Inissarsiorit

Inissarsiorpit? INI-p imminut kiffartuussivia atorlugu, immersuinikkut inissarsiornermut kissaatitit inissarsiortuni illoqarfimmiluunniit inissinnissat, kiisalu inissiap qanoq ittuunera naapertorlugu inissarsiortunngorsinnaavutit.

Inissarsiorninnut kissaatigisatit tulliuttuni allassimasuni erseqqissarsinnaavatit:

  • Illoqarfik
  • Suliffeqarfiup iniutaa (inissiaq Namminersorlutik Oqartussanit Kommunemilluunniit pigineqarnersoq)
  • Init qassit
  • Inip angissusaa
  • Quleriit
  • Ineqarnermut akiliut

 

Inissarsiortuni inissisimaneq ukiumut ataatsimut atuuppoq, utaqqisunilu inissisimanerit annaassanngikkukku ukiut tamaasa nutartigassaalluni. 

Utaqqisuni inissisimaneq ukiumut 100 koruuneqarpoq. Akiliineq illoqarfimmut ataatsimut ingerlatsivimmullu ataatsimut akiliineruvoq. Inissiarsiornermut tunngatillugu kissaatit allat  akilerneqarneq ajorput. Tamanna isumaqarpoq, assersuutigalugu Sisimiuni kommunemit inissiaataani inissarsioraanni aammalu Sisimiuni Namminersorlutik Oqartussat inissiaataani inissarsioraanni katillugu 200kr.-nik akeqassaaq. Inissarsiornermi init amerlassusaat naapertorlugit allamilluunniit inissiarsiorneq qaavatigut akilerneqarneq ajorput – inissarsiortoq illoqarfimmi qinnuteqarfigisaminiitsillugu; uani pineqarpoq Sisimiut.

Imminut kiffartuussivimmut suli isertaateqalersimanngikkuit, immersugassaq una aamma immersorsinnaavat.