Inissiamik neqeroorut pillugu ilitsersuut

Inissiamik neqeroorut akissuteqarfiginiarlugu ilitsersuut ataani allaqqasoq malissavat.

Piffissaliussap iluani taamaaliornissat pingaaruteqarpoq, taamaaliunngikkuimmi inissiamik attartulertussatut piukkussanut ilaassannginnavit. Neqeroorutip mailikkut nassiunneqarneraniit ullut 7-it akissuteqarnissamut periarfissaraatit. Inissiamik neqeroorummi piffissaliussaq aamma neqeroorummi allaqqavoq.

Iliuusissaq siulleq: Imminut kiffartuussivikkut inissiamik neqeroorut akuerissavat naaggaarluguluunniit.

Akuerigukku piffissaliussaq qaangiuppat Attartortitsisarnermut peqqussut naapertorlugu inissarsiortuni sallaersaaguit najugaqartunut siunnersortimit sianerfigineqassaatit. Inissiarli soqutiginatinngikkukku naaggaarsimallugulu, iliuuseqaqqittariaqanngilatit. Utaqqisunili allatsissimaffigisanni inissiamik inoqanngitsoqaqqileriarpat, neqeroorummik nutaamik nassikkumaarpatsigit.

Iliuusissap tullia: Attaveqarfigineqarnissannut paasissutissaatitit misissussavatit.

Inissiaq akueralugu akissuteqasimasut akornanni inissarsiortuni sallersaasoq sianerfigisarparput. Taamaattumik imminut kiffartuussivimmi "Inuttut paasissutissaatikka - Personlige Oplysninger"-mi attavigineqarnissamut paasissutissaatitit eqqortumik allaqqanersut misissussavatit, naqqitassaqaruillu iluarsillugit.

Imminut kiffartuussivikkut attaveqarfigineqarnissannut paasissutissaatitit nammineq iluarsisinnaanngikkukkit neqeroorulluunniit akisinnaanngikkukku ini@ini.gl-imut allagaqassaatit imaluunniit 70 10 00-imut sianerlutit.

Inissiamik tunniussineq

Inissiamut neqeroorut inissarsiortunut arlariinnut nassiunneqartarpoq. Piffissaliunneqartorlu qaangiukkaangat attartulersussatut innersuunneqarsinnaasuni sallersaasoq sianerfigisarparput, Inissianik attartortitsisarneq pillugu Inatsisartut peqqussutaanni innersuussisarnermut maleruagassat malillugit inissiaq tunniunneqartarmat.

Ulloq iserterfiusussaq nallertinnagu uatsinniit tusagaqanngikkuit, inissiaq allamut innersuunneqarsimassaaq.