingulleq

Akiliinissamut periarfissaq kingulleq tassaavoq decembarip ulluisa 31-at. Malugiuk allakkani 1. december allattoornikuugatsigut, Tamanna kukkuneruvoq.

Nukingisaarummik akileeqqussummik nassiussinavianngilagut, taamaammat piffissarititaasup iluani akiliinissaq nammineq akisussaaffigineqassaaq.

Periarfissaq kingulleq nallertinnagu akiliinngikkuit utaqqisuni inissisimaffiit annaasinnaavat.

Maili allakkalluunniit tigusimanngikkukkit INI A/S-imut attaveqarit, nutaamik akuerseqqinnissamik piumallutit piffissaq eqqorlugu akiliisinnaaniassaagavit.

Betalingsservicemut (PBS-mut) allatsinnissaq innersuussutigaarput, taamalilluni akiliineq nammineq piffissaq eqqorlugu pisalissaaq.

Taamalillutit utaqqisuni inissisimanerit qulakkeeqqassavat. PBS-ikkut akiligassap nusunneqarsimanerata qulakkeernissaa inissarsiortup nammineq akisussaaffigaa.

Utaqqisuni allattorsimaffinni inissisimaneq  

Imminut kiffartuussivimmi inissarsiortutut allatseqqanerit sumut killinnersoq takusinnaavat. Malugiuk akuerseqqinneq akilereerukku aatsaat inissisimaffiit takusinnaagakku.

Utaqqisuni allatseqqanerit allanngorarsinnaavoq. Taamaattumik ilai pingaarnersiunermi allanit sallinngorlutik allattorsimaffimmiilersinnaasarput (inissianik attartortitsinermut atatillugu peqqussummi qinnuteqartut pingaarnersiugaasunik tulleriiarneqarnissaat allassimammat), inissarsiortut ilai allattorsimaffimmiit peerneqartarput, allatsissimasullu amerliartortillugit utaqqisuni inissisimanerit nikinneri annerulersarlutik.

 Minnerunngitsumik ukiup aallartinnerani allattorsimaffimmiinneq nikeriangaatsiarsinnaasarpoq, inissarsiortutut utaqqisuniiginnarnissaq uppernarsarneqaraangat. Inissarsiortutut allatseqqaannarniarluni akiligassaq nassiussuunneqaraangat, utaqqisutut allattorsimaffimmiinneq ersikkunnaarallartarpoq, allattorsimaffimmiiginnarniarlunilu akiligassaq akileraanni allattorsimaffimmi inissisimaneq takuneqaqqissinnaalersarluni. Ullup akiliiffissatut ulluliussap qaangiunnissaata tungaanut, inissarsiortutut utaqqisuniinnermi inissisimaneq akiliisut amerlatsikkiartornerat ilutigalugu qaffaqqikkiartulertarpoq. Allattorsimaffimmiinerlu akileereernermi takuneqaqqissinnaalersarluni. Imaanngilarli allanit siulliulluni akiliigaanni, taava inissarsiorluni utaqqisutut allatseqqanermi siuariartoqarsinnaasoq.
Taamaammat ippassaammat normu 10-unerit ullumikkut 15-inngorsinnaavoq, tamannalu kukkunermik tunngaveqanngilaq.