Siulersuisut

Mads Barlach Christensen, Siulersuisuni siulittaasoq

(1967-imi inunngortoq) Piginnittuniit toqqarneqartoq, 2017-miit siulersuisuni siulittaasutut ilaasortaq

Ilinniakkatigut tunuliaqutaasut:

Grenå Gymnasium, politiitut taavalu politiini aqutsisutut ilinniarnerit assigiinngitsut.

Atorfigisimasai:

2006-imiit Mads Air Greenlandimiilerpoq. Siullermik ilinniarnermut pisortatut, sulisoqarnermut aqutsisutut maannakkullu sulisoqarnermik pisortatut. Mads siusinnerusukkut Nunatsinni politiini atorfeqarsimavoq, ilaatigut politiitut, politistationimi aqutsisutut, nunatsinnilu politeqarfik atuarfiani pisortaasimalluni.

Piginnaanerit:

Aqutsineq, suliffeqarfinnilu ineriartortitsineq

Siulersuisuni inissisimaffiit:

KNR'imi siulittaasumut tullersortaavoq Kalaallit Nunaannit politiit peqatigiiffianni siulersuisuni ilaasortaasarsimavoq siulittaasuusimallunilu, Eqqartuussiveqarneq pillugu ataatsimiitsitaliarsuarmut suleqataasimavoq, politiillu aqutsisuisa peqatigiiffianni siulittaasumut tullersortaasimalluni, Arctic Umiaq Linemi ilaasortaasimavq.Kiisalu siusinnerusukkut Royal Greenland A/S’ip sinniisoqarfianiissimalluni.

Kristian May, Siulittaasup tullia

(1956-imi inunngortoq) Piginnittunit toqqarneqartoq 2015-imilu siulersuisunut ilaasortanngortinneqaqqittoq ukioq ataaseq ilaasortaajunnaaqqariarluni.

Ilinniakkatigut tunuliaqutaasut:

Umiarsuarnik assartuussineq aammalu cand. jur.

Atorfigisimasai:

Kristian ukiuni 30-ni aqutsinermik misilittagaqartuuvoq taakkunannga ukiuni 20-ni danskit sisammik sanaartortitsinermillu suliffeqarfianni aqutsisutut pisortaanertut atorfeqarsimalluni.

Piginnaanerit:

Suliffeqarfimmik ingerlatsineq, inatsisilerineq, najoqqutassiorneq, Inunnik isumalluutissat, suliffiup iluani avammullu attaveqaqatigiinneq, naleqqussaanerit, siuarsaanermik pilersaarusiorneq il.il.

Siulersuisuni inissimaffiit:

Kristian siulersuisuni siulittaasutut ilaasortatullu sulinermik annertuumik misilittagaqarpoq – ilaatigut suliffeqarfinni aammalu sulisitsisut soqutigisaqaqatigiillu kattuffiini.

Inga Dora G. Markussen, Siulersuisunut ilaasortaq

(1971-imi inunngortoq) Piginnittunit toqqarneqartoq 2018-imilu siulersuisunut ilaasortanngortinneqartoq. 

Ilinniakkatigut tunuliaqutaasut: 

Tusagassiortutut ilinniarsimavoq, Tusagassiornermik Ilinnarfik Nuuk

Atorfigisimasai: 

Inga Dora tusagassiortutut, attaveqarnermi siunnersortitut, attaveqatigiinnermut pisortatut atorfeqariarluni 2008-mi AG-mi aaqqissuisuunertut atorfinippoq, 2010-milu Sermitsiami aamma akisussaalluni aaqqissuisunngorpoq. 2012-imi Inga Dora INI-mi atorfinippoq, 2014-imilu Nunat Avannarliit Killiit Siunnersuisoqatigiiffiani generalsekretærinngorpoq, 2018-imilu Royal Greenland-imi uddannelsechef-itut atorfinilluni.  

Piginnaanerit: 

Attaveqarneq

Siulersuisuni inissisimaffiit: 

2000-miit, 2003 tungaanut Inga Dora SAMIK-mi siulersuisuni ilaasortaasimavoq, siulersuisunilu siulittaasuulluni. 2007-miit, 2008 tungaanut Inga Dora KNI-mi siulersuisuni ilaasortaavoq, Namminersorlutik Oqartussaniit toqqagaalluni. 2011-miit, 2015 tungaanut Sermitsiaq.AG-mi siulersuisuni ilaasortaavoq, taavalu 2012-miit, 2014 tungaanut Greenland Television (GTV)-mi siulersuisuni ilaasortaalluni. 

