Atuarfimmi praktikkerneq

9. imaluunniit 10. klassemi atuartuuit? Sumilu praktikkssanerlutit eqqarsaatigaajuk? Atorfiit ilisaritinnerinik, atorfinnilu ilisaritinneqartuni sulerisarnernut nassuiaatinik sunillu tunuliaqutaqartariaqarnermik nassuiaateqarfiusumik allattorsimaffiuteqarpugut.

Ataani assersuutaasunut sunut sammivinnut (faginut) pikkorissuunissaq sunillu ilinniakkatut tunuliaqutaqarnissamik allaatigisat missinngersuutaannaapput. Illit siunnersortit aperisinnaavat imaluunniit Majoriaq attavigalugu ilinniakkanut assigiinngitsunut suut tiguneqarnissamut piumasaqaataanersut paasiniarsinnaavatit.

Uatsinni atuarfimmiinnermi sulifimmi misiliinermut periarfissatit illoqarfimmiik illoqarfimmut assigiinngiiaarput. Atuarfimmiinnermi suliffimmik misiliinissaq pillugu qinnuteqarnissarluunniit pillugu attaveqarnissassinnut tikilluaqqukutsoorpatsigit.


Teknikeri

Suliassat

  • Assassorluni suliaqartartunut aserfallatsaaliilluni suliassanut annertunernut suliariumannittussarsiuussinerit
  • Teknikkikkut suliassat qanoq suliarineqarnissaannik inspektørinik inissialerisunillu ilitsersuineq
  • Suliassat pilersaarusiukkat aningaasartaannik malittarinninneq
  • Aputaajaaneq, eqqiluisaarneq naliginnaasumillu assassugassalerineq pillugu suliassanik suliffeqarfinnik isumaqatigiissusiornerit akuersinerillu


Illit tassaavutit

Tuluttut, qallunaatut, matematikkimi fysikkimi kemi-milu pikkorissoq. Ingeniøritut, konstruktøritut imaluunniit teknikkikkut ilinniakkamik ingerlaqqiffiusumik ilinniagaqarusuttoq.



Nakkutilliisoq

Suliassat

  • Isertertoqarnerani nuuttoqarneranilu inissiat attartortittakkat qanoq issusiannik misissuillunilu nalilersuineq
  • Sanaartornikkut assassornikkullu suliaqartunut suliakkiisarneq, suliallu naammassineranni pitsaassusaannik misissuineq
  • Ineqarnermut immikkoortortaqarfimmi aningaasaqarnerup malinnaaffiginissaa, matumani aamma pisiat allagartaannik akuersinissaq nakkutiginninnerlu


Illit tassaavutit

Matematikkimut oqaatsinullu pikkorissoq. GUX-ereernerup kingorna assassorluni ilinniakkanut sammisumik ilinniagaqarusuttoq imaluunniit bygningskontruktøritut sanaartornikkulluunniit teknikeritut ilinniagaqarusuttoq. Biilernermut allagartalik.



Inissialerisoq – inissialerisumullu ikiorti

Suliassat

  • Inissiaqarfiit ataatsimoorussamik atuiffiusortaanni eqqiluitsuutitsineq, matumani eqqagassalerineq, siorarterineq aputaajaaneq il.il. suliassaallutik
  • Teknikkikkut atortunik nakkutiginninneq, soorlu kiassaateqarfiit innaallagiaqarfiillu katiguffiinik nakkutiginninneq
  • Assassorluni iluarsagassat annikitsut
  • Isertertoqartillugu nuuttoqartillugulu misissuineq


Illit tassaavutit

Assassugassalerillaqqissoq. Assassornikkut ilinniakkamik ilinniagaqarusuttoq. Biilernermut allagartalik.


Sullissisoq

Suliassat

  • Inissianik agguaassineq attartortunngortunullu nutaanut isumaqatigiissusiorneq
  • Attartornerup nalaani suliassanik suliaqarneq, assersuutigalugu sanilerisat nipiliornerat pillugu naammagittaalliutit, unioqqutitsilluni qimmeqarnermi saaffiginnissutit il.il.
  • Attartortup nuunnerata kingorna suliassanik passussineq
  • Ataatsimiinnerni peqataaneq



Illit tassaavutit

Oqaluttariarsornikkut allattariarsornikkullu erseqqissuliullaqqissoq. GUX-miit, MERX-imiit, TNI-miit TNI18-miilluunniit tunuliaqutalik.



Sullitanik siunnersorti

Suliassat

  • Atuisut ornigullutik, oqarasuaatikkut mailikkulluunniit saaffiginnissutaannik sullissineq siunnersuinerlu
  • Inissialeriviup allaffiani ullormut suliassanut akisussaasuuneq, matumani allakkanik agguaaneq ataatsimiinnernilu peqataaneq ilanngullugit
  • Saaffiginnissutinik, assersuutigalugu sullissinikkut saaffiginnissutinik immikkoortortaqarfinnut attuumassuteqartunut, ingerlatitseqqiisarneq


Illit tassaavutit 

Oqaluttariarsornikkut allattariarsornikkullu erseqqissuliullaqqissoq. GUX-miit, MERX-imiit, TNI-miit TNI18-miilluunniit tunuliaqutalik.


