NemID-qartussaajunnaarsinnaaneq – suliffeqarfinnut assigisaannullu

Imminut kiffartuussivik digitalinngorsaanerulerumalluta pitsanngorsaavigaarput. Isumannaallisaaneq annertusaaviginiarlugu imminut kiffartuussivimmut iserniarnermi NemID-qartussaatitaaneq innuttaasunut atuutsilernikuuarput. Aaqqiissut suliffeqarfinnut, peqatigiiffinnut assigisaannullu naapertuutinngilaq, ilaatigummi inuit arlallit isersinnaasariaqartarmata. Taamaattumik taakku NemID-qartussaajunnaarsinnaapput.

 

Qanoq NemID-qartussaajunnaartoqarsinnaava?

Suliffeqarfiit, peqatigiiffit assigisaallu NemID-qartussaajunnaarsinnaapput. Inissiat sorliit NemID-qartussaajunnaarsikkusunnerlusigit ini@ini.gl-imut allagaqarlusi nalunaarutigisiuk.

NemID-qartussaajunnaareerussi isissutissatut ilisarnaat koderlu atorlugit isertalissaasi. Isissutissaq piginngikkussiuk ini@ini.gl-imut attaveqarlusi paasiniarsinnaavarsi.

Imminut kiffartuussivimmut isersinnaatitaaneq qanoq pitsaanerpaamik aaqqinneqassanersoq nammineq aalajangigassaraarsi – inisimasoq suliffeqarfilluunniit isersinnaatitaassanersoq. 

Attartortut tamarmik imminut kiffartuussivimmut isersinnaanissartik qulakkiissagaat innersuussutigaarput. Ass. 2021-mi apriilip naanerani imermut kiassarnermullu naatsorsuutit mailikkut nassiutissamaarpagut, siornatuulli allakkatigut nassiunnagit.

 

Mailikkut attavissaq

Mailikkut aamma allagaqarnerusalissaagut. Taamaattumik mailikkut attavissaq eqqortoq nalunaarsorsimanissaa pingaaruteqarpoq.

Suliffeqarfiit arlallit mailikkut attavissaq ineqarnermut akiligassanik nassiussivigineqartussaq nalunaarsornikuuaat. Mailikkut attavissaq naliginnaasoq assigivaa? Taamaanngippat imminut kiffartuussivimmi inuttut paasissutissat ataanni mailikkut attavissaq allanngortissinnaavarsi.