Inissarsiortutut allattorsimaffik

Uumap immersugassap Utaqqisut allattorsimaffiannut allatsinneq immersorneratigut utaqqisut allattorsimaffiannut allatsissinnaavutit. Qinnuteqaat ini@ini.gl-mut nassiunneqassaaq nammineerluniluunniit INImut saaffiginnilluni tunniunneqassaaq. Qinnuteqaatinni eqqarsaatigissavat illoqarfimmi/nunaqarfimmi sorlermi kiisalu immikkoortortaqarfinni sorlermi allatsinnissat. Soorunami illoqarfinni/nunaqarfinni immikkoortortanilu arlariinni allatsissinnaavutit.

Qinnuteqaatit tigugutsigu, utaqqisuni allattorsimaffimmiinnissamut akiligassaq nassiutissavarput, akiligassarlu akilerneqareerpat utaqqisut allattorsimaffianniilissaatit.

Utaqqisut allattorsimaffianni inissisimanerit imminut kiffartuussivimmi takusinnaavat.

Utaqqisut allattorsimaffiini allatsissimanerit tamarmik immikkut 100 koruuneqarput. Akiligassaq ukiumut ataatsimut atuuttarpoq. Tassa imaappoq, januarimi novemberimiluunniit allatsissimagaluaruit akiligassaq ataasiinnaavoq, utaqqisunullu allattorsimaffik ukiut tamaasa nutarterneqartarpoq.

Assersuutigalugu inissarsiortutut utaqqisunut Sisimiuniittumut nunaqarfittaanullu allatsissimaguit ukiumut 100 koruuneqarpoq. Namminersorlutik Oqartussat iniutaanut kiisalu kommunet inaataannut Sisimiuniittunut nunaqarfittaannullu allatsikkuit ukiumut 200 koruuneqarpoq, taakkulu saniatigut immikkoortortaqarfiit taaneqartut inaataannut Maniitsumiittunut nunaqarfittaaniittunullu allatsikkuit ukiumut 400 koruuneqassaaq.

Ukiut tamaasa december/januarimi utaqqisunut allattorsimaffimmiinneq nutarterneqartassaaq. Taamaasiussaatillu akiligassap nassiutatta akilerneratigut. Akiligassaq akilerneqanngippat, utaqqisut allattorsimaffianni inissisimanerit annaassavat.

Inissiani allaffissuussatsinni inissarsiornissat ajornannginnerulertipparput. Maannamiit inissarsioreeraangavit inissamut neqeroorummik nassiussinissarput utaqqiinnartalissavat. Mailikkut inissamut neqeroorummik nassiussiumaarpugut – allamik iliuuseqartariaqanngilatit.

Inissarsiulertinnak utaqqisunut allatseqqaassaatit.

Utaqqisunut allattorsimaffimmut allatsikkuit, illoqarfimmi allatsiffigisassatut toqqakkanni aamma nunaqarfittaanut allatsissaatit. Taamaattumik eqqumaffigissavat, neqeroorut tigusat illoqarfimmi nunaqarfimmiluunniit inissiamut neqeroorutaanersoq.

Imminut kiffartuussivikkut utaqqisunut allatsissaatit akiliillutit. Utaqqisut allattorsimaffiinut qanorsuaq amerlatigisunut allatsissinnaavutit.

Utaqqisunut allattorsimaffiit illoqarfinnut/nunaqarfinnut immikkoortortanullu agguagaapput. Tassa imaappoq Sisimiuni nunaqarfiinullu utaqqisunut immikkut allattorsimaffeqarpoq, Qaqortumilu nunaqarfiinullu aamma allamik immikkut utaqqisunut allattorsimaffeqarluni il. il. Namminersorlutik Oqartussat kommunillu inissiaataannut allaffissornikkut ingerlatsisuuvugut, taakkulu immikkoortortat immikkut utaqqisunut allattorsimaffiuteqarput. Tassa imaappoq, Namminersorlutik Oqartussat inissiaataannut Sisimiuni nunaqarfiinullu utaqqisunut allattorsimaffeqarpoq, taamatullu immikkut kommunit inissiaataannut Sisimiuni nunaqarfiinullu utaqqisunut allattorsimaffeqarluni.

Utaqqisunut allatseqqaneq allattorsimaffimmut ataatsimut ukiumut 100 kr.-neqarpoq. Akiliut ukiumut ilivitsumut tassa januaarip aallaqqaataaniit decembarip naanerata tungaanut atuuppoq. Tassa imaappoq januaarimi novembarimiluunniit allatsikkaluaruit aki ataasiuvoq, ukiumilu nutaami utaqqisuni allatseqqaneq nutartissaaq.

Utaqqisunut allatsigit

Utaqqisunut allatsissimaguit inissiamik inoqanngitsumut attartorsinnaalernissarnut utaqqivutit. Assersuutigalugu kommunip inissiaataanut Ilulissaniittunut ataatsimoorussamik utaqqisut allattorsimaffiannut allatseqqaguit, taava aamma Ilulissat nunaqarfiini inissianut allatseqqasimassaatit allatut kissaateqarsimanngikkuit. Inissiamik neqeroorfigineqarnissat taava utaqqiinnassavat.

Inissiamik attartugassaqaleraangat inissiap immikkoortortaqarfiata utaqqisunut allattorsimaffiani allaqqasunut siullernut neqeroorutigisarparput. Neqeroorummut akuersisuni inissarsiortuni sivisunerpaamik allaqqasimasumut inissiaq tunniunneqartarpoq.

