Inissiat 9000-it

Sulisut 150-it

93% kalaallisut oqaasillit



INI A/S suliffeqarfiuvoq kalaallinit pigineqartoq, inissianillu suliarinninnissamut neqeroortoq. Piginneqatigiiffiuvugut Ini A/S-millu ateqarluta. Namminersorlutik Oqartussat tassaavoq piginnittoq.

INI A/S 1. Januar 1994-imi siusinnerusukkut Namminersornerullutik Oqartussanik massakkut Namminersorlutik Oqartussaasunit, kiisalu kommunenik amerlanersaannik sullissilluni aallartippoq. Inissianik assigiissaartumik allaffissornikkut ingerlatsinissaq kiisalu ataqatigiissaartumik inissianik aserfallatsaaliuisarnissaq kissaatigineqarmat, Namminersornerullutik Oqartussanit pilersinneqartoq.

INI-p qullersaqarfia Sisimiuniippoq, ingerlatseqatigiiffilli illoqarfinni amerlanerni allaffeqarfeqarpoq. INI A/S 150-t missiliorlugit illoqarfinnut agguataakkanik sulisoqarpoq.


INI A/S suleriva?

INI-p suliarisartagai ukununnga agguataarneqarsinnaapput:

  • Inissianik allaffissuussineq
  • Pisortat inissianut aningaasalersuisarnerat – BSU-mit taarsigassarsiat
  • Illuutinik sullissineq


INI A/S inissianik pigisaqanngilaq, inissianilli Namminersorlutik Oqartussanit kommunenillu pgineqartunik ingerlatsinermik allaffissuussilluni.

 

Inissianik allaffissuussineq

INI A/S inissianik 9.000-it missaanniittunik allaffissuussinikkut suliaqarpoq. Inissianik ingerlatsinermik allaffissuussilluta oqarutta, isumaqarpoq, makku ilaatigut suliarisarigut:

  • Missingersuusiorneq aamma ineqarnermut akiliutissanik akiliisitsisarneq
  • Utaqqisut allattorsimaffiannik aqutsineq
  • Missingersuusianik nakkutilliineq ukiumoortumillu naatsorsuusiorneq
  • Aserfallatsaaliuinissanik pilersaarusiorneq suliaqarnerlu
  • Inissiamut iserternerni inissianiillu aninerni misissuisarneq
  • Najugaqartut oqartussaaqataalersinniarlugit najugaqarfinni siulersuisunik tapersersuineq

 

Inissianik piginnittut INI A/S isumaqatigiissusiorfigisarpaat allaffissornikkut suut INI A/S-imit ingerlanneqassanersut aalajangernniarlugit. Pisariaqartinneqartut naapertorlugit ikiuinissarput nalimmassarsinnavarput. Inatsisartut ineqarneq pillugu peqqussutaat kiisalu nalunaarutit taakkununnga attuumassutillit naapertorlugit Ini A/S allaffissornikkut ingerlatsivoq.

 

Pisortat inissianut aningaasalersuisarnerat – BSU-mit taarsigassarsiat

BSU-mit taarsigassarsiat ingerlanneqarneranni allaffissuussisuuvugut, nammineq illuutillit piginnittui Namminersorlutik Oqartussat aqqutigalugit atorniarsimappata, illuutit nammineerlutik pigineqartut aningaasalersorneqarnerat pillugu allaffissuussisuulluta.

 

Illuutinik sullissineq

Illuutinik sullissineq tassaavoq najugaqarfinni sulisutta najugaqarfinni ataasiakkaani sullissinerat. Assersuutigalugu tassani eqqiluisaarneq, aputaajaaneq, mikisualunnik iluarsaassineq assigisaallu pineqarput.