Atorfiit inuttassarsiuussat

Ingerlatsiviuvugut 150-it missingik sulisoqartoq, Kalaallit Nunaannilu illoqarfinni tamangajanni allaffeqarpugut. Sulisut ilinniarsimasaat assigiinngisitaaqaat, ilai ingeniøriullutik, konstruktøriullutik, byggeteknikeriullutik, teknisk assistentiullutik, sanasuullutik, allaffimmiutut ilinniarsimasuullutik allarpassuarnillu tunuliaqutaqartullutik.  
Oqaatsit pingaartitagut tassaapput akisussaassuseqarneq, soqutiginnittuuneq, ataqqinninneq aammalu pitsaasumik sulisinnaaneq. 
Ukiuni kingullerni suliffitta sulisunit iluarisimaarineqarnera qaffakkiartuinnarsimavoq, suliffeqarfitsinnilu sulinermik nuannarinninneq qaffasissorujussuarmiilluni. Nutaatut atorfinittunit tusartarparput, misigisimasartut inussiarnersumik tikilluaqqulluarneqartarlutik. Tamakkulu tunngavigalugit isumaqarpugut, nuannersumik ingerlalluta, immitsinnullu soqutigaluta sulilluta. 
Ingerlaavartunik sulisussanik pisariaqartitsilersarpugut, taamaattoqartillugulu nittartakkatsigut allatigullu sulisussarsiornerit nalunaarutigineqartarput.  
Aammali tikilluaqqusarpagut sulisussarsiunngikkaluaraangattaluniit sulerusulluni qinnuteqaataasartut. job@ini.gl-imut mailerlutit saaffigisinnaavatsigut.

Attaveqarfissaq:
INI A/S
Sulisoqarnermut immikkoortortaqarfik
Box 1020 
3911 Sisimiut 
E-mail: job@ini.gl 

  • 13.102021oktobari

    Inissiarsuarni nakkutilliisoq - INI Qasigiannguit

    Qasigiannguani inissialeriffitsinni suleqatissarsiorpugut.

    Allanngorartumik sullissilluarnissamullu tunngalluinnartumik suliaqarnissamut, amerlasuunillu suleqateqartarnissamut periarfissaq.

    Inissiarsuarni nakkutilliisutut suliassannut tunngasutigut akisussaassuseqartumik sulissaatit, ulapaarfinnilu tamakkiisumik isiginnissinnaassallutit.

    Suleqatitit suleqatigilluinnarlugit najugaqartunut sullissineq inissialerinermillu ingerlatsineq suliassanni pingaarnerussapput. Akisussaaffigissavatit:

    • Pilersaarusiorneq najugaqarfiullu immikkoortortaani suliassat isumagineqarnissaat nakkutigalugit.
    • Iserterfissat misissorlugit, amigaatinut allattuiffimmiittut isumagalugit.
    • Nutserfiit misissorlugit, nalunaarusiorlutit, iluarsagassat aallartisarlugit Nakkutilliisup isumaqatigiissuteqarfiginera malillugu.
    • Teknikkimut atortut ulluinnarni nakkutigalugit, nalinginnaasumik aserfallatsaaliuineq. najugaqarfiillu eqqaani saligaatsuutitsinissaq.
    • Iluarsagassat minnerit aserfallatsaaliugassallu minnerit isumagalugit.
    • Suliassanngortut tamalaat.

    Suliassaq suugaluarpat pimoorussineq akisussaassuseqarnerlu

    Sullissillaqqissuussaatit, assassorluni suliassanut misilittagaqassaatit. Assassorluni suliamik ilinniagaqarsinnaavutit, inissiallu aserfallatsaaliorneqarnissaannut ilisimasaqassallutit. Aammattaaq:

    • IT-mik atuisinnaalluassuseqassaatit, inissianut isertertitsinerit nuuttoqarneranilu suleriuseq digitalimik ingerlanneqartarmat.
    • Ammasussaatit tamanillu inussiarnersumik torersumillu attaveqatiginnissinnaassallutit.
    • Namminersorlaqqillutillu iliuuseqallaqqissuussaatit, suleqatikkuminarlutillu.
    • Pilersaarusiullaqqissuussaatit suliassallu nangillugit ingerlateqqittarlugit.
    • Biilernermut allagartaqassaatit.

    Uatsinnut ilanngugit

    Ukiut kingulliit pingasut ingerlanerini sulisut suliffimmut iluarisimaarinninnerat qaffangaatsiarnikuuvoq, suliffeqarfik tamaat isigalugu suliffimmi nuannaarneq annertulluni. Taassuma saniatigut ukkatarineqarpoq suliat assigiinngitsut akornanni suleqatigiinnissaq, taamaammat neqeroorutigisinnaavarput suliffik avitseqatigiiffiusoq unammillernartorlu, suliatigut inuttullu ineriartorfiusoq. Suliffiup avatangiiserissuunissaa pingaartitaraarput qeratasuumillu pissusilersortuunata.

    Atorfimmi atugassarititat:

    Naalakkersuisut aamma SSK akunnerminni isumaqatigiissutaat atuuttoq naapertorlugu inissialerisumut atorfinitsitineq pissaaq. Atorfimmut atatillugu inissaqartitsisoqanngilaq.

    Sulilerfissaq:

    Isumaqatigiissutit aallaavigalugit.

    Atorfik soqutigaaguk?

    Atorfik pillugu annerusumik paasisaqarsinnaavutit Sullissinermut aqutsisoq Brian Grønvold attavigalugu uunga 53 99 24 imaluunniit mailimut bgr@ini.gl.

    Qinnuteqaatit CV-it pappilissallu attuumassuteqarsinnasut allakkatigut mailikkulluunniit tigoreersimassavagut 3. novembari 2021

    INI

    HR-afdelingen

    Postboks 1020

    3911 Sisimiut

    E-mail: job@ini.gl