Najoqqutassat

INI A/S inuiaqatigiinnut pingaaruteqarnera peqqutigalugu, sullitallu qitiutinneqarnissai pillugit ataatsimut anguniagaqarnissaq pingaaruteqarpoq. Anguniakkat uani allaaserineqarput.

”Toqqavik” tassaavoq najoqqutassaq 2016-2017-imi ingerlanneqartoq, taannalu iliuuseriniakkat

ataasiakkaat eqqaassanngikkaanni naammassineqalereerpoq. 2019-imi Toqqavimmiit anguniagassat

kingulliit naammassineqassapput, illuutinik sullissineq kiisalu systemip nutaap UNIK-ip

atortuulernissaalu aallunneqassallutik.

Najoqqutassaq nutaaq, maanna uani atuakkat, 2021-p tungaanut atuuttussaq tassaavoq Sukaq,

Toqqavik –llu nangillugu najoqqutassiaalluni.

Sukaq atorlugu naleqquttumik sinaakkusiinikkut akilersuinikkullu INI A/S

unammillersinnaanngortinneqassaaq. Ileqqunik allannguinissat pisariaqartut ukkanneqassapput,

tamaginnik sulisunik sulisorinniinnarnissaq ineriartortitsinissarlu aallunneqassallutik,

uani pisortanit sulisut ilanngullugit pineqarput. Sullarinnerulernissaq attartortullu

naammagisimaarinninnerulernissaat nutaamik IT-kkut systemeqalernerup qaffassassavai.

Sukaq atorlugu, sullissinermik pisariinnerulersitsineq sullitanut

naammagisimaarinninnerulersitsinissamut aallaaviussaaq. Tamanna ilaatigut pissaaq

digitaliseriineq onlinekkullu imminut kiffartuunneq aqqutigalugu. Taassuma saniatigut suleqatigisat

suleqatigilluarnerisa attatiinnarnissaat siunertaavortaaq.

INI A/S-llu allaffissornikkut, sullissinikkut, illuutinik sullissinikkut, aserfallatsaaliuinikkut teknikkikkullu

ikiorsiinikkut kiffartuussisutut pisortanit atorneruneqalernissaa pingaarnertut anguniagaavoq.

Sukaq tunngavinnut ukununnga tallimanut sammiveqarpoq:

• Pisariillisaaneq akilersuutillu
• Attartortumik ukkassineq
• Ineriartornissamut periarfissat
• Sulisunik ukkassineq
• Soqutigisanik isumaginninneq

Sammisat tamarmik immikkut arlalinnik anguniagassartaqarput, Sukaq pillugu uani annerusumik paasisaqarsinnaavutit