Immersugassat

Allatut allaqqasoqanngippat, immersugassat kalaallisut, qallunaatullu allaqqapput

 

Qinnuteqaatit 

Inissiami suliffimmik ingerlatsinissaq pillugu qinnuteqaat

Inissiami suliffimmik ingerlatsinissamik pilersaaruteqaruit, uani akuersissummik immersuisinnaavutit. 

 

Inissianik paarlaaqatigiikkumalluni qinnuteqarneq

Arlaannik peqquteqarlutit immaqa inissiamik paarlaaqateqarnissamik pisariaqartitsilersinnaavutit. Piumasaqaataavoq paarlaaqatiginiakkallu marluullusi attartornermi isumaqatigiissutisi eqquutsissimassagisi, INI A/S-imut akiitsoqassanngitsusi kiisalu ini paarlateqatigiinnermi tiguniakkat  annertussutsimigut inoqutigiinnut naapertuuttuussasoq.

 

Inissiamik qulakkeerinnissamik qinnuteqaat

Immaqa ilinniaqqittussanngorlutit allamilluunniit peqquteqarlutit ini najukkat illoqarfigisallu sivisunerusumik qimaqqasariaqalersinnaavat. Inissiamut aningaasartuutissavit akilertarnissaat pinngitsoortissinnaavat, inissiamik qulakkeerinninnissamik qinnuteqaruit. Aallaqqanissalli nallerpat inigisat qimassavat, tikeqqinnissalli nalunaarutigigukku inissannik neqeroorfigineqassaatit. Inissiamik qulakkeerinninnissamik qinnuteqarneq, inissiap qimannissaa qaammammik ataatsimik sioqqullugu ingerlanneqassaaq aallaqqanissarlu sivikinnerpaamik qaammatini pingasuni sivisunerpaamillu ukioq ataatsimik sivisussuseqassapput. Qinnuteqaruit aallaqqanissannut uppernarsaatit nammineerlutit qinnuteqarnerni ilanngutissavatit, soorlu aamma aallaqqanerit sivitsussagaluarukku uppernarsaatit nammineq INI A/S-imut apuuttussaagitit.

 

Attartortitsigallarnissamik qinnuteqaat

Immaqa ilinniaqqittussanngorlutit allamilluunniit peqquteqarlutit ini najukkat illoqarfigisallu sivisunerusumik qimaqqasariaqalersinnaavat. Inissiamut aningaasartuutissavit akilertarnissaat pinngitsoortissinnaavat, attartortitsigallarnissamik qinnuteqaruit. Attartortitsigallarnermi inissiarnik attartorallartoq ilinnut akiliisassaaq, ilillu akiligassanut akiliinissaq akisussaaffigissavat. Akisussaaffigissavattaaq attartortitsigallarnerup nalaani, ineqarnermut akiliutinut kinguaattoortoqassagaluarpat. Qinnuteqaruit aallaqqanissannut uppernarsaatit nammineerlutit qinnuteqarnerni ilanngutissavatit, soorlu aamma aallaqqanerit sivitsussagaluarukku uppernarsaatit nammineq INI A/S-imut apuuttussaagitit.

 

Inissiamut allamut nuukkumalluni qinnuteqarneq

Immaqa ilaqutariittut amerliallassimagassi inissiamik anginerusumik pisariaqartitsilersimavusi imaluunniit meeqqatit immikkut ineqalersimammata inissiamut mikinerusumik noorusulersimallutit. Taamaappat inissiamut allamut nuukkumalluni qinnuteqarnissaq periarfissaraat. Uanilu tamatumunnga qinnuteqarsinnaavutit.

 

Inissianut inoqanngitsunut qinnuteqaatissaq

Inissianut inoqanngitsunut uaniittunut Inissarsiorit qinnuteqarniaruit immersugassaq immersussavat.

 

Errorsivimmik/erruivimmik/panersaammik ikkusinissamut qinnuteqaat

Innaallagissamut aqqutit eqqortumik ikkunneqarsimanissaat qulakkeerniarlugu errorsivimmik/erruivimmik/panersaammilluunniit ikkussinissat qinnutigeqqaassavat. Taamatuttaaq pisussaavutit akuerisamik innaallagisserisumik ikkussisussarsiornissat.

 

Immersugassat 

Initaarniarluni utaqqisut allattorsimaffianut allatsinneq 

Kikkulluunniit 15-nileereersimasut initaarniarluni utaqqisut allattorsimaffiannut allatsissinnaapput. Namminersorlutik Oqartussat Kommunilluunniit inissiaataannut utaqqisutut allatsissagaanni, tamarmik marluullutik immikkut kr. 100,00-mik akeqarput.

 

Saaffiginnissuteqarnermi immersortagaq

Imaassinnaavoq najugaqarfigisanni unioqqutitsilluni qimmeqartoqartoq/qitsuuteqartoqartoq imaluunniit allamik INI A/S-imut saaffiginnissutissaqartutit. Uani saaffiginnissuteqarnermi immersortagaq immersorsinnaavat.

 

Eqqaamiorisat pillugu naammagittaalliuut

Eqqaamiorisapput najugaqatigiittut torersumik pissuseqarfeqatigiinneq malissimanngippagu imaluunniit najugaqatigiiffimmi unioqqutitsisoqarsimappat naammagittaalliummik apuussisinnaavutit.

 

Attartornermut isumaqatigiissummik sananissamut allannilersugaq immersugassaq

Nammineerluni illuliaqaruit attartortissallugulu, attartornermut isumaqatigiissut allannilersugaq immersugassaq uani aasinnaavat.

 

Nukissiorfiit - atuilernermik nalunaarut

Nukissiorfiit - atuiunnaarnermik nalunaarut

 

Attartornermi isumaqatigiissummik atorunnaarsitsineq

Attartornermi isumaqatigiissut atorunnaarsissagukku inigisanniillu anissaguit immersugassaq uani aasinnaavat.

 

Suliffimmut atatillugu inissiamik pissarsiniarnissamut immersugassaq

Suliffittaarsimaguit atorfininnernullu atatillugu initaqartinneqarpat, uani inissiamik pissarsiniarlutit immersugassaq aasinnaavat.

 

Oqummik nalunaarutiginninniarluni immersugassaq

Inigisanni oquttoqalersimaneranik pasitsaassaqaruit paasisaqaruilluunniit nalunaarutiginninniarluni immersugassaq uani aasinnaavat.

 

Akiligassanut kiffartuussivimmut ilanngunneqarnissamut immersugassiaq 

Akiligassanut kiffartuussivimmut ilanngunneqarnissaq isumassarsiaavoq pitsaasoq, taamaalillutit piffissaq eqqortuaannarlugu ineqarnermut akiliisarnissat qulakkeersinnaagakku. Akiligassanut kiffartuussivimmut ilanngutereersimanngikkuit uani immersuisinnaavutit.

 

Akileraarutinik sinneqartoorutinik INI-mut nuussineq

Akileraarutinit sinneqartooruteqarsimaguit INI A/S-imullu akiligassarnut sinneqartoorutitit ilaalluunniit nuukkusullugit, uani taamaaliorsinnaavutit.

 

Acceptér cookies fra dette site

Denne hjemmeside bruger cookies til af forbedre din oplevelse af sitet
Du kan altid slette cookies via de avancerede indstillinger i din browser

Acceptér ikke cookies Acceptér kun funktionelle cookies Acceptér alle cookies