Apeqqutit akissutaallu

70 10 00-mut sianertuaannarsinnaavutit aamma nalinginnaasumik ammasarfiup avataani. Nalinginnaasumik ammasarfiup avataani sianeruit Matu Security-mut nuunneqassaatit, tassani sillimasoq illoqarfinniittoq pissarsiarisinaavat.

INI A/S attavigigukku, attaveqarnerit inissialerisumut ingerlateqqinneqassaaq, imaluunniit nalunaarutissat ingerlateqqinneqarluni. Ulluinnarni 70 10 00-mut sianerlutit INI A/S attavigisinnaavat, imaluunniit ini@ini.gl -mut allallutit.

Inissiami INI A/S –ip allaffissornikkut ingerlataani attartoraanni, PBS-ikkut akilersuinissaq piumasaqaataavoq, taamaasilluni akiliisarneq nammineq ingerlassaaq. Piumasaqaat taanna 2015-mi attartortunut tamanut atuutitinneqalernikuuvoq. PBS-ikkut akiliissanngikkaanni, ineqarnermut akiligassaq imminut kiffartuussivikkut, imaluunniit FI-korti INImut piniarneqarsinnaavoq. FI-kortimillu piniarneq 35 koruunimik akeqartarpoq.

Imminulli kiffartuussivikkut akeqanngitsumik aaneqarsinnaavoq.

Ineqarnermut akiligassaq allakkatigut nassiussarsiarissavat, taannalu tammarsimatillugu nutaamik atorfissaqartitsissaguit, ineqarnermut akiligassap assinga imminut kiffartuussivik aqqutigalugu anillatsissinnaavat. Aammattaaq INImut ornigullutit FI-korti pissarsiarisinnaavat, piniarnerali 35 koruunimik akeqartarpoq.

Piffissaq eqqorlugu akiliisimanngikkuit, sapaatit akunneri marlu ingerlareerneranni akiliinissamut nukingisaarummik nassinneqassaatit. Akiliinissamut nukingisaarut 150 koruunimik naleqarpoq.

Ineqarnermut akiligassap akilerniarneranut ajornartorsiuteqaruit, INI A/S-imi aningaasaqarnermut siunnersortit attavigisinnaavatit, taakkua aningaasaqarnerpit iluarsartuunnissaanut ikiorsinnaavaatsit, assersuutigalugu kittaartumik akilersuinissamut isumaqatigiissusiortissinnaallutit. Aningaasaqarnermut siunnersortit nipangersimasussaatitaapput.

Attartortutut attartornermut akiliivallaaruteqarsimaguit, akiliivallaarutitit aatsaat 250,00 kr. sinneqarpata aningaaserivimmut nuunneqarsinnaapput. 250,00 kr. ataallugit akiliivallaarutaasimasut attartornermut akiliutip tullianut akiliisitsissutaassapput.

Ineqarnermut qularnaveeqqutip, qaammatini pingasuni ineqarnermut akiliut annertoqatigaa. Qularnaveeqqutip kittaartumik akilersornissaa isumaqatigiissutigineqarsinnaavoq.

Inissiamut isertinnginnermi ineqarnermut qularnaveeqqut akilereerneqarsimassaaq. Inissiamik neqeroorfigineqaruit ineqarnermut qularnaveeqqutip ineqarnermullu akiliutissap siulliup qaqugu akilerneqarnissaa ilisimatitsissutigineqassapput.

Iserteruit allattaavimmik uppernassaatissamik sanassaatit, tassani inissiami ajoqutit amigaatillu allattussavatit. Najugaqarnerpit nalaani aserorsimasut amigaataasullu piunnginnerannut taanna uppernarsaataassaaq, taamaattumillu illit akisussaasunngortinneqarsinnaanngilatit. Taamaattumik eqqaamajuk inigisavit najornerani allattorsimaffik toqqoqqassagakku.

Inissiamiit anereeruit INI A/S-ilu nutsernerup kingorna misissuereerpat, ineqarnermut qularnaveeqqut ilinnut utertinneqassaaq. Nutsernerup kingorna misissuineq najugaqarnerpit nalaani suut iluarsartuutassanngorsimanerinik paasiniaanerusarpoq.

Ineqarnermut qularnaveeqqummiit qanoq annertutigisumik utertoqarnissannut, nooreernerpit kingorna inissiaq qanoq suliassartaqartiginersoq apeqqutaasarpoq. Inissiaq paarilluarukku, annertunerusumik utertoqarnissaanut periarfissaqarneruvoq. Iluarsartuussinissamut aningaasartuutissat ineqarnermut qularnaveeqqummiit annertuneruppata, qaavatigut akiligassinneqassaatit.

Atuisimanermut naatsorsuusiaq ukiumut ataasiarluni takkuttarpoq. Atuisimaneq 1. Januarimiit 31. December tungaanut naatsorsorneqartarpoq.

Najugaqarfiit tamarmik naatsorsuutaat INIp nittartagaani kingusinnerpaamik aprilip 30-ani tamanut saqqummiunneqartarput. Ininut ataasiakkaanut naatsorsuutit kingusinnerpaamik juunip 15-ani tigussavat.

Utertoorutissaqaruit, ineqarnermut akiligassannut ilanngaatigineqassapput. Illuatungaanulli tapertussaasimaguit akiligassamik nassinneqassaatit. 

Najugaqarfigisanni uumasuuteqarsinnaaneq akuerisaanersoq uani takusinnaavat.

