Atorfiit inuttassarsiukkat

Paamiuni inissialeriffitsinni suleqatissarsiorpugut.

 

Inissiarsuarni ikiortitut attartortutsinnut pitsaanerpaamik sullisseqataassaatit. 

Inissiarsuarmi ikiortip suliassai pingarnerit tassaapput attartortut sullinnissaat illuni inissianilu suliassat najugaqarfinnilu suliassat nalinginnaasut suliarissallugit. Taakkua saniatigut suliassaralugit: 

• Najugaqartut aqqutaat ataatsimoorlutillu atugaat saligaattuutillugit aputaajartarlugillu 

• Teknikkikkut atortut nakkutigalugit 

• Assassorluni suliassat annikinnerit suliarisarlugit

• Suliassanngortut tamalaat

 

Iliuuseqarluni suliaqartarnissamut misilittagaqarlutillu assassugassanut pikkoriffeqassaatit, sullissillaqqissuussaatit suliassanullu allanngorartunut tamatigoortumik isiginnittaaseqassallutit, aamma:

• Namminersullaqqillutillu suleqateqallaqqissuussaatit 

• Suliartortuartuullutit 

• Silami sulinissamik inunnillu attaveqarnissamut nuannarisaqassaatit 

• Qaluutaassualinnik aqunnissamut allagartaqarsinnaavutit, piumasaqaataanngilarli

 

Ukiuni kingullerni arlalinni sulisut suliffimmut iluarisimaarinninnerat qaffangaatsiarnikuuvoq, suliffeqarfik tamaat isigalugu suliffimmik iluarisimaarinninneq annertulluni. Taassuma saniatigut ukkatarineqarpoq suliat assigiinngitsut akornanni suleqatigiinnissaq, taamaammat neqeroorutigisinnaavarput suliffik avitseqatigiiffiusoq unammillernartorlu, suliatigut inuttullu ineriartorfiusoq. Suliffiup avatangiiserissuunissaa pingaartitaraarput qeratasuumillu pissusilersortuunata.

Inissiarsuarni ikiortitut atorfimmut Naalakkersuisut, Skatteministeriap SIK-llu sulisartut suliamik ilinniagallit ilinniagaqanngitsullu qaammammusiallit pillugit isumaqatigiissutaat atorlugu atorfinitsitsisoqassaaq. Atorfimmut inissaqartitsisoqanngilaq. 

Isumaqatigiissuteqarnikkut atorfininnissaq pissaaq.

Atorfik pillugu annerusumik paasisaqarsinnaavutit Ingerlatsinermut aqutsisoq Morten Holm attavigalugu tlf. 86 11 15.

Qinnuteqaatit CV-it pappilissallu attuumassuteqarsinnasut pineqaatissinneqarsimannginnermik uppernarsaat ilanngullugu allakkatigut mailikkulluunniit tigoreersimassavagut 15. december 2023.

Tusagaqarfiginissat qilanaaraarput.

INI

HR-afdelingen

Postboks 1020

3911 Sisimiut

E-mail: job@ini.gl

Nuummi nakkutilliisumut ikiorsissamik suleqatissarsiorpugut.

 

Nakkutilliisumut ikiortitut suliannut tunngasunut akisussaaffimmik tigusisassaatit, suliannut pimoorussillutit suliat, suleqatitit sullitatillu sukumiisumik aallutissavatit pikkorissuseqartumillu sullississallutit. 

 

Pingaarnertut suliassaraatit nakkutilliisup ingerlatsinermi, inissialerinermilu akisussaaffii allaffissornikkut suliarisassartai isumagisassallugit. Akisussaaffigissavatillu:

• Najugaqartunut, sullitatsinnullu ingerlatsineq pillugu attaveqarneq 

• Nakkutilliisup misissuisarneranut atatillugu allaffissuussinikkut suliassat 

• Amigaatinut allattuiffimmiittuutilinnut akissuteqartarnerit

• Aningaasatigut aqutsineq soorlu rekvisitionit sananeri, nutsernermi naatsorsuutit isumagineri, fakturanik akuersisarnerit 

• Sullitanik siunnersortit suleqatigalugit sullitanik siunnersuinerit

• Ataatsimiinnerni imaqarniliuisoq 

• Suliassat takkussuuttut isumagineri 

 

Tulluuttumik suliamut tunngasumik misilittagaqarputit, suleqateqallaqqissuussaatit, suliannullu pimoorussisassallutit ulluinnarnilu ulapaarnermi suliassat tamakkiisumik isigisinnaassallugit. Aammali naatsorsuutigaarput: 

• Allaffissuusinermut piginnaaneqarneq ulluinnarnilu MS Office atorsinnaallugu 

• Oqaluttariarsornermi allannermilu nassuiaallaqqissuusutit

• Pilersaarusiorsinnaassaatit suliassallu nangeqqillugit ingerlateqqittarlugit 

• Tamanut sullissilluarnissaq pingaartitarigit allaffimmi sulisut akornanni, sullitanullu avataaneersunut

 

Ukiut kingulliit pingasut ingerlanerini sulisut suliffimmut iluarisimaarinninnerat qaffangaatsiarnikuuvoq, suliffeqarfik tamaat isigalugu suliffimmi nuannaarneq annertulluni. Taassuma saniatigut ukkatarineqarpoq suliat assigiinngitsut akornganni suleqatigiinnissaq, taamaammat neqeroorutigisinnaavarput suliffik avitseqatigiiffiusoq unammillernartorlu, suliatigut inuttullu ineriartorfiusoq. Suliffiup avatangiiserissuunissaa pingaartitaraarput qeratasuumillu pissusilersortuunata.

Piginnaasatit aallavigalugit akissarsitinneqarlutillu atorfinitsitaassaatit.

1. januar 2024 isumaqatigiissuteqarnikkulluunniit atorfininnissaq pissaaq.

Atorfik pillugu annerusumik paasisaqarsinnaavutit Ingerlatsinermut aqutsisoq Morten Holm attavigalugu tlf. 86 11 15.

Qinnuteqaatit CV-it pappilissallu attuumassuteqarsinnasut pineqaatissinneqarsimannginnermik uppernarsaat ilanngullugu allakkatigut mailikkulluunniit tigoreersimassavagut 15. december 2023.

Tusagaqarfiginissat qilanaaraarput.

INI

HR-afdelingen

Postboks 1020

3911 Sisimiut

E-mail: job@ini.gl