Blok 2-p iluarsartuunnera

Blok 2-p iigai silarliit 2025-mi maajip 19-ianiit, novembarip aallaqqaataata tungaanut taarsersorneqarnissaat, Ineqarnermut, Attaveqaasersuutinut Isorliunerusunullu Naalakkersuisoqarfiup matumuuna siumut ilimasaarutigaa. Iikkat silarliit taarsersorneqartussat tassaapput illorsuup silataanik, iluanillu immikkoortitsisut, imaappoq illorsuup silammut iigai, saqqai, igalaat matullu. Suliassat immikkoortukkuutaarlugit suliarineqassapput, naatsorsuutigisamillu illit inissiat ulluni suliffiusuni sisamani suliaqartunit iserfigineqarsinnaasariaqassalluni.

Iikkat silarliit arlalitsigut ajoqusersimasut, aserorsimasullu paasineqarneratigut suliaq aallartinneqarpoq.

Pilersaarummut ilanngullugu blokkip qaliaa iluarsartuullugulu nutarterneqassaaq, soorluttaaq sanaartukkap ilai arlallit nutaamik oqorsaasersorneqassasut. Tassunga ilanngullugu blokkip tummeraqarfii qalipanneqassapput, isertarfeqarfiilu parnaarsaasersorneqassallutik. Tamakku saniatigut internetsimut attaveqarfiit Tusass A/S-imiit pitsanngorsaavigineqassapput..

Najugaqartunut sapinngisamik akornusersuisoqannginnissaa qulakkeerumallugu, naalakkersuisoqarfik Taasinge Elementer A/S-imik suleqatiserinnippoq.

Matut igalaallu peeriarlugit, nutaanik naammasseriikkanik taarsersorlugit illorsuup iigaasa silarliit taarsersornissaannik, Taasinge Elementer A/S neqerooruteqarpoq. Taamatut periuseqarnikkut najugaqartut tamaasa allamut inissikkallartariaqarnagit igalaat, matullu ilanngullugit silammut iigaq tamaat ullualuinnaat ingerlanerini taarserneqarsinnaassapput.

Saqqassai ikkussoriaannagassat nutaat atortulerlugit, igalaalerlugit, matulerlugillu kiisalu iluatungaani aamma silataani qalliutitalerlugit tamakkiisumik ikkussorneqassapput.

Iikkanik silarlernik taarsersuineq inissiavit nukinnik atuineranut annertuumik pitsanngorsaataassasoq naatsorsuutigineqarpoq.

Illup isuani sannaanik taarsersuinermi, illup isuini eqqumiitsuliat peerneqassapput, suliarlu naammassippat ikkuteqqinneqassallutik.

Piffissaliussaq

Sannaanik taarsersuineq inissiakkuutaartumik immikkoortunut agguataarlugu ingerlanneqassaaq. Inissiavit iluani suliat naammassippata, silataani suliassat naammassiniarneqassapput. Inissianni sulinissaq aallartitsinnagu, suliassamut tassunga piffissaliussaq pillugu ilisimatinneqassaatit. Inissiat iluini suliassat naammassippata, illorsuup silataani suliassat inaarsarneqassapput.

Inissiat iluini suliat naammassereerpata illup silataaniittunik sulianik naammassiniaasoqarumaarportaaq.

Matuersaatinik tunniussineq

Ullup ingerlanerani angerlarsimannginninni sulisartut inissiannut isersinnaaniassammata, inissiamut matuersaatip kopiianik INI A/S-imut tunniussissaatit.

Inissianni suliaqartoqarnissaanut kingusinnerpaamik ullormik ataatsimik sioqqullugu INI A/S matuersaammik piniassaaq. Matuersaammik tunniussinermut atatillugu, inissiannut isertoqarsinnaanissaa akueralugu atsiussaatit.

Inissianni suliassat naammassineqarpata tummeraqarfimmut, inissiannullu matuersaammik nutaamik tunineqassaatit.

Suliaqartoqarnerata nalaani pilersaarutaasumik angalasussaaguit, aallartinnak matuersaativit kopiianik INI A/S-imut tunniussissaatit.

Altaninik, altanganginillu piiaaneq

Sannaanik taarsersuisoqartinnagu, sannaat peeriarlugit nutaat ikkussinnaaqqullugit altanit, altangangillu peerneqaqqaassapput. Sannaat nutaat ikkutereerpata altani, altangangilu ikkuteqqinneqassapput.

Inissiavit matuata taarsernerani inissiannut isersinnaassanngilatit. Imaappoq, piffissami sivikitsumi inissiannut isersinnaanallu inissiannit anisinnaassanngilatit.

Inissianni suliaqartoqarnissaa aallartitsinnagu, suliassamut tassunga piffissaliussaq pillugu ilisimatinneqassaatit.

