Allakkatigut neqeroorut - taava?

Akiffissatut piffissaliussaq qaangiukkaangat, attartulersussaq attavigisarparput.

Ulloq iserterfiusussaq nallertinnagu uatsinnit tusagaqanngikkuit, inissiaq allamut innersuunneqarsimassaaq.

Inissiamik neqeroorut akiniarukku marlunnik periarfissaqarputit.


1. Imminut kiffartuussuvikkut neqeroorut akisinnaavat



Malugiuk imminut kiffartuussivikkut akissuteqarniarlutit iseruit, "Inuttut paasissutissaatikka" iserfigeqqaassagakku immersoreersimanngikkukku. Taassumalu "Inissiamik attartortitsinermi paasissutissat", mailikkut nassiussarput neqeroorullu akueriniartillugu immersorlugu kakkiutassaq assiginngilaa. Ajoraluartumik "Inissiamik attartortitsinermi paasissutissat" mailikkut nassiunneqarsinnaanngilaq.



2. Najukkanni INImut piffissamik inniminneeriarlutitt ornigullutit neqeroorut akuerisinnaavat




Neqeroorutip akissuteqarfiginissaanut ilitsersuut

Inissiamik neqeroorut akissuteqarfiginiarlugu alloriarnerit marluk ataani allaqqasut malissavatit. 

Piffissaliussap iluani taamaaliornissat pingaaruteqarpoq, taamaaliunngikkuimmi inissiamik attartulersussatut piukkussanut ilaassannginnavit. Neqeroorutip mailikkut nassiunneqarneraniik ullut 7-it akissuteqarnissamut periarfissaraatit. Inissiamik neqeroorummi piffissaliussaq aamma neqeroorummi allaqqavoq.

 

Alloriarneq siulleq: Akueriuk itigartilluguluunniit

Imminut kiffartuussivikkut inissiamik neqeroorut akuerissavat naameerluguluunniit.

Akuerigukku alloriarnermut tullermut ingerlaqqissaatit.

Inissiarli soqutiginartinngikkukku naameersimallugulu, iliuuseqaqqittariaqanngilatit. Utaqqisunili allatsissimaffigisanni inissiamik inoqanngitsoqaqqileriarpat, neqeroorummik nutaamik nassikkumaarpatsigit.

 

Alloriarne tulleq: "Inissiamik attartortitsinermi paasissutissat"

Inissiaq akueriniarukku ”Inissiamik attartortitsinermi paasissutissat” immersorsimasat nassiutissavat. ”Inissiamik attartortitsinermi paasissutissat” immersorneqarsimanissaa uatsinnut pingaaruteqarpoq, taamaalilluta inissiamik attartulersussatut piumasaqaataasut naammassisimaneritit qulakkeersinnaalissagatsigu.

Immersugassanni neqeroorutip normua adressiatalu eqqortumik allannissaa pingaaruteqarpoq, taakkulu allakkatigut neqeroorummi qupp. 2 ataani takusinnaavatit.

Neqeroorutitut assersuummi ataani takusinnaavat inissiamik neqeroorutip normua kiisalu inissiap neqeroorutip adressia/sumiiffia




Taakkulu ”Inissiamik attartortitsinermi paasissutissat” immersulerukku uani ikkutissapput



Immersugassaq neqeroorummut ilanngullugu mailernut nassiunneqarpoq.

DImmersugassaq immersorsimasat, imminut kiffartuussivimmi neqeroorummut akuersiffigisanni, uploaderneqassaaq. Immersukkat mailikkut nassiunneqarsimasut akuerineq ajorpagut.

Immersugassaq digitaliusumik immersornissaanut periarfissaqanngikkuit, INImut ornigutissaatit.

 

Inissiamik tunniussineq

Inissiamut neqeroorut inissarsiortunut arlariinnut nassiunneqartarpoq. Piffissaliunneqartorlu qaangiukkaangat, Inissianik attartortitsisarneq pillugu Inatsisartut peqqussutaanni innersuussisarnermut maleruagassat malillugit tunniunneqartarluni.