Inissiamut neqeroorut imminut kiffartuussivikkut nassiunneqartassapput. Mailikkuttaaq nalunaarutigineqassaaq imminut kiffartuussivimmi neqerooruteqalersimanera.

Inissiamut neqeroorut utaqqisunut arlalinnut ataatsikkut nassiuttassavarput, taamaaliortarpugut inissiat inoqanngitsut inissarsiortunut sukkanerusumik tunniussinnaaniarlugit. Tamanna initaarnissamut utaqqinermut sivikillisitseqataasarpoq.

Inimik neqeroorfigineqaraangavit ullut arfineq marlut iluanni akissaatit. Piffissarititaasup iluani akisimanngikkuit, inissiamik soqutiginninnginnertut paasineqassaaq.

Neqeroorut imminut kiffartuussivimmi ’Aap’ ‘Naamik’-luunniit toorlugu akineqassaaq.

Naaggarsimaguit allamik iliuuseqaqqittariaqanngilatit. Inissiamik kissaatigisarnik attartugassaqalerpat neqeroorummik nassiusseqqissaagut.

Imminut kiffartuussivimmi inissarsiortutut allatseqqanerit sumut killinnersoq takusinnaavat. Utaqqisuni allatseqqanerit allanngorarsinnaavoq. Taamaattumik ilai pingaarnersiuinermi allanit sallinngorlutik allattorsimaffimmiilersinnaasarput (inissianik attartortitsinermut atatillugu peqqussummi qinnuteqartut pingaarnersiugaasumik tulleriiarneqarnissaat allassimammat), inissarsiortut ilai initaaraangamik inissarsiortutulluunniit utaqqisuniiginnarnissartik uppernarsarlugu nutarsarnissaa kissaatigiunnaaraangamikku allattorsimaffimmiit peerneqartarput. Taamallu pisartut inissarsiortut tulleriiaannerannut allannguisitsisarput, allatsissimasut amerliartortillugit utaqqisuni inissisimanerit nikinneri annerulersarlutik.

Minnerunngitsumik ukiup aallartinnerani allattorsimaffimmiinneq nikeriangaatsiarsinnaasarpoq, inissarsiortutut utaqqisuniiginnarnissaq uppernarsarneqaraangat. Inissarsiortutut allatseqqaannarniarluni akiligassaq nassiussuunneqaraangat, utaqqisutut allattorsimaffimmiinneq ersikkunnaarallartarpoq, allattorsimaffimmiiginnarniarlunilu akiligassaq akileraanni allattorsimaffimmi inissisimaneq takuneqaqqissinnaalersarluni. Ullup akiliiffissatut ulluliussap qaangiunnissaata tungaanut, inissarsiortutut utaqqisuniinnermi inissisimaneq akiliisut amerlatsikkiartornerat ilutigalugu qaffaqqikkiartulertarpoq. Allattorsimaffimmiinerlu akileereernermi takuneqaqqissinnaalersarluni. Imaanngilarli allanit siulliulluni akiliigaanni, taava inissarsiorluni utaqqisutut allatseqqanermi siuariartoqarsinnaasoq.

Taamaammat ippassaammat normu 10-unerit ullumikkut 15-inngorsinnaavoq, tamannalu kukkunermik tunngaveqanngilaq.

Inissarsiorlutik allatseqqasut allattorsimaffianniippit? Ukiut nikinneri tamaasa inissarsiorlutit allatseqqanerit uppernarsartartussaavat. Tassa imaappoq ukiumi tulliuttumi inissarsiortuuginnarnissat uppernarsartassavat.

Inissarsiortuuginnarnissallu uppernarsarsinnaavat akiligassap nassiunneqartup akilerneratigut. Mailit eqqortumik nalunaarutigisimagukku, uppernarsaanissannut akiligassaq mailikkut nassiutissavarput. Taamaanngippallu akiligassaq allakkatigut nassiunneqassaaq.

Uppernarsaallunilu akiligassaq akilinngikkukku, inissarsiortutut allattorsimaffimmiikkunnaarnissamik kissaateqartutit paasissavarput, taamaalillutalu inissarsiortut allattorsimaffianniik piissavatsigit.

Inissarsiortuuginnarniarluni uppernarsaanerup akilernissaanut killigititaq

Inissarsiortutut allatseqqaannarniarluni uppernarsaalluni akiligassaq kingusinnerpaamik 30. november akilerneqartarpoq.

Akileeqqusilluta eqqaasitsissutinik nassiussisanngilagut, taamaammat piffissaq eqqorlugu akiliinissamut akisussaaffik namminermiippoq.

Akiliinissamut killigititaq qaangiutsinnagu akiliinngitsuussagaluaruit, inissarsiortutut allattorsimaffimmiinnerit annaaratarsinnaavat.

Uppernarsaalluni akiligassaq mailikkut allakkatigulluunniit tigunngitsuussagaluarukku, nutaamik nassinneqarnissat anguniarlugu attavigissavatsigut, taamaalillutit piffissaq eqqorlugu akiliisinnaaniassagavit.

Betalingsservicemut (PBS) ilanngunnissat innersuussutigerusupparput, taamaalilluni akiliisarnerit isumaminik piffissaq eqqorlugu akilerneqartalissammat.

Taamaalillutillu qulakkiissagakku inissarsiortutut allatseqqanerpit annaannginnissaa.