Inuiaqatigiinnut akisussaaffik (CSR)

Isumaqarpugut inuiaqatigiinnut akisussaaffilittut suliffeqarfiussalluta pingaaruteqartoq illoqarfimmilu innuttaasunut tapersersuisoq, INIp Namminersorlutik Oqartussanit pigineqarnera tunaartaralugu. CSR pillugu pilersaarusiukkamik suliaqartuuvugut naalagaaffeqatigiillu piujuartitsilluni ineriartortitsinermi nunarsuarmi anguniagaa pillugu suliaqartuulluta.

Sumiiffinnuttaaq tapersersuivugut, piginnaasaqarfitsigut kiisalu pigisaqarfitsigut, kiisalu inissiaatileqatigiiffiup tunniussinissamut pingaaruteqarfiani. Taamaasilluni CSR pilersaarusiornitsinnut suliffeqarfiunitsinnullu ilaalersinnikuuarput. Taamaasiornikkut pitsaanerusumik sunniuteqarluartumillu tunniussaqarnissarput upperaarput.

Naalagaaffeqatigiit piujuartitsilluni ineriartortitsinermi nunarsuarmi anguniagaa tunaartaralugu, CSR-mi politikkerput sanarfisaavoq, suliagullu pingaarnerit ukuupput:

Inoqarfiit piujuartitsiffiusut (nunarsuarmut anguniagaq 11)

Inissiaatileqatigiiffiup inoqarfiit piujuartitsiffiusut pillugit peqataarusunnera paasiuminartorujussuuvoq, taamaattumik sulianik annertuunik tamakkununnga attuumassutilinnik sulianik ingerlataqarpugut. Ilisimasagullu matumani attartortunullu attuumassuteqarnerput iliuuseqarsinnaanerpullu pingaaruteqarpoq.

Meeqqat Oqartussaaqataasuinut suliniut 2020-mi aallartipparput, ukiorlu kingulleq (2024) siammarparput Qaqortumilu Meeqqat Oqartussaaqataasuinik pilersitsilluta. Suliniutip siunertaraa meeqqat najugaqarfimminni atukkaminnik pitsanngorsaanissaq siunertaralugu aalajangeeqataasinnaallutillu sunniuteqaqataalersinneqarnissaat.

Najugaqartut oqartussaaqataanerat – meeqqat oqartussaaqataanerannisulli – najugaqartut sunniuteqaqataanissaannik siunertaqarpoq. Suliniulli taanna meeqqanut sammisuunngilaq  Kalaallillu Nunaanni illoqarfinni tamani ingerlanneqarluni. Najugaqartullu peqataatinnissaannut periusissamik pitsaanerusumik aningaasaliiffigineqartumik suliniuteqarnissarput naatsorsuutigaarput.

Inoqarfiit piujuartitsiffiunissaannut suliniarnikkut tapersiinitta aamma ilagaat, najugaqartunik ineqarnermut akiliuteqarnikkut unammilligaqalersimasunut aningaasaqarnikkut siunnersuineq. Aningaasaqarnikkummi unammillerneqarsimasunut ikiuunnerput taakkununnga iluaqutaassaaq.

Ilinniartitaaneq (nunarsuarmut anguniagaq 4)

Ilisimasagut suliffeqarfittullu misilittakkagut pillugit avitseqateqarusuppugut, inuusuttunillu ilinniarluarsimasunik suliffeqarfittut soqutiginnilluta. Sisimiuni ilinniartunut praktikkerfissat periarfissaapput, atuarfimmiillu praktikkerfissanik sumiiffinni assigiinngitsuni aamma peqarluta.

Taakku saniatigut sumiiffinni suliniutinut assigiinngitsunut peqataasinnaanerput ikiuussinnaanerpullu periarfissaatinniartarparput.

INIp suliniutaa meeqqat oqartussaaqataanerat suliniutaavoq inuusuttuaqqat allatut sunniuteqarfigisinnaanissaannut, akisussaassusermik sunniuteqaqataasinnaanissamillu ilinniartinnissaat pillugu. Meeqqat oqartussaaqataalerpata, inersimasut isumassarsiaannut tusarnaassapput. Tamanna ilinniartitseriuseq meeqqanut oqartussaaqataasunut misilittagaqarnerulersitsisinnaavoq, oqartussaaqataanikkummi piginnaasaasa inerisarnissaannut kiisalu sunniuteqaqataanissamut aaliangeeqataasinnaanissamullu inuunerminni peqataanerulernissaannut iluaqutaallualertussaassaaq. 

Avatangiiseq (nunarsuarmut anguniakkat 6 aamma 12)

Najugaqarfinni kiisalu allaffeqarfitsinni piujuaannartitsinissaq siunertaralugu aalajangeeqataasinnaavugut.

Eqqakkanik immikkoortitsisarneq sumiiffippassuarni periarfissaavoq.

Najugaqarfiillu immikkoortortaqarfiini siulersuisut peqatigalugit saliinissamut najugaqarfinni suliniuteqartarpugut (Saliineq) aammalu suliffeqarfinnik suleqatiginnilluni saleeqatigiinnermut (Saligaatsoq) peqataasarluta.

Tamatumap saniatigut attartortut sulisullu pappialarsornerat annikillisinniarlugu, qarasaasiatigut sullissineq annertusarniarlugu suliaqarpoq.

Ilaasortaaffiit

CSR Greenland-imut kiisalu Transparency International Greenland-imut ilaasortaavugut.

Inuiaqatigiinni akisussaaqataanermut politikki