Sisimiuni Meeqqat Toqqissillutik Ornittagaat (MTO) meeqqanik inuusuttunillu sullissinissamik soqutigisalimmik tunniusimasumillu illumi ikiortissarsiorpoq!
Meeqqat atugarissaarnissaannik pingaartitsisuuit – toqqissisimanartumik, aalajaatsumik qanilaartumillu attaveqallaqqippit? Illumi ikiortissarsiorpugut, naakkittartumik, meeqqanullu ornittakkamut toqqissisimanartumut kialaartumullu peqataaarusuttumik.
Nerisassanik pilersaarusiorneq meeqqallu peqqinnartunik nerisassioqatigisarnissaat akisussaaffigissavat. MTO-mi nerisassat pingaarutilittut inissisimapput, taamaattumillu meeqqat peqataaffigisaannik igaffimmi toqqissisimanartumik isumannaatsumillu suleriuseqarsinnaasariaqarputit.
Tamatuma saniatigut MTO-mi ininik eqqiaaneq akisussaaffigissavat. Eqqiaanermuttaaq meeqqat peqataasassapput, meeqqat akisussaaqataanermik akuutinneqarnermillu misilittagaqarnissaat pingaaruteqarmat.
MTO pillugu
MTO tassaavoq Sisimiuni meeqqat namminerpiaq sumiiffiat – tulaavissaaq, meeqqanut makkuninnga periarfissiisoq:
• Ataqqinnittumik alapernaattumillu takuneqarnissaq, tusaaneqarnissaq, naapinneqarnissaq
• Nammineq isumassarsiaqarnikkut pinnguarnissaq, sammisaqarnissaq ataatsimoornissarlu
• Eqqissisimaarfik toqqissisimaffillu – pisariaqartitsinermilu piffissami sivikitsumi unnuiviusinnaasoq
• Inersimasunik patajaatsunik qanilaarnermik tatiginninnermillu pilersitsisinnaasunik naapitsineq
Inersimasut ajunngitsut ullut tamaasa allannguisartut upperaarput – toqqissisimanerlu attaveqaqatigiinnerlu meeqqat inuunerissaarnissaannut tunngaviliisuusut.
Illit suliassatit
MTO-mi sulisutut meeqqat ulluinnaanni pingaarutilittut inissisimallutit toqqissisimanissaannut, inuunerissaarnissaannut ilikkagaqarniarnerannullu sunniuteqaqataassaatit. Unukkorsiutissanik pilersaarusiorlutillu meeqqat igaqatigisassavatit. Tamatuma saniatigut meeqqat suleqatillu peqatigalugit illumi eqqiaasassallutit.
Ujagarput:
• Iganermik angerlarsimaffimmilu ilorrisimaartitsinermik nuannarisalik
• Akisussaassusermik pingaartitsisoq namminersorlunilu sulisinnaasoq
• Meeqqanik qanilaartumik attaveqallaqqissoq
• Piffimmi pisoqarfiusumi sulerusussusilik
• Nikerarsinnaasumik sulisinnaasoq ataatsimullu suliassanik suliaqarsinnaasoq
Neqeroorutigaagut:
• Suliffik pingaarutilik, meeqqanut inuusuttunullu sunniutilik
• Suliffeqarfik toqqissisimanartoq naleqartinneqartoq, qanilaartumik ataatsimoorfiusoq
• Illumi sammisassanut illullu ineriartortinneranut sunniuteqaqataaneq
• Akissarsiat atorfimmilu atugassarititat isumaqatigiissut atuuttoq naapertorlugu
Paasissutissat
• Suliffissaq: Piffissaq tamakkerlugu - ualikkut, unnukkut ilaatigullu unnuakkut
• Qinnuteqartut takkuttarneri naapertorlugit oqaloqatiginninnerit ingerlattarpavut
Suliffik soqutigaajuk?
Atorfik pillugu paasisaqarnerorusukkuit ulluinnarni aqutsisumut, Jonna Lyngemut saaffiginninnissarnut tikilluaqqusaavutit, oqarasuaammut +299281381-mut mailikkulluunniit uunga:
jly@ini.gl. Taamatuttaaq MTO-mi pisortaq Signe Schwencke attavigineqarsinnaavoq, oqarasuaammut +299520137 -mut mailikkulluunniit uunga:
sls@ini.gl.
Qinnuteqaatit, CV-t pinerlisimannginnermut uppernarsaat ilanngullugu uunga nassiutikkit:
job@ini.gl. Atorfininnermi aamma meeqqanik pinerliisimannginnermut allagartaq aaneqassaaq.
Tusarfiginissat qilanaaraarput!
INI
Sulisoqarnermut immikkoortoqarfik
Postboks 1020
3911 Sisimiut
