Ilinniarnermut atatillugu praktikkerneq

AU-mi qaffasinnerusumik ilisimatusarnermut ilinniartuuit TNI-miluunniit ilinniartuullutit, suliffimmik ilinniarfissannik atorfissaqartitsisoq?

AU-mi Aningaasaqarneq, Isumalluutinillu aqutsinissamut ilinniarnissamut Sisimiuni inissanik neqerooruteqarsinnaavugut. Eqqumaffigissavat AU Akademiuddannelse-mut TNI-mulluunniit ilinniartuugaanni, taamaallaat Sisimiuni praktikkertoqarsinnaavoq. Ilinniartoq INI A/S-imi praktikkilissaguni, kollegiassarsiornissani nammineq isumagisussaavaa.

Ilinniarluni suliffissat pillugit saqqummiussineq ajorpugut, taamaattorli kajumissaarinertaqanngitsumik saaffiginnissutinik tiguserusuttarluta.

Suliffeqarfimmi ilinniartunngorniaraanni AU-mi Aningaasaqarneq isumalluutinillu aqutsinissamut ilinniakkamut, tunngaviusumilluunniit allaffissornermut TNI-mut ilinniarnissamut akuerisaasimasariaqarpoq, ilinniarnerup ingerlanerani suliffimmi misiliilluni ilinniartuunissamik ilaqartumut.

Tunngaviusumik allaffissornermi ilinniarnermut atatillugu immikkoortoqarfinniit suut suliaqarfiusinnaanersut ataani atuarsinnaavatit.

Aningaasaqarnermut immikkoortoqarfik

Aningaasaqarnermut immikkoortoqarfiit assigiinngitsut makkuupput: aningaasanik tigusassanik suliaqartarneq, akiligassanik suliaqarneq, akiliisitsiniartarfik kiisalu misissueqqissaarneq, ilinniartullu ilinniarnermi ingerlanerani taaneqartut nikiffigisarlugit misilerassavai, taamaasilluni suliat assigiinngissusaat naapertorlugit aningaasanik ingerlatsinermik misilittagaqalerniassagami.

Aningaasaqarnermut immikkoortoqarfimmi ilinniartutut pingaarnertut suliassatit makkuujumaarput:

Naatsorsuutinik allattuineq
Nalunaarsuinerit – naatsorsuutinik saqqummiussinerit il.il.
Missingersuusiorneq
Misissueqqissaarnerit
Akiliisitsiniartarfik
Ikiuinerit

Suliassanik isumaginninnerit

Sullissineq suleqatigiinnut assitiinngitsunut marlunnut avitaavoq – tassalu ineqarneq kiisalu attartortitseqqiineq, ilinniartullu immikkoortortat taakku suliassaalu ilisimalersitussaassavai.

Ilinniartutut sullissinermi suliassat pingaartut makkuupput:

Taamaatitsinerit
Inissanik inniminniinerit
Ineqarnermut isumaqatigiissutit
Maalaarutinik suliassanik isumaginninnerit
Inissianik inoqanngitsunik attartortitseqqiineq

Sullitanut siunnersuineq

Atuisunut siunnersuinermi ilinniartutut suliassatit pingaarnerit makkuupput:

Atuisunik saaffiginnittulerineq – oqarasuaatikkut, mailikkut imaluunniit toqqaannartumik saaffiginnittunik sullissineq
Qinnuteqaatit – naafferaartumik akilersuinissamut aaqqiinerit, inissianik paarlaasseqatigiinnerit il.il.
Inissarsiorlutik utaqqisunut kiisalu ininik paarlaaqatigiinnissamut kissaateqartunik allattuineq
Inissianik atuinissamut paasissutissanik allagarsiineq

Apeqqutissaqaruit, Sulisoqarnermut attaveqarnermullu aqutsisoq Else Finne oqarasuaammut 86 10 67-mut imaluunniit efi@ini.gl -mut (qallunaatut oqaasilik) imaluunniit sulisoqarnermut siunnersortimut Âninguak’ Lennert oqarasuaammut 86 10 57-mut imaluunniit ale@ini.gl -mut (kalaallisut oqaasilik) saaffiginnissaannut tikilluaqqusaavutit.

Qinnuteqaatit uuna nassiuguk:

INI A/S

Sulisoqarnermut immikkoortortaqarfik

e-mail: hr@ini.gl

Fax: +299 86 57 00

Eqqaamallugu ”Ilinniarnermut atatillugu suliffimmi sungiusarfimmiinneq” allassagakku.

Rita aningaasaqarnermut immikkoortoqarfimmi ilinniartorput naapiguk

Rita AU-mi Aningaasaqarneq aamma pigisanik nalilinnik aqutsineq sammivigalugu ilinniartuuvoq. Ilinniarnermi ukiunik marlunik sivisussusilimmi, Ritap sulilluni sungiusarnera ataatsimoortillugu ukiup ataatsip missaanissaaq. Ukiup ataatsip ingerlanerani Ritap aningaasaqarnermut immikkoortoqarfiit akornanni ilaatigut makku aqqusaassavai; aningaasanik tigusassanik suliaqartarneq, akiligassanik suliaqarneq misissueqqissaarnerlu, sulilluni ilinniartuunermini assigiinngissitaartunik misileraanissaq sulillunilu ilinniartuunissani pissarsiaqarfigilluarnerujumallugu.

