Attavissaq

Mail ikorfaq@ini.gl

Oqarasuaat 70 10 00 

Aningaasatigut siunnersortinneq

INI-mi attartortunut aningaasaqarnermut siunnersortigut akeqanngitsumik, kinaassutsimillu isertortumik aningaasaqarneq pillugu siunnersuisinnaapput.  Aningaasatigut siunnersortit illoqarfiit arfineq pingasuni allaffeqarput, illoqarfiillu mikinerit, nunaqarfiillu ilaanni tikittassavaat.  

Aningaasaqarnermut siunnersortit suliassaraat attartortunik siunnersuineq, soorlu ineqarnermut akiligassatigut katataasoqartillugu, aningaasaqarnikkut atukkatigut allannguuteqartillugu imaluunniit akiligassat nalinginnaasut piffissaq eqqorlugu akilernissaat ajornakusoortikkaanni siunnersussapput.

Aningaasatigut siunnersortit siunnersuillutillu ilitsersuisinnaapput periarfissanik pisinnaatitaaffinnullu tunngasunik, soorluttaaq aningaasaqarnerit akiligassatigullu qanoq inissisimanersutit tamakkiisumik takunnissinnaanngortissinnaassallutit aaqqiisinnaanngortillutillu siunnersuisinnaassapput. Aningaasatigut siunnersorti peqatigalutittaaq missingersuusiorsinnaapput aamma pisortaqarfiit akiligassaqarfiillu inissisimaninnut attuumassuteqarsinnaasut attavigisinnaallugit.

Akiitsoqaruit aningaasaqarnermi siunnersortit attavigisinnaavaatsit, illilluunniit attavigisinnaavatit. Siunnersuinerat akeqanngilaq, kinaassutsit isertuunneqassaaq, siunnersortillu nipangiussisussaatitaaffeqarlutik.