Nutaarsiassat

  • 23.072020juuli

    Nuummi attartortutsinnut nalunaarut

    Misissugassamik tigooqqaanerit Namminersorlutik Oqartussat inaataanni allaffissuussatsinni tamani ingerlanneqassaaq.
    Suleqatitsinnik pulaarneqarnissarsi ulluinnarni nal. 8.00-16.00-illu akornanni ilimagissavarsi, tamannalu naatsorsuutigineqassaaq augustip aallartinnera ilanngullugu.
     
     
  • 12.062020juuni

    INI A/S ukioq manna aamma Saligaatsoq Nuummi ingerlanneqarmat peqataavoq

    Nuna tamakkerlugu saleersuarnerit ingerlateruttulerpagut, ullumilu suleqatigut arlallit Nuummi Saligaatsoq ingerlanneqarmat ulapputtunut akuupput. 
    Illoqarfitta saligaatsuutinnissaat ataatsimoorluta akisussaaffigaarput, taamaammallu ukiut tamaasa Saliineq aamma Saligaatsoq pingaartillugit peqataaffiginiartarpagut.
     
     
     
     
     
     
     
  • 03.062020juuni

    Ilulissani Saliineq naammassilluarneqarpoq

    Ukioq manna Ilulissani Saliineq arfininngormat 30. maj ingerlanneqarmat silagissuup ataani meerannguaniit utoqqarnut saleerrattoqarpoq.
    Ilulissanilu INI A/S-imi sulisut sinnerlugit sullissinermut aqutsisoq Brian Grønvold ima qujassuteqarumavoq:
    ”Kajumillusi akisussaaqataallusilu saleeqataanersi pillugu qutsavigivatsigit. Maliugassiueqataavusi.”
     
    Assit amerlanerusut uani takusinnaavatit:  
     

    https://www.facebook.com/permalink.php?story_fbid=1493602707485752&id=173250876187615

     
     
     
     
     
     

     


  • 19.052020maaji

    Ukioq manna kujataani Saliineq naammassilluarpoq

    Sapaatip akunnerata naanerani kujataani ukiumoortumik upernaakkut saleeqatigiittarneq Saliineq ingerlanneqarpoq. Nanortalimmi, Narsami Qaqortumilu innuttaasut ikiuukkumatuut 150-it missaat illoqarfimminnik saliipput. Tamatuma kingorna pølsituuttoqarpoq kiisalu najuuttunut uumasuuteqarneq najugaqartullu oqartussaaqataanerat pillugu saqqummiisoqarluni.
    Peqataasut akornanni makitsisoqarmat gavekortimik pinnatassartalimmik, uku makitaapput:
    Nanortalimmik ilaqutariit Thomsen-ikkut, Narsami Ane Kirk kiisalu Nanortalimmi Naasunnguaq Mathiesen.
    Aatsaat taama amerlatigisunik peqataasoqarpoq. Ikiuuttut tamaviisa qutsavigingaarpagut.
    Upernaap aasallu ingerlanerani illoqarfinni allani Saliineq ingerlatissavarput. Facebookikkut malinnaaniarisi, tassani Kalaallit Nunaata sinnerani qaqugu saliisitsisoqarnissaa nalunaarutigisarumaarparput.

     

     

  • 12.052020maaji

    Aningaasaqarnermut siunnersortigut tanngassimaarutigaagut!

    Aningaasaqarnermut siunnersortigut pikkorilluinnartut attartortutsinnik aningaasaqarnermikkut unamminartorsiortunik, aningaasaqarnermikkut akiitsoqarnermikkullu ataatsimut isiginnissinnaassuseqalernissaannik ikiuuttarput. Attartortutsinnut tamanut aningaasaqarnikkut siunnersuinissamik neqerooruteqartarpugut. Neqeroorut akeqanngilaq aningaasaqarnermullu siunnersortigut nipangersimasussaatitaapput.

    Ikiortariaqarpit? Taava ikorfaq@ini.gl attaveqarfigisinnaavat.