”INI A/S-mi ilinniartuulluni pissanganarpoq unammillernarlunilu, pissutigalugu ullut tamaasa ilikkagassaqartarmat namminersornarlunilu. Tamatigullu aperisassaqartuaannarpoq, kisianni nammineerlunga assigiinngitsunik suliaqarnissamut periarfissaqartarpunga.”

”Atuagarsorneq sulillunilu sungiusarneq ataqatigiilluarput. Atuarfimmi atuagarsornertaani ingerlassimasakka, INI A/S-imi suliassanut aaqqiissuteqarniarnermi atortarpakka.”

”INI A/S-imi sulillunga sungiusarfinniinninni piffissalersukkanik suliaqarneq ilinniarpara. Ullormi aalajangersimasumi naammasseriigassat arlaqarput, piffissamillu qanoq atuiffigitiginissaat piffissarlu eqqorlugu suliarinissaat pikkoriffigilernikuuara. Tamannalu piffissaq eqqortoq naapertorlugu aamma atuarfimmi tunniussassanut iluaqutaavoq.”

“Aningaasaqarnermut immikkoortoqarfimmi suliassat assigiinngitsut amerlanerat, ilinniartutut nuannaarutigaara. Soorlu assersuutigalugu aningaaserivinnut saaffiginninnerit, ineqarnermut akiligassiornerit, ineqartunit akiliutinik atuinerit naapertorlugit suliaqarneq, ineqartut akiliivallaarutaannik akiliinerit il.il. suliarisarpakka.”

Benti, aningaasaqarnermut immikkoortortaqarfimmi sulilluni sungiusartoq naapiguk

Bentip aamma AU -mi aningaasaqarneq aamma pigisanik nalilinnik aqutsineq ilinniagaraa, maannamullu ukiup aappaa avillugu ingerlatereerlugu. Ukiut marluk ingerlaneranni Benti Nuummut atuagarsoriartarpoq INI A/S-imilu Sisimiuni sulilluni sungiusartarluni. Bentip INI A/S-imi ilinniartuunermini aningaasaqarnermut immikkoortortaqarfiit tamaasa aqqusaassavai, taamaasilluni suliarineqartartut assigiinngitsut misilerassallugit. Benti akiitsulinnik suliaqartarnermut immikkoortoqarfimmi aallartippoq, kingornalu aningaasanik pissalinnik suliaqartarnermut immikkoortortaqarfimmut nuulluni, naammassinissamilu tungaanut INI A/S-ip aningaasaqarnermut aqutsisoqarfianiissalluni.

”INI A/S-mi ilinniartuulluni pissarsiaqarnarlunilu unammillersinnaasarpoq. Immikkoortortaqarfinni assigiinngitsuni, suliassanik assigiinngitsorpassuarnik inunnillu assigiinngitsunik suleqateqarlunga suliaqarneq ingerlattarpara. Suliartornissara kajumigisarpara, suleqatinnillu suleqateqarusuttarlunga.”

”Ilinniartutut ukiut marluk ingerlaneranni, aningaasaqarnermut immikkoortortaqarfimmi immikkoortortani assigiinngitsuni sulisoqartarpoq, taamaasilluni immikkoortortaqarfimmi suliassat assigiinngitsut tamaasa misilerarneqartarlutik. Immikkoortortaqarfimmi suliarineqartartut, atuagarsornerullu ingerlanerani ilinniarneqartartut ataqatigiilluarput. Atuarfimmi sammisimasat atuarsimasalluunniit sulilluni sungiusarnermi naammattuugassaallutik suliassaasarput.”

“Immikkoortortaqarfimmi sulilluni sungiusarfigisami qanimut ullormut eqqartueqatigiittoqartarpoq, tamatigullu aperisassaqartuaannarlunilu ikiortissaqartuaannarpoq. Suliassanik suliaqarnermi suleqatinik (team) suleqateqartoqartarpoq, aammalu ilinniartutut namminersorluni suliaqarnissamut inissaqartitsillunilu tatiginnittoqartarpoq, taamaasilluni unammillernarsinnaallunilu ineriartornarsinnaasarpoq.”

”Suleqateqatigiilluni namminersorlunilu suliaqarneq oqimaatigiissumik nuannarilluinnakkannik ingerlanneqartarpoq. Immikkoortortaqarfinnilu siammasissumik suleqatigiittoqarluni.”

Qinnuteqarneq

Apeqqutissaqaruit, sulisoqarnermut siunnersortimut Âninguak’ Lennert oqarasuaammut 86 10 57-mut imaluunniit HR@ini.gl -mut saaffiginnissaannut tikilluaqqusaavutit.

Qinnuteqaatit uunga nassiuguk:

INI
Sulisoqarnermut immikkoortortaqarfik
E-mail: hr@ini.gl

Eqqaamallugu allassagakku ”Ilinniarnermut atatillugu suliffimmi sungiusarneq”.

Søgeresultat

Ilinniarnermut atatillugu praktikkerneq

Ilinniarnermut atatillugu praktikkerneq