Siulersuisut

Mads Barlach Christensen, Siulersuisuni siulittaasoq

(1967-imi inunngortoq) Piginnittuniit toqqarneqartoq, 2017-imiit siulersuisuni siulittaasutut ilaasortaq.

Ilinniakkatigut tunuliaqutaasut:

Grenå Gymnasium, politiitut taavalu politiini aqutsisutut ilinniarnerit assigiinngitsut.

Atorfigisimasai:

2006-imiit Mads Air Greenlandimiilerpoq. Siullermik ilinniarnermut pisortatut, sulisoqarnermut aqutsisutut maannakkullu sulisoqarnermut pisortatut. Mads siusinnerusukkut Nunatsinni politiini atorfeqarsimavoq, ilaatigut politiitut, politistationimi aqutsisutut, nunatsinnilu politeeqarfiup atuarfiani pisortaasimalluni.

Piginnaanerit:

Aqutsineq, suliffeqarfinnilu ineriartortitsineq.

Siulersuisuni inissisimaffiit:

KNR-imi siulittaasumut tullersortaavoq, Kalaallit Nunaanni politiit peqatigiiffianni siulersuisuni ilaasortaasarsimavoq siulittaasuusimallunilu, Eqqartuussiveqarneq pillugu ataatsimiitsitaliarsuarmut suleqataasimavoq, politiillu aqutsisuisa peqatigiiffianni siulittaasumut tullersortaasimalluni, Arctic Umiaq Linemi ilaasortaasimavoq, kiisalu siusinnerusukkut Royal Greenland a/s-ip sinniisoqarfianiissimalluni.

Aviaja Karlshøj Knudsen, Siulittaasup tullia

(1980-inunngortoq) Piginneqataasunit ilaasortatut toqqagaq 2021-miillu siulersuisuni ilaasortaq.

Ilinniakkatigut tunuliaqutaasut:

Aarhus Arkitektskolemi illuliassanik titartaasartutut ilinniarsimavoq.

Atorfigisimasai:

Aviaja Kalaallit Airports Holding a/s-imi sanaartornermut pisortaavoq 2016-imiillu Kalaallit Airportsimiissimalluni. Siornatigut illuliassanik titartaasartutut sulisimavoq ilaatigut TNT NUUK a/s-imi namminersortutut.

Piginnaanerit:

Suliniutinik aqutsineq, pisortaaneq, sanaartornermi suliniutit, isumaqatiginninniarnerit, qullersaqarfinni siulersuisunilu suleqatigiinneq.

Siulersuisuni ilaasortaanerit:

Aviaja TELE Greenland A/S-imi, Kalaallit Arsaattartut Kattuffianni, Kalaallit Nunaanni Timersoqatigiit Kattuffianni siulersuisuni ilaasortaasimavoq DKIK-milu siulittaasuusimalluni.

Kristian May, Siulersuisuni ilaasortaq

(1956-imi inunngortoq) Piginnittunit toqqarneqartoq 2015-imilu siulersuisunut ilaasortanngortinneqaqqittoq ukioq ataaseq ilaasortaajunnaaqqariarluni.

Ilinniakkatigut tunuliaqutaasut:

Umiarsuarnik assartuussineq aammalu cand. jur.

Atorfigisimasai:

Kristian ukiuni 30-t sinnerlugit aqutsinermik misilittagaqartuuvoq taakkunannga ukiuni 20-ni danskit sisammik sanaartortitsinermillu suliffeqarfianni aqutsisutut pisortaanertut atorfeqarsimalluni.

Piginnaanerit:

Suliffeqarfimmik ingerlatsineq, inatsisilerineq, najoqqutassiorneq, inunnik isumalluutissat, suliffiup iluani avammullu attaveqaqatigiinneq, naleqqussaanerit, siuarsaanermik pilersaarusiorneq il.il.

Siulersuisuni inissimaffiit:

Kristian siulersuisuni siulittaasutut ilaasortatullu sulinermik annertuumik misilittagaqarpoq – ilaatigut suliffeqarfinni aammalu sulisitsisut soqutigisaqaqatigiillu kattuffiini.

Johanne L. Knudsen, Siulersuisuni ilaasortaq

(1981-imi inunngortoq) Piginneqataasunit ilaasortatut toqqagaq 2021-miillu siulersuisuni ilaasortaq.

Ilinniakkatigut tunuliaqutaasut:
Nuummi Niuernermik Ilinniarfik aqutsinermilu aaqqissuussinermilu diplomlederitut fagit assigiinngitsut.

Atorfigisimasai:
Sullissinerup iluani Johanne ukiuni 15-it sinnerlugit aqutsineq misilittagaqarfigaa. Ilaatigut Royal Arctic Line a/s-imi sullissinermut aqutsisuusimavoq siornatigullu Katuami TELE Greenland a/s-imilu pisortatut atorfeqarsimalluni.

Piginnaanerit:
Pisortaaneq, suliniummik aqutsineq, pisinianik sullissineq sulisunullu tunngatillugu inatsisit.

Siulersuisuni ilaasortaanerit:

Johanne aamma Arctic Umiaq Linea/s-imi siulersuisuni ilaasortaavoq siusinnerusukkullu Godthåb Bådeforeningimi siulersuisuni ilaasortaasimalluni.

Klaus Poulsen, Siulersuisuni ilaasortaq

(1972-imi inunngortoq) Sulisuniit toqqarneqartoq, 2024-miit siulersuisuni ilaasortaq.

Ilinniakkatigut tunuliaqutaasut:
Illussanik ilusilersuisartoq, BTH.

Atorfigisimasai:
Klaus 2012-imili INI-mi teknikeritut atorfinippoq. Siornatigullu illussanik ilusilersuisartutut uuttortaasartutullu Masanti a/s-imi sulinikuuvoq. Namminersortuunikuuvoq ilanngullugulu Ilimmarfimmi teknikkimut aqutsisutut Ilulissallu Kommuneani illussanut oqartussatut tullersortitullu sulinikuulluni.

Piginnaanerit:
Aqutsineq, aningaasaqarnikkut pilersaarusiorneq, sanaartornermi aqutsineq, nakkutilliineq, siunnersuineq suliniuteqaqataanerlu.

Siulersuisuni ilaasortaanerit:

INI a/s.

Nuka Kristiansen, Siulersuisuni ilaasortaq

(1982-imi inunngortoq) Sulisuniit toqqarneqartoq, 2024-miit siulersuisuni ilaasortaq.

Ilinniakkatigut tunuliaqutaasut:
Elektrikeri.

Atorfigisimasai:
Nuka 2022-mi INI-mi nakkutilliisutut atorfinippoq. Sarfalerisutullu suliffeqarfiit arlallit sineriammi suliffiginikuullugit.

Piginnaanerit:
Inissialerinermi aningaasaqarnikkut ingerlatsinikkullu akisussaaffiit, piginnittut inissialerisullu akornanni isumaqatigiissusiorneq.

Siulersuisuni ilaasortaanerit:

INI a/s.