Line Frederiksen, Siulersuisunut ilaasortaq

(1980-imi inunngortoq) Piginnittunit toqqagaavoq 2017'imiit siulersuisuni ilaasortanngorpoq. 

Ilinniakkatigut tunuliaqutaasut: 

Cand.merc. aammalu HD (R)

Suliffigisimasai:

Line 2016imiit Tele Greenland A/S'imi naatsorsuuserivimmi aqutsisuuvoq. Arctic Winter Games'eqarnerani nassiussassanut angallatassanullu aqutsisuusimavoq, Niuernermik ingerlatanut nakkutilliisuusimavoq Air Greenlandimi, aammalu Royal Arctic Line A/S'imi ineriartortitsinermut nalilersuinissamullu siunnersortaasimalluni.

Piginnaanerit:

Aqutsineq, aningaasanillu aqutsineq 

Siulersuisuni ilaasortaaffiit:

Line Meeqqat Inuunerissut/Bedre Børneliv-mik pilersitsisuullunilu siulittaasuusimavoq,Tele Greenland A/S'imi siulersuisunut ilaasortaasimavoq siulittaasumullu tullersortaasimalluni.

Tukummeq Egede Martinsen, Siulersuisuni ilaasortaq

(1978-mi inunngortoq) Sulisuniit toqqarneqartoq, 2020-miit siulersuisunut ilaasortaq.

Ilinniakkatigut tunuliaqutaasut:

Bachelor of Arts, Ilisimatusarfimmi Inuiaat Kulturiat Oqaluttuarisaanerallu. Inunnguuseralugu peqqissuuneq aallaavigalugu oqaloqatiginnittartutut practitioner, 3P Instituttet aqqutigalugu ilinniarsimasoq. 

Atorfigisimasai:

Ukiuni 14-ini INI A/S-imi sulinermini Tukummeq inissianut allaffissuussinikkut atorfeqarsimavoq. Siullermik sullissisutut, kingornalu ilaatigut siunnersortitut attartortitsinermilu aqutsisutut. 2016-miillu sullissinermut qitiusoqarfimmi pisortaavoq. 

Piginnaanerit:

Imminut naleqassutsimik pilersitsineq aallaavigalugu aqutsineq, sulisorisat sulinikkut inuttullu piginnaasaannik ineriartortitsineq, inissianik allaffissuussineq, suleqateqarsinnaaneq sianissutsikkullu peqqissuuneq. 

Siulersuisunut inissisimaffiit:

Tukummeq sulisut toqqagaattut INI A/S-imi 2014-miit 2016-ip tungaanut siulersuisuni ilaasortaanikuuvoq. Taakkualu saniatigut peqatigiiffimmi N.A.I.P-mi 2008-p 2016 –illu akornanni siulersuisuni ilaasortaariarluni kingornatigut siulittaasuunikuulluni.

Assitaqanngikkallarpoq

Brian Grønvold, Siulersuisuni ilaasortaq
(1975-mi inunngortoq) Sulisuniit toqqarneqartoq, 2020-miit siulersuisunut ilaasortaq.

Ilinniakkatigut tunuliaqutaasut:
Qulimiguullit mittarfiinut aqutsisutut ilinniagaq, Air Greenland-imilu Angallassinermi Assistentitut ilinniagaq aammalu Niuernnermik Ilinniarfik Nuuk aqqutigalugu Tunngaviusumik Aqutsisutut ilinniagaq. 

Atorfigisimasai:

2015-mili Brian sullissinermut aqutsisutut atorfinitsinneqarnikuuvoq. Siornatigut Qaasuitsup Kommunia-ni allattoqarfiup immikkoortortaqarfiani aqutsisuusimavoq, Perorsaanermut Ilinniarfimmi allaffimmi aqutsisuunikuulluni aammalu Air Greenland-ip ataani arlalinnik suliffeqartarnikuulluni piffissaminilu kingullermi trafik supervisoritut pisortallu tullersortaatut sulinikuulluni. 

Piginnaanerit:

Aqutsineq, HR, aningaasaqarnikkut aqutsineq, missinngersuuserineq. 

Siulersuisunut inissisimaffiit:

Avannaata Kommuniani Ilulissani Najukkami ataatsimiitsitaliami ilaasortaq,

Siusinnerusukkullu Inuusuttunut Siunnersuisoqatigiianni Sorlak-mi aammalu Inuusuttut ornittagaasa siunnersuisoqatigiiffiani Sukorseq-mi siulersuisunut ilaasortaasimasoq.