Najugaqartut oqartussaaqataanerat

Najugaqarfinni atugassaritittaasunut pitsanngorsaataasinnaasunik isumassarsiatsialannik

peqarpit? Taamaappat illit najugaqartutut ilisimasatit immikkuullarissuummata tusarnaarusuppagut.

Inissiami allaffisuussatsinni najugaqartutut, allat najugaqartut suleqatigalugaluta inissiaqarnikkut atungassarititaasut pitsaanerusut pilersissinnaavatit. Taanna taasarparput najugaqartut oqartussaaqataanerannik, najugaqartutut oqartussaaqataanerit najugaqarfimmi sunniuteqarnissamut kiisalu aaliangeeqataasinnaanissamut aqqutissaavoq qaninneq.

Najugaqartutut oqartussaaqataaneq atuuppoq, ilinnut sunniuteqarnissamik kissaateqartumut

kiisalu najugaqarfinni atugassarititanut pitsanngorsaanissamut peqataarusuttumut.

Najugaqartut tamarmik najugaqarfinni oqartussaaqataalersinnaapput, najugaqarfimmilu

oqartussaaqataasutut sumiiffinni aserfallatsaaliinissamut kiisalu

sammisassaqartitsiniarnissamut missingersuutinik qanoq atuisoqarnissaanut

sunneeqataasinnaavutit.

Tamanna isumaqarpoq, najugaqarfimmi oqartussaaqataasutut suleqatigaluta aserfallatsaalisassatut suliassanik pingaarnersiueqataasinnaasutit.

Aammattaaq isumaqarpoq, najugaqartunut aliikkutassanik sunik aaqqissuussisoqarnissaanut

aaliaangeeqataasinnaasutit.

Ataatsimoorluta najugaqarfinni toqqissisimaneq sumiiffinnillu najukkanik

ajunngitsuutitsisinnaavugut.

Najugaqarfimmi oqartuussaasut sunniuteqaqataaffiit

Najugaqarfimmi oqartussaaqataasut makkuninnga siunnersuuteqarsinnaapput:

• Suut aserfallatsaalineqassanersut suullu nutarteriffigineqassanersut
• Katerisimaartarfiit sunut atorneqartarnissaat
• Immikkoortoqarfimmi sammisassaqartitsinerit suut ingerlanneqassanersut

Siunnersuutit pilersinneqassapput ingerlatsinermi missingersuutit iluanni.

Ima najugaqarfimmi oqartussaaqataalersinnaavutit

Najugaqartut oqartussaaqataanerannut peqataarusuppit? Taava mailerfigisinnaavatsigut uunga ini@ini.gl imaluunniit 70 10 00-imut sianerfigaluta, najukkanniluunniit INImut ornigullutit.

Najugaqarfigisanni, najugaqartunut oqartussaaqataasunik ingerlasoqariinngippat,

ilanngunnissat pillugu, sumiiffimmi sullissinermut aqutsisumit ikiorneqarsinnaavutit.

Najugaqartut oqartussaaqataanerat pillugu video