Ingerlatsiviuvugut 150-it missingik sulisoqartoq, Kalaallit Nunaannilu illoqarfinni tamangajanni allaffeqarpugut. Sulisut ilinniarsimasaat assigiinngisitaaqaat, ilai ingeniøriullutik, konstruktøriullutik, byggeteknikeriullutik, teknisk assistentiullutik, sanasuullutik, allaffimmiutut ilinniarsimasuullutik allarpassuarnillu tunuliaqutaqartullutik.  

Oqaatsit pingaartitagut tassaapput akisussaassuseqarneq, soqutiginnittuuneq, ataqqinninneq aammalu pitsaasumik sulisinnaaneq. 
Ukiuni kingullerni pingasuni, suliffitta sulisunit iluarisimaarineqarnera qaffakkiartuinnarsimavoq, suliffeqarfitsinnilu sulinermik nuannarinninneq qaffasissorujussuarmiilluni. Nutaatut atorfinittunit tusartarparput, misigisimasartut inussiarnersumik tikilluaqqulluarneqartarlutik. Tamakkulu tunngavigalugit isumaqarpugut, nuannersumik ingerlalluta, immitsinnullu soqutigaluta sulilluta. 

Ingerlaavartunik sulisussanik pisariaqartitsilersarpugut, taamaattoqartillugulu nittartakkatsigut allatigullu sulisussarsiornerit nalunaarutigineqartarput.  
Aammali tikilluaqqusarpagut sulisussarsiunngikkaluaraangattaluniit sulerusu-lluni qinnuteqaataasartut. Saaffigineqassaagut aqqutigalugu job@ini.gl.

Attaveqarfissaq:

INI A/S

Sulisoqarnermut immikkoortortaqarfik

Box 1020 
3911 Sisimiut 
E-mail: job@ini.gl 
Fax: 86 57 00

  • 30.012020januari

    Sullissisoq - INI A/S Sisimiut

    Shared Service Centeritsinnut Sisimiuni sullissisumik suleqatissarsiorpugut.

    Sullissisutut suliannut tunngasunut akisussaaffimmik tigusisassaatit. Suliannut pimoorussillutit suliat, suleqatitit sullitatillu sukumiisumik aallutissavatit pikkorissuseqartumillu sullississallutit.

    Immikkoortortaqarfimmi suliassatit pingaarnerit ukuupput:

    · Innersuussineq, iserterneq attartortitsinerlu

    · Attartortup najugaqarnerani suliassat

    · Attartortut sullinnerat qanimut, allakkatigut oqarasuaatikkullu, aammalu attartortoq nammineerluni saaffiginnippat sullinnera

    · Naammagittaalliutinik suliaqarneq

    · Attartugassanngortut attartorteqqinneqarnerat

    · Immikkoortortaqarfimmi suliassat takkussuuttut suliarineri

    Pimoorussillutit pikkorissuseqartumillu suliassaq ingerlattassavat

    Allaffissuussinermut tunngasunik ilinniagaqarputit, suleqateqallaqqissuussaatit, iliuuseqartartuullutit suliannullu pimoorussisassallutit, ulluinnarnilu ulapaarnermi suliassat tamakkiisumik isigisinnaassallugit. Aammali naatsorsuutigaarput:

    · Oqaluttariarsornermi allannermilu nassuiaallaqqissuusutit

    · Allannguutaasartunut piareersimasuullutit inuttut ammasuusutit

    · Tamanut sullissilluarnissaq pingaartitarigit allaffimmi sulisut akornanni, sullitanullu avataaneersunut

    · Qarasaasiamik atuilluarsinnaaneq sungiusimagit

    Ilagitigut

    Ukiuni kingullerni sulisut suliffimminnut iluarisimaarinninnerat qaffangaatsiarnikuuvoq, suliffeqarfik tamaat isigalugu suliffimmi nuannaarneq annertulluni. Taassuma saniatigut ukkatarineqarpoq suliat assigiinngitsut akornanni suleqatigiinnissaq, taamaammat neqeroorutigisinnaavarput suliffik avitseqatigiiffiusoq unammillernartorlu, suliatigut inuttullu ineriartorfiusoq. Suliffiup avatangiiserissuunissaa pingaartitaraarput qeratasuumillu pissusilersortuunata.

    Atorfimmi atugassarititaasut:

    Kontorfuldmægtigitut qaffasissusilimmik Namminersorlutik Oqartussat SIK-llu akunnerminni isumaqatigiissutaat malillugu atorfinitsitsisoqassaaq. Atorfimmut atatillugu inissamik innersuussisoqarsinnaassaaq.