Naamik, inissiani attartortakkani INI A/S-ip allaffissuussaani qimuttunik qimmiuteqartoqaqqusaanngilaq. Tamanna kommunep qimmit qimuttut pillugit maleruagassiaani aalajangersarneqarnikuuvoq, inatsimmillu allannguineq kommunep maleruagassatut aalajangersagaanut sunniuteqarnikuunngilaq.

Aap, qimmeqarnissamut qitsuuteqarnissamullu taamaallaat akuersissummik qinnuteqartoqassaaq. Aalisagaaraateqarneq, timmiaaqqat inillit, kikkaasunik inilinnik, saanilunnik assigisaannillu uumasuuteqartoqarsinnaavoq, taamaattumillu taakkunannga uumasuuteqarnissamut akersissummik qinnuteqarnissaq pisariaqarani.

Qanoq amerlatigisunik uumasuuteqartoqarsinnaanersoq, inatsimmi aalajangersimasumik allassimasoqanngilaq. Taamaattorli uumasuutit tamarmik kommunimit akuersissutitaqassapput, taamatuttaaq uumasuuteqassagaanni uumasuummut ataatsimut immikkut qularnaveeqqut qaammatit pingasut ineqarnermut akiliutip annertoqataa uumasuummut ataatsimut akileqqaarneqassaaq, uumasuut ataaseq pigissagaanni.

Aap, akuersissut ataaseq umasuummut ataasiinnarmut atuuppoq, tassa imaappoq qitsuutigineqartoq toqusimappat, nutaamillu qitsuutitaarniartoqassappat akuersissummik qinnuteqartoqaqqissaaq.

Immikkut qularnaveeqqut utertinneqassaaq, inissiamiit aninermi nuuttoqarneranut atatillugu misissuisoqareerpat, aserorsimasullu iluarsartuunneqareerpata immikkut qularnaveeqqut sinneqarsimappat sinneruttut utertinneqassapput.

Aap, immikkut qularnaveeqqut ineqarnermut akiliutit qaammatit pingasut annertoqataat uumasuummut ataatsimut akiliutigitinneqartarpoq. Tassa imaappoq, marlunnik uumasuuteqalersimagaanni, immikkut qularnaveeqqutit marluk akilerneqassapput.

Aap, errorsivimik, panersiivimmik erruissummillu inigisanni ikkussuisinnaavutit. Taamaattorli immersugassaq Errorsivimmik/erruivimmik/panersaammik ikkusinissamut akuersissut immersussavat INI A/S-mullu nassiullugu ornigullutilluunniit INImut tunniullugu.

Inigisannik allanngortiterinissamut INI A/S akuersisimappat, allanngortiterisinnaavutit. Akuersissummik qinnuteqarsinnaavutit ima imalimmik:

• Suliassaq pillugu nassuiaasersuineq
• Suliassap aningaasartuutiginissaanut nassuiaasersuineq
• Atortut atorneqartussat nassuiarneqarnerat
• Atortut pitsaassusaasa nassuiarneqarnerat
• Qalipaatit qanoq ittut atorneqarnissaata nassuiaasersorneqarnera
• Suliassamut piffissamik atuinissaq

Qinnuteqaat ini@ini.gl - imut nassiunneqassaaq sumiiffigisanniluunniit INImut tunniussinnaavat. Tamatuma kingorna qinnuteqaatinnut akissummik tigusaqarumaarputit.

Najugaqarfiit tamarmik aserfallatsaaliinissamut sammisassaqartitsinissamullu missingersuusiortarput. Najugaqartut oqartussaaqataasuattut missingersuusianut sunniuteqarsinnaavutit. Najugaqartut oqartussaaqataanerat pillugit INIp nittartagaani annertunerusunik atuarsinnaavutit. Najugaqartut oqartussaaqataanerannut ilanngukkusukkuit nalunaarsinnaavutit ini@ini.gl -mut allallutit imaluunniit 70 10 00-mut sianerlutit.

Imminut nittartakkami (login-qupperneq) imminut atuisunngortissinnaavutit tuugassap ”Atuisoq nutaaq” –p toorneratigut. Aammattaa INI A/S –imut attaveqarnikkut ikiortissinnaavutit.

Kode nassiussarsiat, ulluni 30-ni atuuppoq, kode-p atorunnaannginnerani NemID-mut atassusissavat. Tamatuma kingorna NemID atorlugu isertalissaatit. Taamat iliorneq inuttut paasissutissanik isumannaallisaaneruvoq annertusisaq.

Aap, imminut kiffartuussivik atorneqassappat NemID-eqartariaqarputit. Tamanna isumannaallisaanermik peqquteqarpoq, taamaasillutit paasissutissanut ilinnut tunngasunut imminut kiffartuussivimmi illit kisivit iserfigisinnaavatit.

NemID atorlugu isersinnaanngikkuit, imaassinnaavoq NemID pisortat suliffeqarfiutaannut atorsinnaanngitsoq. Taamaassimappat pisortat suliffeqarfiutaannut atorsinnaasunngorniarlugu bankimut ammaqqussavat.

Kode-t puigorsimagukku, allassimasoq ”atuisutut atera kode-raluunniit puigorpara” tuussavat. Paasissutissanik nutaanik nassinneqassaatit.

NemID ullut 30-t ingerlannerani atorsinnaalersissimanngikkukku, INI A/S –imut attaveqarsiinnaavutit sivitsoqqullugu.