Najugaqarfinni atugassaritittaasunut pitsanngorsaataasinnaasunik isumassarsiatsialannik

peqarpit? Taamaappat illit najugaqartutut ilisimasatit immikkuullarissuummata tusarnaarusuppagut.


Inissiami INI A/S-imit allaffisuunneqartumi najugaqartutut, allat najugaqartut INI A/S-ilu suleqatigalugit inissiaqarnikkut atungassarititaasut pitsaanerusut pilersissinnaavatit. Taanna taasarparput najugaqartut oqartussaaqataanerannik, najugaqartutut oqartussaaqataanerit najugaqarfimmi sunniuteqarnissamut kiisalu aaliangeeqataasinnaanissamut aqqutissaavoq qaninneq.


Najugaqartutut oqartussaaqataaneq atuuppoq, ilinnut sunniuteqarnissamik kissaateqartumut

kiisalu najugaqarfinni atugassarititanut pitsanngorsaanissamut peqataarusuttumut.

Najugaqartut tamarmik najugaqarfinni oqartussaaqataalersinnaapput, najugaqarfimmilu

oqartussaaqataasutut sumiiffinni aserfallatsaaliinissamut kiisalu

sammisassaqartitsiniarnissamut missingersuutinik qanoq atuisoqarnissaanut

sunneeqataasinnaavutit.


Tamanna isumaqarpoq, najugaqarfimmi oqartussaaqataasutut INI A/S suleqatigalugu aserfallatsaalisassatut suliassanik pingaarnersiueqataasinnaasutit.


Aammattaaq isumaqarpoq, najugaqartunut aliikkutassanik sunik aaqqissuussisoqarnissaanut

aaliaangeeqataasinnaasutit.


Ataatsimoorluta najugaqarfinni toqqissisimaneq sumiiffinnillu najukkanik

ajunngitsuutitsisinnaavugut.

 

Najugaqarfimmi oqartuussaasut sunniuteqaqataaffiit

Najugaqarfimmi oqartussaaqataasut makkuninnga siunnersuuteqarsinnaapput:


  • Suut aserfallatsaalineqassanersut suullu nutarteriffigineqassanersut
  • Katerisimaartarfiit sunut atorneqartarnissaat
  • Immikkoortoqarfimmi sammisassaqartitsinerit suut ingerlanneqassanersut

 

Siunnersuutit pilersinneqassapput ingerlatsinermi missingersuutit iluanni.

 

Ima najugaqarfimmi oqartussaaqataalersinnaavutit

Najugaqartut oqartussaaqataanerannut peqataarusuppit? Taava INI A/S mailerfigisinnaavat uunga ini@ini.gl imaluunniit 70 10 00-mut sianersinnaavutit, najukkanniluunniit saaffiginnittarfimmut sianerlutit.

 

Najugaqarfigisanni, najugaqartunut oqartussaaqataasunik ingerlasoqariinngippat,

najugaqartunut oqartussaasunut ilanngunnissat pillugu, sumiiffimmi sullissinermut aqutsisumit ikiorneqarsinnaavutit ilanngutitinneqarnissat pillugu.

Najugaqartut oqartussaaqataanerat pillugu video