Najoqqutassat

Periusissiatut najoqqutassami nutaami Qarsut-mmi (2022-2025-mut najoqqutassarisimasarput) aallaavigalugu misilittakkatsinnik ingerlatitseqqilluta ingerlatsinermi pitsanngorsaaneq, akimuisumik suleqatigiinneq inuiaqatigiinnullu akisussaaffik sukumiisumik pinerullugit anguniagaqalerpugut. Najugaqarnermi atugassarititaasut pitsaasut neqeroorutigisinnaarusuppagut, ulluinnarmi inuunermi ingerlalluarnissamut tunngaviulluaqataasinnaasut.

Ingerlatsineq digitalinngorsaanerlu

Suleriutsini ajornanngillisaassaagut, akimuisumik suleqatigiinneq pitsanngorsarlugu, sullissinitsinilu digitaalinngorsaanertigut imminullu kiffartuussivitsigut atuiuminarsaalluta.

Piujuartitsineq aamma ESG

Allaffissuussinitsinni avatangiisitigut isumaginninnertigullu atugassarititaasut ukkatarinerulissavagut, ESG-mullu piumasaqaataasut atuutilerumaartut sumiiffigisamut naleqquttumik piareersarfigalugit.

Suleqatigiit atugarissaarnerlu

Sulinermi atugassarititaasut pitsanngorsaavigissavagut sulinerup sivikinnerulersinneratigut, sulileqqaarnermi aallartilluarnissamik pitsanngorsaanikkut, ilisimasanik avitseqatigiinnerullutalu sulisunut atugassarititaasut immikkut suliniuteqarfigineratigut.

Suleqatigiinneq ineriartortitsinerlu

Kommuninik suleqateqarneq nukittorsaavigerusupparput, Illuut-llu kattunneqarnissarput piareersarfigalugu aammalu siunissami najugaqarnermut tunngasuni oqallisigineqartuni peqataanerulerluta.