Najoqqutassat

2022-mit 2024-mut najoqqutassarput ateqarpoq Qarsut. Najoqqutaq atorlugu ataatsimut anguniagassaqaratta Qarsut atsiussimavarput. 

Qarsut pingasunik immikkoortortaqarpoq ukkatassatsinnik:

• Digitalinngorsaaneq sulianillu isumaminik ingerlasussanngorsaaneq
• Suliffeqarfik
• Piujuaannartitsineq

Qarsut tunaartaralugu digitalinngorsaassaagut sulianillu isumaminik ingerlasussanngorsaalluta sullitanut kiffartuussinerput qaffassarniarlugu. Digitalinngorsaanikkut iliuutsitta assigiinngitsut inissarsiortut najugaqartullu imminut kiffartuunnissaminnut periarfissaat annertunerulersissavai, taamaalillugu sullinneqarnissamut piffissap sukkanerulersinnissaa qulakkeerlugu. Ilutigitillugu suliffeqarfiup iluani aamma sulianik isumaminik ingerlasussanngorsaaneq annertusassavarput, suliatta ajornanngippat pitsaanerpaamik kukkuneqanngitsumillu naammassineqartarnissaat anguniarlugu.

Digitalinngorsaaneruleriartorneq ilutigalugu suliffitsinni piginnaasagut naleqqussarlugit qaffassassavagut, taamaalilluta inissarsiortut, najugaqartut, pisiortorfigut suleqatittalu sullinnissaannut piareersarluarniassagatta.

Kingullertut CSR-ikkut suliniutigut ass. ikorfartuisutut ilitsersuisoqarnermik aaqqissuussinerput inuusuttunik ilinniagaqarusulersitsisussatut neriuutigisarput ineriartorteqqissavarput. Suliniuterput Meeqqat oqartussaaqataanerat iluatsilluartoq ingerlateqqissavarput, meeqqallu oqartussaasut siunissami CSR-ikkut suliniutissatsinni ilaatigut siunersiueqatigalugit peqatigisassallutigit.