Controlleri

Suliassat

  • Aningaasaqarnikkut aqutsinerit misissoqqissaarnissai pitsanngorsarnissaalu, taamatuttaaq qarasaasiakkut programmit atorlugit suleriutsit misissoqqissaarlugillu pitsanngorsarnissai suliassaralugit
  • Naatsorsuutit missinngersuutillu pilersaarusiornissai pitsaassusaasalu qulakkeernissai suliarisarpai
  • Aqutsisunut nalunaarusiortoqalersillugu peqataasarput
  • Immikkoortortaqarfiit akimorlugit suliassani pilersaarusiukkani peqataaneq


Illit tassaavutit

Matematikkimut pikkorissoq. GUX kingorna aningaasaqarnikkut tulluartumik ilinniagaqarusuttoq.



Akiliisitsiniartartoq

Suliassat

  • Ineqarnermut akiliutitigut kinguaattooruteqartunik attaveqarneq
  • Akiliinissamut akilersuinissamullu isumaqatigiissusiortartoq
  • Oqartussanik tamatumani inunnik isumaginnittoqarfinnik, politiinik il.il. oqaloqateqartarnernik qulakkeerinninnissaq


Illit tassaavutit

Oqalunnikkut allannikkullu erseqqissuliullaqqissoq. GUX-miit, MERX-imiit, TNI-miit TNI18-milluunniit tunuliaqutalik.



Naatsorsuuserisoq

Suliassat

  • Akiligassanut akiliutinullu naatsorsuuserineq naligiissaarinerlu, ilaatigut ineqarnermut akiliutineersunik, avataanit pisiortorfinneersunik il.il. tunngassuteqartuni
  • Pisiortorfiit assigiinngitsut akiliivigineqarnissaat isumagisaralugu
  • Ineqarnermut immikkoortortaqarfimmi naatsorsuuserinermut suleqataasarneq, assersuutigalugu imermut kiassanermullu naatsorsuutit suliarineqarneranni peqataaneq


Illit tassaavutit

Matematikkimut pikkorissoq. Assersuutitut AU-mi aningaasaqarneq aamma pigisanik nalilinnik aqutsineq tunngavigalugu TNI-mi MERX-imiluunniit ilinniagaqarusuttoq.


Attaveqarnermi sulisoq

Suliassat

  • Nittartakkamut, intranetsimut tamat attaveqatigiiffiinut nutaarsiassanik/paasissutissanik ilioraaneq
  • INI pillugu nutaarsiassiinernit paasissutissanik kingullernik malinnaaviginninnerit tusagassiortunillu attaveqartarnerit
  • TV-spots-it, ilinniagaqarnermik nittarsaassinerit aqqutigalugit quppersagaaqqallu atorlugit suliffeqarfiup attartortullu atugassaannik paasissutissanik suliaqarnerit
  • Immikkoortortaqarfiit akimorlugit suliassani pilersaarusiukkani peqataaneq


Illit tassaavutit

Oqaatsinut inuiaqatigiilerinermullu pikkorissoq. Attaveqarneq soqutigalugulu piginnaasaqarfigaat. GUX kingorna attaveqarnerup iluani, aviisiliornikkut tusagassiuuteqarnikkulluunniit ilinniarusuttoq.


Sulisoqarnermut siunnersorti

Suliassat

  • Akunnermusiallit qaammammullillu aningaasarsiassaannik piareersaaneq akiliinerlu
  • Aningaasarsiat ingerlanneranni akiligassanik isumaginninneq/nalunaarusiorneq
  • Sulisut ataasiakkaat pillugit suliat, soorlu atorfinitsitsinermi soraarsitsinermilu allagaqaasiat
  • Malittarisassat illup iluani atuuttut ilitsersuutigineqarnerat


Illit tassaavutit

Inulerinermut inunnullu attaveqarnermut pikkorissoq. GUX-miit TNI-miilluunniit tunuliaqutaqarputit aningaasaqarnermilu ilisimasaqarlutit.

Apeqqutissaqarpit?

Apeqqutissaqaruit, HR-chef Annette Simonsen oqarasuaammut 86 11 40-mut imaluunniit ansi@ini.gl -mut (qallunaatut oqaasilik) imaluunniit sulisoqarnermut siunnersortimut Âninguak’ Lennert oqarasuaammut 86 10 57-mut imaluunniit ale@ini.gl -mut (kalaallisut oqaasilik) saaffiginnissaannut tikilluaqqusaavutit.


Qinnuteqaatit uunga nassiuguk:


INI A/S 
Sulisoqarnermut immikkoortortaqarfik
E-mail: job@ini.gl


"Atuarfimmi praktikkerneq" allannissaa eqqaamajuk