Najugaqarfiit pillugit paasissutissat

Periarfissat itinerusumik paasisaqarfiginerorusukkukkit ”najugaqarfiit pillugit paasissutissat” toorukku, atuarsinnaassavatit INI’s najugaqarfiit aqutai suunersut, illunik piginnittut tassaasut Namminersorlutik Oqartussat kiisalu kommuunit sinnerlugit ingerlanneqartut.
 

Najugaqarfiit tamarmik immikkut naatsorsuusiorfiupput

Inissiat tamarmik Namminersorlutik Oqartussat imaluunniit Kommuninit pigineqarput, najugaqarfinnullu aggulugaallutik. Najugaqarfiit tamarmik immikkut aningaasatigut ingerlatsiviupput. Taamaattumik najugaqarfiit allat aningaasaqarnerat imaluunniit INI nammineq aningaasaqarneranut toqqaannartumik attuumassuteqaratik. Inatsisit malillugit najugaqarfiit immikkoortut tamarmik aningaasartuutitik, ineqarnermut akiliutit isertitaniit matusartussaavaat inissianik piginnittut (Namminersorlutik Oqartussat imaluunniit Kommuunit) immikkut ittumik aningaasaliissuteqanngippata.

 

Sooq ineqarnermut akiliutit allanngortarpat?

Ineqarnermut akit inissianik piginnittut aaliangigarisarpaat, INIp missingersuutit siunnersuusiarisimasai aallaavigalugit.
Piginnittut ineqarnermut akit qaffannissaat piumasarisinnaavaat. Najugaqarfimmi aningaasartuutit qaffassimasinnaasarput soorlu attartortut ineqarnermut akiliisimanngippata, tassami ineqarnermik akiliutit apparsimassagamik. Killormuanili inissianik piginnittut ineqarnermut akiliutit qaffannissaat kissaatiginngippassuk, aningaasat aserfallatsaaliinermut atugassat appartinneqartariaqalissallutik, taamaasilluni inissiat pitsaassussaat aamma appariassalluni.

INIp anguniagariuaannarpaa inissiat inoqanngittarnerat sapinngisamik sivikinnerpaajusassasoq. Inissiammi inoqanngitsillugit ineqarnermut isertitassaagaluit annnaasaqaataasarmata taamaasillunilu najugaqarfimmillu aningaasartuutaasarnerat pinngitsoortinniagarisarlugu.

Erseqqissaatigissavarpullu aamma kiassarnermut imermulluunniit siumoortumik akiliutaasartut INI-mut akiliutaaneq ajormata. Kisiannili kiassaateqarfimmut imermulluunniit naatsorsuusiviusumut illit inigisapput pilersorneqarfianut akiliutit ingerlaqqittarmata. INI-llu taamaallaat isertut anisullu nikingassutaat, atuisunut agguaassiviginissaa inissianik piginnittut sinnerlugit isumagisarlugu.


Inatssit piumasaqaatillu malillugit INI ukiut tamarluinnaasa najugaqarfinnut missingersuusiortarpoq, piginnittunut akuerisassanngortittakkaminik. Taamaasiornikkut ukiuni tullerni aningaasat sumut atorneqarnissaat takussutissianngortarlugit.
 

Acceptér cookies fra dette site

Denne hjemmeside bruger cookies til af forbedre din oplevelse af sitet
Du kan altid slette cookies via de avancerede indstillinger i din browser

Acceptér ikke cookies Acceptér kun funktionelle cookies Acceptér alle cookies