Nutaarsiassat

  • 19.042021apriili

    Inissarsiorniarnermi periusissaq nutaaq

    1. Maj 2021 aallarnerfigalugu inissarsiortariaaseq allanngussaaq. 1. Maj inissarsiortut mailikkut neqeroorfigineqartalissapput, digitalimik akisassamik. Periutsip taassuma nutaap inissarsiortunut qinnuteqarnissaq ajornannginnerulersissavaa.

    1. Maj aallartittumik inissarsiortut INI-p nittartagaatigut normu qassinngornerlutik alakkartertariaarutissavaat imaluunniit INI-mukaqqaartariaarutissapput.

    Immikkoortortaqarfimmi pineqartumi utaqqisuniittut siulliit Inimik neqeroorfigineqartassapput, akuersillutillu akissuteqartut akornanni sivisunerpaamik utaqqisimasumut inissiaq tunniunneqassaaq.

    Inimik tunineqarnissamik piukkussat akornanniissagaanni imminut kiffartuussivimmi neqeroorut akuerineqassaaq. Neqeroorummullu kakkigunneqarsimasoq "Inissiamik attartortitsinermi paasissutissat” immersorlugu uploaderneqassaaq. "Inissiamik attartortitsinermi paasissutissat” immersornerata qulakkiissavaa, ilumut inissarsiortup attartortitsinermut peqqussut naapertorlugu attartorsinnaatitaanerluni piumasaqaatinik naammassinninnersoq.

    Inissarsiortut inissiamut neqeroorummik digitalimik akinissaminnut "Inissiamik attartortitsinermi paasissutissat” –milluunniit uploaderinissaminnut periarfissaqanngitsut, INImut ornigullutik ikiorneqarnissaminnut periarfissaqarput.

    Inissarsiortut mailadresse eqqortoq tunniussimanerlugu qulakkeertassavaat. Imminut kiffartuussivimmi "Inuttut paasissutissat” nalaanni eqqortumik ikkuteqqanersoq takuneqarsinnaavoq naqqiissuteqarfigineqartarsinnaallunilu.

    Inissarsiortut aammattaaq utaqqisut allattorsimaffiannut allatsissimanissartik isumannaarsimasussaavaat ukiumoortumillu inissarsiortutut akiligassap akilersimanissaa aammaattaaq ilanngullugu isumannaarsimasassallugu. Allatseqqaffigisat "Inissiat kissaatikka” ataani allattoqqasussaapput takuneqarsinnaajuaannarlutik.

  • 19.042021apriili

    Imermut kiassanermullu naatsorsuutit digitalimik nassiunneqassapput

    Apriilip 27-ani 2021 2020-mut imermut kiassanermullu naatsorsuutit avammut saqqummiunneqassapput. Naatsorsuutit ukioq manna digitalimik nassiunneqassapput INI-p imminut kiffartuussiviatigut, siornatuulli allakkatigut nassiunneqassanatik.

    Apriilip 27-ata kingorna najugallit tamarmik imminut kiffartuussivimmut www.ini.gl iserlutik atuinermut akiligassaqarnerlutik utertuugassaqarnerlutilluunniit takusinnaalissavaat.


    Najugallit NemID-qartussaatitaanerup atuutsilerneqannginnerani NemID-minnik atassusiisimanngitsut ini@ini.gl-imut attaveqarlutik isernissamut ikiorneqarsinnaapput. Najugallit allanik peqquteqarlutik isissutissaqanngitsut allatigulluunniit ikiugassaasut tassungattaaq attaveqarsinnaapput.

    Najugallit digitalimik allagarsianik (e-boks) pissarsisarnissamut pisussaajunnaarsinneqarnikut naatsorsuutit suli allakkatigut tigunissaanut periarfissaqarput. Taakku ini@ini.gl-imut attaveqassapput.

  • 10.022021februaari

    9. februar meeqqat oqartussaasuinut nalliuttorsiorfiuvoq

    Ippassaq ulloq nalliuttorsiorfiuvoq! Meeqqat oqartussaasut plakatiliartik borgmesterimut, kommunaldirektørimut, najugaqarfiup siulersuisuinut lokalradiomullu saqqummiuppaat.

     

    Ukiup affaa kingulleq meeqqat oqartussaasut najugaqarfitsik qanoq pitsanngorsarsinnaanerlugu sulisimapput. Aalajangersimappullu qimmit angalaannartut eqqarsaatigalugit isumannaassuseq ukkanniarlugu.

     

    Meeqqat plakatiliorsimapput ima oqariartuutilimmik `Meeqqat paarisigit qimmillu pitullugit` peqatigiiffimmullu Qimusseq Sisimiunut allagaqarsimallutik kaammattuutigalugu qimmit pituttorneqarnissaat toqqissillutik aneersinnaajumallutik. Allagartik peqatigiiffiup siulittaasuanut ataatsimiinnermik siuliani tunniuppaat.

     

    Qaaqqusanut saqqummeereeramik najugaqarfimminni plakati nivinngaassorpaat.

     

    Neriuppugut Sisimiuni nivinngaassorneqartoq plakatiliarisimasaat tigulluarumaarissi.

    Assit amerlanerusut Meeqqat Oqartussaasut Facebookkikkut quppernerani isiginnaarsinnaavatit ugguuna:

    Meeqqat oqartussaasut saqqummersitsinerat

     

  • 13.112020novembari

    Attartortutsinnut eqqaasitsissut

  • 04.112020novembari

    Anorersuarnerata kingorna Nuummi Paamiunilu killiffik

    Nuuk Paamiullu anorersuarsiorfiungaatsiarput inissianilu allaffissuussatsinni ajoqusernerit uku nalunaarutigisinnaavagut.

    Nuummi:

    - Blok 34 aamma 36-mi illut qaliaasa qalissiaat kaanngarsimapput sumiiffiillu ilaanni Qapiarfiusaami aseruatitersimallutik.

    - Blok 32-mi Qapiarfiusaamiittumi qalissiap aniinganerata qisuttaasa ilai katangarsimapput.

    - Kommunemi sulisut centermarkedip qimaaffissiatut majuartarfii assiaqutsersorsimavaat, katallutik inunnut navianartorsiortitsisinnaammata. Ualeru anoraa qatsuumippat peerneqassaaq. (Qapiarfiusaaq.)

    - Blok T-mi Tuapannguaniittumi illup qalissiaa kaanngaqqavoq.

    - Eqqaaveqarfiit qulit missaanniittut qalissiai tingitaasimapput.

    Nuussuarmi:

    - Eqalugalinnguani inissiat ilaasa qalissiaat tingissimapput aseruatitersimallutillu.

    - Sangoriami illup silataata qisuttaasa ilai teqqarsimapput.

    Paamiuni:

    - Blok R-ip qalissiaa tamarmik kaanngaqqavoq. Najugaqartut ippassaq inissianut allanut nuussortinneqarput.

    Minitaqarpugut? Taava oqaluttuutikuttoorsinnaavatsigut.

    Ajoqusernerit iluarsaanneqarlutik aallartinneqareerput. Ajoqusernerit tamarmik sillimmasiisarfimmut nalunaarutigineqareerput, tassanngaanniillu aningaasartuutit matussuserneqassallutik.