Inissiannik piareersaaneq

Suliaqartoqarnissaa sioqqullugu inissiat piareersassavat. Pigisatit piiassavatit, pequtitillu silammut iikkamit minnerpaamik 1 meterimik ungasitsigisumik illuarlugit. Inissianni ullormi suliaqartoqalernissaani tamanna ullaakkut naammassineqareersimassaaq.

Peqqissutsinnik patsiseqartumik suliassaq tamanna naammassisinnaassanngikkukku, aaqqiissutissamik nassaartoqarniassammat tamanna pillugu INI A/S ilisimatissavat. Inissianni suliaqartoqarnissaa kingusinnerpaamik sapaatip akunnera sioqqullugu tamanna ilisimatitsissutigineqassaaq.

Suliaqartoqarnissaata nalaani pilersaarutaasumik angalasussaaguit, aallartsinnak inissiat piareersassavat, INI A/S-ilu ilisimatillugu.

Igaffimmik, kiassaatinik, teknikkikkullu atortulersuutinik allanik piiaaneq

Igaffik, kiassaatit, teknikkikkullu atortulersuutit allat ulloq taanna inissianni suliaqarneq aallartippat sulisartunit piiarneqassapput.

Imaappoq, suliap suliarineqarnerani kissarsuut, igaffillu atorsinnaassanngilatit. Nillataartitsiviit illuarneqarluni innaallagissamut ikkuffimmut allamut ikkunneqassammat, nillataartitsiviit suli atorsinnaassavat.

Ulluni igaffiup atorneqarsinnaanngiffiini inoqutigiiullusi unnukkorsiutissanut billetsinik tunineqassaasi.

Pujoralannut illersuummik iigaasamik ikkussineq, malitsigisaanillu inissiami eqqiaaneq:

Teknikkikkut atortulersuutit piiarneqareerpata, inissiat suliaqarnermi pujoralammit illersorumallugu inissiap iluatungaanut 1 meterip missaanik ilorpasitsigisumut pujoralannut illersuummik iigaasamik ikkussisoqassaaq.

Sannaat nutaat ikkutereerpata pujoralannut illersuut iigaasaq peerneqassaaq, igaffik aamma teknikkikkut atortulersuutit ikkussorneqaqqissapput, sulliviusimasorlu eqqiarneqarluni.

Pujoralannut illersuummik iigaasamik ikkussineq, malitsigisaanillu inissiami eqqiaaneq

Sannaat nutaat ikkutereerpata pujoralannut illersuut iigaasaq peerneqassaaq, igaffik aamma teknikkikkut atortulersuutit ikkussorneqaqqissapput, sulliviusimasorlu eqqiarneqarluni.

Nutaamik aqqutissiineq

Blok 2-mi suliaqartoqarnissaa aallartissinnaaqqullugu, blokkimut aqqutaagallartussamik pilersitsisoqassaaq. Taanna siunissami ikuallattoqassagaluarpat aqqutissanngorlugu atativinneqalissaaq.

Sannaanik nutaanik inissiineq eqqagassalerinerlu

Sannaanik nutaanik inissiineq:

Sannaat nutaat, Blok 1-ikup inikuani nunaminertamut Blok 2-p saavanut inissinneqassapput.

PCB-talinnik (peqqissutsimut, avatangiisinullu ulorianartutalinnik) eqqagassalerineq:

Blok 2-mi misissuinermut atatillugu, ulorianartunik eqqagassalerinermut PCB-mut killissarititamik illorsuup sannaavisa ilai qaangiisut paasineqarpoq. Eqqagassat taakkua ’eqqagassat ulorianartut PCB-mik akullit isatigassatut’ isumagineqarlutillu iginneqassapput. Illup saqqaanut qalliutigineqartut eternitpladit asbesteqartut paasineqarpoq, taamaattumillu taakkua pujoralassaataanngitsumik eqqagassatut asbestitalittut isumagineqarlutillu iginneqassallutik.

Pujoralammut illersuummik iigaasamik ikkussineq sulinermit pujoralammut ulorianartumut inissiannik, inissiavillu iluani silaannaanik illersuissaaq. Taamaalillutit suliaqartoqarnerata nalaani toqqissillutit inissianniissinnaassaatit.

Suliaqartut illersuutitalinnik sulliseqassapput, soorluttaaq atortunik asbestitalinnik aamma PCB-talinnik isumannaatsumik isumaginninnissamut ilitsersorneqarsimassallutik.

Suliassat suliarineqarnerini sulinermi avatangiisinut ataqatigiissaarisussamik sulisoqassaaq, taassumallu atortussat eqqortumik isumagineqarnissaat, suliassallu eqqortumik suliarineqarnissaat akisussaaffigissallugu.

Sannaat piiarneqartut isumannaatsumik isumagineqarnissaannut qulakkeerisussamik eqqagassanut, immikkoortitserinissamullu tupersuaq Blok 2-p saavani, Blok 1-ikup inikuani nunaminertami napparneqassaaq.

Søgeresultat

Blok 2-p iluarsartuunnera