Immersugassat

Akiliinngikkallarnissamik qinnuteqarniaruit immersugassaq akiliinngikkallarnissamik qinnuteqaat immersussavat.

lmmersugassaq INImut tunniussinnaavat nassiulluguluunniit bs-afdelingen@ini.gl, aamma nunaqarfiup allaffianut Sullissivimmut tunniussinnaavat.

Takussutissat ilanngunneqarnissaat pingaaruteqarpoq. Takussutissat tamakkerlugit tigusimanngikkutsigit sapaatip akunneri sisamat qaangiunnerini qinnuteqaat unitsinneqassaaq.

Piumasaqaatit

Kikkut tamarmik akiliinngikkallarnissamik qinnuteqarsinnaapput.

Taarsigassarsianik piginneqataalerneq

Inissialiornermi tapersiissuteqartarneq aqqutigalugu illuummik kisimiillutit pigisaqaruit, katissimasat, inooqatit imaluunniit kingornussisussat illumik piginneqataalersinnaavoq. Piginneqatigiilerusukkussi aapparisat taarsigassarsinermi atugassarititaasunut ilanngunnissamik qinnuteqarsinnaavoq taamaalillunilu taarsigassarsianut, akiitsunut pisussaaffinnullu allanut pituttorluni.

Piumasaqaatit

Taarsigassarsinermi piginneqataaniaraanni inissialiornermi tapersiissuteqartarneq aqqutigalugu illuummik piginneqataalerluni:

• Inissialiornermi tapersiissuteqartarneq aqqutigalugu illuummik allamik pisortat taarsigassarsiissutaat atorlugit pigisaqariissanngilatit
• 18-inik ukioqalereersimassaatit
• Siunissami illumi aalajangersimasumik najugaqartutut nalunaarsimassaatit, matumani pissusaavoq inissialiornermi tapersiissuteqartarneq aqqutigalugu illuummi najugaqarnissaq pisussaaffiummat.

Inissialiornermut tapersiissuteqartarneq aqqutigalugu illuutigisamik attartortitsiniaraanni, attartortitsinermut isumaqatigiissut immersorneqassaaq.

Qinnuteqaat nassiunneqarsinnaavoq bs-afdelingen@ini.gl-imut, imaluunniit tunniunneqarsinnaavoq INI­mut aamma nunaqarfiup allaffianut Sullissivimmut.

Eqqaamassallugu pingaaruteqarpoq uppernarsaatit eqqortut tamaasa ilanngunnissaat. Qinnuteqaatip tunniunneqarnerata kingorna sapaatit akunneri sisamat qaangiunneranni uppernarsaatit tamaasa tigusimanngikkutsigit qinnuteqaatit unitsinneqassaaq.

Piffissami sivikinnerusumi inissialiornermut tapersiissuteqartarneq aqqutigalugu illuutinniit nuussaguit illuutit attartortissinnaavat. Illuutippit attartortinnerata nalaani akiligassat aamma ikuallattoornissamut sillimmat tigusassavatit. lllit illu pigigakku, sulilu akisussaaffigigakku aamma akiligassat akilerneqarnissaat akisussaaffigissavat.

Qinnuteqarnermi nalunaarutigineqassapput:

• Illu qaqugumiit qaqugumut attartortinneqassanersoq
• Sooq illu attartortinneqarnersoq
• lllit najugaqarfigilikkat nutaaq nalunaarutigissavat
• Illumik attartortussap aqqa inuuialu
• Aningaaserivimmi konto-t nalunaarutigissavat

Qinnuteqaammut ilanngullugit nassiutissavatit:

• Illup sillimmasernerani akiliutaasup uppernarsaataa ukioq mannamut atuuttoq

Attartortitsineq aallaavigalugu illuutit sivisunerpaamik ukiuni pingasuni attartortissinnaavat, piffissamilu attartortitsiviusumi ineqarnermut atatillugu meeqqanut tapiissutinik tunniussisoqarneq ajorpoq.

Piumasaqaatit

Piffissami sivikinnerusumi inissialiornermut tapersiissuteqartarneq aqqutigalugu illuutinniit nuussaguit illuutit attartortissinnaavat. Assersuutigalugu makkuninnga patsiseqarlutit:

• Ilinniagaqarneq
• Illoqarfimmi allami sulineq
• Pineqaatissinneqarsimasunut inissiisarfimmiikkallarneq
• Patsisit allat

Illunnik attartortup attartornermi uppernarsaammik takutitsinikkut kommunimit ineqarnermut tapiiffigineqarnissamik qinnuteqarsinnaavoq.

Inissialiornermut tapersiissuteqartarneq aqqutigalugu illuutigisamik attartortitsiniaraanni:

• Attartortitsineq uatsinnit akuerineqassaaq
• Illu sillimmaserneqarsimassaaq, sillimmasiinerlu ukioq mannamut atuuttuussaaq
• Taarsigassarsianut akiitsoqassanngilatit.

Inissialiornermut tapersiissuteqartarneq aqqutigalugu illuutit taamaallaat ukioq ataaseq attartortissinnaavat. Attartortitsineq sivitsorusukkukku ukiut tamaasa qinnuteqartartussaassaatit.