    Sulilernissaq:

    Isumaqatigiissutaasoq aallaavigalugu.

    Atorfik soqutigaajuk?

    Atorfik pillugu annerusumik paasisaqarsinnaavutit SSCmi aqutsisoq Tukummeq E. Martinsen attavigalugu uunga 582661 imaluunniit mailimut tem@ini.gl.

    Qinnuteqaatit, CV, pappilissallu attuumassuteqarsinnaasut sukkanerpaamik kingusinnerpaamillu februarip 17-niani. 2020 nassiutikkit.

    Tusarnissat qilanaaraarput.

    INI A/S

    HR-afdelingen

    Postboks 1020

    3911 Sisimiut

    E-mail: job@ini.gl
  • 24.012020januari

    Inissialerisoq – INI A/S Kangerlussuaq

    Kangerlussuarmi inissialeriffitsinni suleqatissarsiorpugut

    Allanngorartumik sullissilluarnissamullu tunngaqisumik suliaqarnissamut, amerlasuunillu suleqateqartarnissamut periarfissaq.

    Inissialerisutut suliassannut tunngasunik akisussaassuseqartumik sulissaatit, ulapaarfinnilu tamakkiisumik isiginnissinnaassallutit.

    Suleqatitit suleqatigilluinnarlugit najugaqartunut sullissineq inissialerinermillu ingerlatsineq suliassanni pingaarnerussapput. Akisussaaffigissavatit:

    • Pilersaarusiorneq najugaqarfiullu immikkoortortaani suliassat isumagineqarnissaat nakkutigalugit
    • Iserterfissat misissorlugit, amigaatinut allattuiffimmiittut isumagalugit
    • Nutserfiit misissorlugit, nalunaarusiorlutit, iluarsagassat aallartisarlugit nakkutilliisup isumaqatigiissuteqarfiginera malillugu
    • Teknikkimut atortut ulluinnarni nakkutigalugit, nalinginnaasumik aserfallatsaaliuineq najugaqarfinni eqqaanilu saligaatsuutsitinissaq.
    • Iluarsagassat minnerit aserfallatsaaliugassallu minnerit isumagalugit
    • Suliassanngortut tamalaat

    Suliassaq suugaluarpat pimoorussineq akisussaassuseqarnerlu

    Sullissillaqqissuussaatit, assassorluni suliassanut misilittagaqassaatit. assassorluni suliamik ilinniagaqarsimasinnaavutit, inissiallu aserfallatsaaliorneqarnissaannut ilisimasaqassallutit. Aammattaaq:

    · ITmik atuisinnaassuseqassaatit, kørekorteqarlutillu

    · Namminersorlaqqillutillu iliuuseqallaqqissuussaatit, suleqatikkuminarlutillu

    · Pilersaarusiullaqqissuussaatit suliassallu nangillugit ingerlateqqittarlugit

    · Biilernermut allagartaqassaatit

    · Oqaatsinik marluinnik oqaaseqartuussaatit

    Uatsinnut ilanngugit

    Ukiut kingulliit ingerlanerini sulisut suliffimmut iluarisimaarinninnerat qaffangaatsiarnikuuvoq, suliffeqarfik tamaat isigalugu suliffimmi nuannaarneq annertulluni. Taassuma saniatigut ukkatarineqarpoq suliat assigiinngitsut akornanni suleqatigiinnissaq, taamaammat neqeroorutigisinnaavarput suliffik avitseqatigiiffiusoq unammillernartorlu, suliatigut inuttullu ineriartorfiusoq. Suliffiup avatangiiserissuunissaa pingaartitaraarput qeratasuumillu pissusilersortuunata.

    Atorfimmi atugassarititat:

    Naalakkersuisut aamma SSK akunnerminni isumaqatigiissutaat atuuttoq naapertorlugu inissialerisumut atorfinitsitineq pissaaq. Atorfimmut atatillugu inissaqartitsisoqarsinnaavoq.

    Sulilerfissaq:

    Isumaqatigiissutit aallaavigalugit piaartumik.

    Atorfik soqutigaajuk?

    Taamaappat qinnuteqaatit, CVit, pappilissallu attuumassuteqarsinnaasut piaarnerpaamik kingusinnerpaamillu 17. februar 2020 job@ini.gl –mut nassiukkit.

    Atorfik pillugu annerusumik paasisaqarusukkuit sullissinermi aqutsisoq Rachel Ingemann attavigalugu uunga mailikkut rac@ini.gl. immaluunniit tlf. nr. 70 10 00-mut.


    Tusarnissat qilanaaraarput.

    INI A/S

    HR-afdelingen

    Postboks 1020

    3911 Sisimiut

    E-mail: job@ini.gl