Inissiani uumasuuteqarneq

Attartortutut uumasuutitaarsinnaavutit piumasaqaatit pingasut tulliuttut naammassisimagukkit:

  1. Najugaqarfigisanni uumasuuteqarnissaq akuerisaavoq.
  2. Kommunimit uumasuuteqarnissannik akuersissut INI A/S-mut nassiussimavat.
  3. Qaammatit pingasut attartornermut akiliutip annertoqqataata immikkut qularnaveeqqut akilersimavat.

Qulaani piumasarineqartut Inatsisartunit aalajangigaapput.

 

Najugaqarfiup immikkoortortaqarfiani akuersissut

Uumasuuteqassaguit najugaqarfiup immikkoortortaqarfiani uumasuuteqarsinnaaneq akuerisaasussaavoq. Uumasuuteqarsinnaaneq akuerisaanersoq inerteqqutaanersorluunniit, najugaqarfiup immikkoortortaqarfiani ataasiakkaani qinersinikkut aalajangiiffigineqarnikuuvoq.

Attartortup nammineq akisussaaffigivaa misissussallugu, najugaqarfimmini immikkoortortaqarfimmi uumasuuteqarsinnaanermut akuersisoqarsimanersoq. Tamannalu uuma quppernerup talerpiata tungaani takuneqarsinnaavoq, najukkami immikkoortortaqarfiup siulersuisuinut paasiniarneqarsinnaalluni imaluunniit sumiiffigisami INImut ornigulluni paasiniarneqarsinnaalluni.

Malugeqquneqarpoq, kommunit maleruagassiaat naapertorlugit, qimmit qimuttut matumani ilaanngimmata. Tassa imaappoq, qimmit qimuttut inissiani INI A/S-ip allaffissuussaani uumasuutigineqaqqusaanngillat.

 

Kommunimit akuerisaaneq

Uumasuutitaartinnak kommunimit akuersissummik piniaqqaartussaavutit. Taannalu taava uppernarsaatitut INI A/S-imut nassiutissavat.

Kommunimit akuersissut uumasumut ataasiinnarmut atuuttuuvoq, taamaattumik  allamik uumasuutitaarniarniaruit kommunimut akuersissummik nutaamik piniaqqaassaatit.

Tassa imaappoq, qitsuk pigisat aapperniarukku, taava akuersissummik allamik kommunimut piniaqqinnissat pisariaqarpoq.

 

Immikkut qularnaveeqqusiussaq

Uumasuutitaartinnak immikkut qularnaveeqqut akileqqaartussaavat.  Immikkut qularnaveeqqutip angissuserivaa qaammammut inissiamik attartornermi akiliutip pingasoriaataa (tassani ilaanatik imermut kiassarnermullu akiliutaasartut). Akiliut uumasuuteqarnermi ajoqutaalersimasinnaasunut matussutissatut sillimmasiussaavoq.

Immikkut qularnaveeqqut pineqartoq, uumasuutitaartinnak INI A/S-imut akileqqaartussaavat. Immikkullu akiliutissaq naafferartumik akilersorsinnaanngilat.

Attartukkamit aninerpit kingorna inissiaq misissorneqareerpat ajoqusikkallu iluarsaanneqareerpata, immikkut qularnaveeqqusiussat pineqartoq utertissinnaavat. Immikkut qularnaveeqqusiussap naliginnaasumillu qularnaveeqqusiussap iluarsaassassat matussuseereernerisa kingorna sinneruttui tiguneqarsinnaanngussapput.

 

Ileqqorissaarnissamut maleruagassat

Ileqqorissaarnissamut malerugassat inissiat ilaani uumasuuteqarfigineqarsinnaasunut tunngasut nittartakkami atuarneqarsinnaapput.

Sanilerisap INIp ileqqorissaarnissamut malerugassat malinngippagit, taava saniliusoq allakkatigut naammagittaaliuteqarsinnaatitaavoq.

INI-p ammasarfiisa avataatigut sanilerisamit nipiliornikkut annertuumik ajoqusersorneqaruit, taava INI-p oqarsuaatikkut piareersimatitaanut 70 10 00-mut sianerlutit uppernarsaatitsiumasinnaavutit.

 

Ileqqorissaarnissamut malerugassat INIp uani atuarsinnaavatit.


Najugaqarfinni uumasuuteqarsinnaaneq akuerisaava? Uani akissutaa nanisinnaavat

Apeqqutit akissutillu