Sumiiffimmi allami ilinniarnermut atatillugu attartortitsinermi, ilinniarfissamiit uppernarsaammik takutitsinikkut, ilinniarnerup sivisussusia tamakkerlugu akuersissuteqartoqarsinnaavoq.

Inissialiornermut tapersiissuteqartarneq aqqutigalugu illuutit utertinniarukku qinnuteqarnermi immersugassaq immersussavat.

Qinnuteqaat nassiunneqarsinnaavoq bs-afdelingen@ini.gl -imut imaluunniit tunniunneqarsinnaavoq INlImut aamma nunaqarfiup allaffianut Sullissivimmut.

Inissialiornermut tapersiissuteqartarneq aqqutigalugu illumik piginnittuuguit, najugaqarfiginissaalu kissaatigiunnaarlugu, taava illu Namminersorlutik Oqartussanut utertillugu tunniussinnaavat.

Illuutivit utertinnissaa kissaatigigukku, boligstøtte-mi immikkoortortaqarfimmut nalunaaruteqassaatit. Boligstøtte-mi illup utertinnissaanut atsiugassaq immersoriarlugu piginnittumut atsiugassanngorlugu nassiutissavaa.

Illup utertinnerani eqqaamasassat:

• utertitsinermut uppernarsaat tunniutissavat. Piginnittutut, piginneqatitillu utertitsinermut uppernarsaat eqqaamaneqassaaq ullulerlugu atsiorneqassammat.
• Illumut matuersaatit tunniunneqassapput INImut imaluunniit nunaqarfimmi allaffimmi Sullissivimmut.

Matuma kingorna piginnittutut utertitsinermik uppernarsaat atsiugaq piviusoq Eqqartuussiviup illunik pigisanik nalunaarsuisarfianut nalunaarsugassanngorlugu nassiutissavarput. Piginnittutut utertitsinermut uppernarsaat nalunaarsorneqareersumi Namminersorlutik Oqartussat piginnittuulersimassapput, illumillu illit piginnittuujunnaarsimassaatit.

Piumasaqaat

Inissialiornermut tapersiissuteqartarneq aqqutigalugu illuutillit tamarmik Namminersorlutik Oqartussanut utertitsisinnaapput.

Nuunneq

lllumit nuukkuit, isumagissavatit:

• Pigisat illumiit anninnissaat
• Illup eqqiarnissaa aammalu eqqagassaqarsimappat iginnissaat
• Illu ajoqusernissamut isumannaarneqarsimassaaq
• Illup innaallagiaqarnera, imeqarnera aamma kiassarnermut uuttuutaasa atorunnaarnerat Nukissiorfinnut nalunaarutigalugu.
• Sillimmasiisarfimmi sillimmasiisimanerpit atorunnaarsinnissaa

lllumut matuersaatit tigugutsigit, illup allanik ajoqusersinnaanera sillimaffiginiarlugu assersuutigalugu makku isumannaassavagut:

• Kiassaateqarfiup aamma imiisiviup imaarneqarneri
• Igalaat assiaqusersorneqarneri
• Namminersorlutik Oqartussat sinnerlugit innaallagissamut, imermut aamma kiassarnermut uuttuutit atuisutut nalunaarutiginerat

Taarsigassarsiat nalunaarusiornerat

Illit illuutit Namminersorlutik Oqartussanut utertereerukku, taarsigassarsiat naatsorsuusiornerat suliarissavarput.

Siullermik illu nalilersuiffigineqassaaq. Tassa imaappoq, illu qanoq naleqarnersoq aalajangersarneqassaaq. Taava taarsigassarsiat sinneruttut akiitsuusinnaasullu kinguaattoorutit nalinganiit ilanngaatigineqassapput.

Qinnuteqaammut akissut

Taarsigassarsiat naatsorsuusiornerat suliarereerutsigu, nalilersuinerup nuutsinnera ilanngullugu ilinnut nassiutissavarput.

Akiitsunik tigusinissamut qinnuteqarniaruit, akiitsunik tigusinissamik qinnuteqaat immersussavat.

Qinnuteqaat nassiunneqarsinnaavoq bs-afdelingen@ini.gl -imut imaluunniit tunniunneqarsinnaavoq INImut aamma nunaqarfiup allaffianut Sullissivimmut.

Eqqaamassallugu pingaaruteqarpoq uppernarsaatit eqqortut tamaasa ilanngunnissaat. Qinnuteqaatip tunniunneqarnerata kingorna sapaatit akunneri sisamat qaangiunneranni uppernarsaatit tamaasa tigusimanngikkutsigit qinnuteqaatit unitsinneqassaaq.

Piumasaqaatit

Taarsigassarsiat tapiissutitaqanngitsut tiguneqarnissaat qinnutigineqarsinnaavoq. Akiitsut tigunissaanut qinnuteqassaguit akiliisinnaasariaqarputit. Akiitsunik tigusissaguit allanik boligstøtte-mi taarsigassarsiaqassanngilatit.

Qinnuteqaammut akissut