Atorfiit inuttassarsiuussat

Ingerlatsiviuvugut 150-it missingik sulisoqartoq, Kalaallit Nunaannilu illoqarfinni tamangajanni allaffeqarpugut. Sulisut ilinniarsimasaat assigiinngisitaaqaat, ilai ingeniøriullutik, konstruktøriullutik, byggeteknikeriullutik, teknisk assistentiullutik, sanasuullutik, allaffimmiutut ilinniarsimasuullutik allarpassuarnillu tunuliaqutaqartullutik.  

Oqaatsit pingaartitagut tassaapput akisussaassuseqarneq, soqutiginnittuuneq, ataqqinninneq aammalu pitsaasumik sulisinnaaneq. 
Ukiuni kingullerni pingasuni, suliffitta sulisunit iluarisimaarineqarnera qaffakkiartuinnarsimavoq, suliffeqarfitsinnilu sulinermik nuannarinninneq qaffasissorujussuarmiilluni. Nutaatut atorfinittunit tusartarparput, misigisimasartut inussiarnersumik tikilluaqqulluarneqartarlutik. Tamakkulu tunngavigalugit isumaqarpugut, nuannersumik ingerlalluta, immitsinnullu soqutigaluta sulilluta. 

Ingerlaavartunik sulisussanik pisariaqartitsilersarpugut, taamaattoqartillugulu nittartakkatsigut allatigullu sulisussarsiornerit nalunaarutigineqartarput.  
Aammali tikilluaqqusarpagut sulisussarsiunngikkaluaraangattaluniit sulerusulluni qinnuteqaataasartut. job@ini.gl-imut mailerlutit saaffigisinnaavatsigut.

Attaveqarfissaq:

INI A/S

Sulisoqarnermut immikkoortortaqarfik

Box 1020 
3911 Sisimiut 
E-mail: job@ini.gl 
Fax: 86 57 00

  • 31.032020marsi

    Nakkutilliisoq - INI A/S Qaqortoq

    Qaqortumi nakkutilliisutut suleqatissarsiorpugut

    Uani pineqarpoq atorfik akisussaassusilik namminersornartorlu, kikkulluunniit pitsaasunik ineqarnissaannut qulakkeerinnittusssaq
    Nakkutilliisutut atorfimmi inissialerisutut suleqatinut inissianillu allaffissuussisunut suleqateqarneq aqqutigalugu Kujalleq-mi najugaqarfiit immikkoortortaqarfii ulluinnarni ingerlanneqarnerat aserfallatsaaliorneqarnissaallu akisussaaffigissavatit.

    Pingaarnertut suliassaraatit najugaqarfiup ingerlanneqarnera, najugaqartunik sullissineq allaffissuunneqarneralu. Akisussaaffigalugit:

    • Attartortittakkat nakkutigalugit qanorlu inneri nalilertarlugit
    • Pilersaarusiorneq aamma inissianik iluarsartuussinermi nakkutilliineq
    • Sanasut suliaqartitassat inniminnerlugit suliaalu nakkutigalugit
    • Attartortittakkat iserterfigineqalerpata qimanneqarpatalu misissorlugit
    • Aningaasatigut aqutsineq, fakturat akuerisarlugit, missingersuusiorneq/nakkutilliineq

    Pitsaassuseqartumik akisussaassuseqartumillu pimoorussineq suliassap suunera apeqqutaatinnagu
    Tulluuttumik teknikkemut inuussutissarsiornermulluunniit tungasumik ilinniagaqarsimassaatit ukiunilu arlalinni misilittagaqarlutit, inissianik aserfallatsaaliuinissamik ilisimasaqarluassaatit, iluarsartuussisoqarlunilu aserfallatsaaliuisoqassatillugu suliarinnittussarsiuussinissamut aamma ilisimasaqassallutit. Makkua piginnaaneqarfigissavatit:

    • Allaffissuussinermut piginnaaneqarneq ulluinnarnilu MS Office atorsinnaassallugu
    • Pilersaarusiorsinnaassaatit, ulluinnarnilu sulianik nangitsillutit ingerlatitseqqiisarninni ilusilersuillutit
    • Nakkutiginnilluarsinaassaatit killigitinneqartunullu angummassinnaallutit- aamma piffinni unammillernartuni

    Ilagitigut
    Ukiut kingulliit arlalinni sulisut suliffimmut iluarisimaarinninnerat qaffangaatsiarnikuuvoq, suliffeqarfik tamaat isigalugu suliffimmi nuannaarneq annertulluni. Taassuma saniatigut ukkatarineqarpoq suliat assigiinngitsut akornanni suleqatigiinnissaq, taamaammat neqeroorutigisinnaavarput suliffik avitseqatigiiffiusoq unammillernartorlu, suliatigut inuttullu ineriartorfiusoq. Suliffiup avatangiiserissuunissaa pingaartitaraarput qeratasuumillu pissusilersortuunata.

    Atorfininnermi atugassarititaasut:
    Piginnaanitit aallaavigalugit akissarsiaqartitaallutillu atorfinitsitaassaatit. Atorfininninnut atatillugu nuunnissat pigisavillu assartuunnissai pisinnaatitaaffigaatit. Malittarisassat malillugit inissaqartitsisoqarsinnaavoq.

    Sulilernissaq:
    Isumaqatigiissut malillugu.

    Atorfik soqutigaaguk?
    Atorfik pillugu tusaqarneruniaruit sullitanut aqutsisoq Mogens Fontain attavigalugu uunga tlf. nr. 56 01 79 imaluunniit mailikkut mof@ini.gl-mut.

    Qinnuteqaatit CV-it pappilissallu pisariaqartitat allakkatigut mailikkulluunniit tigoreersimassavagut 12. juni 2020

    INI A/S

    HR-afdelingen

    Postboks 1020

    3911 Sisimiut

    E-mail: job@ini.gl