Piffissamik inniminniineq

Piffissamik inniminniigit siuleriiaannissarlu pinngitsoortillugu. Ullut tamaasa nal.12.00-ip 15.00-illu akornanni piffissamik tunniussisarpugut.

Nittartakkakkut piffissamik inniminniinermi mailit piumasarparput, inniminniinermut uppernarsaat nassiunniassagatsigu. Mailimut tassunga ilanngullugu linki nassiuttarparput, pisariaqartikkukkulu taanna atorlugu piffissaq inniminnikkat taamaatissinnaavat allanngorluguluunniit.

Nittartakkakkut piffissamik inniminniisinnaanngikkuit, nal. 9.00-ip 12.00-illu akornanni 70 10 00-imut sianerlutit piffissamik inniminniisinnaavutit. Piffissaliussanullu taamaatitsiniaruit allannguiniaruilluunniit nalunaaruteqaqquneqarputit.

MALUGIUK: Qaanaami, Qasigiannguani, Qeqertarsuarmi, Uummannami, Upernavimmi, Narsami, Nanortalimmi, Paamiuni, Kangerlussuarmi Kangaatsiamilu aammalu nunaqarfinni ulluinnarni nal. 9.00-ip 12.00-illu akornanni 70 10 00-mut sianerluni saaffiginnittoqarsinnaammat aammalu qaqugukkulluunniit ini@ini.gl-mut mailerluni saaffiginnittoqarsinnaalluni.

Aamma massakkumiik aningaasaqarnermut siunnersorti oqaloqatiginiarlugu piffissamik inniminniisinnaanngorputit.

Aningaasaqarnermut siunnersortigut akeqanngitsumik kinaassutsimillu isertuussiffiusumik, najugaqartunut aningaasaqarnermikkut unammillernartumik inissisimasunut siunnersuisinnaapput. Aningaasaqarneq akiitsullu pillugit tamakkiisumik isiginnissinnaalersinniarlutit siunnersorlutillu ilitsersorsinnaavaatsit.

Aningaasaqarnermut siunnersortittaaq najugaqartoq missingersuusioqatigisinnaavaa, aammalu  oqartussaasut akiligassaqarfiit attuumassuteqarfiusut attaveqarfigisinnaallugit.

Aningaasaqarnermut siunnersortit nipangersimasussaatitaapput.

MALUGIUK: Illoqarfinni aalajangersimasumik aningaasaqarnermut siunnersorteqarfiusuni (Ilulissat, Aasiaat, Sisimiut, Maniitsoq, Nuuk, Narsaq aamma Qaqortoq) piffissamik inniminniisoqarsinnaavoq. Aningaasaqarnermut siunnersortit illoqarfiit allat nunaqarfiillu akuttunngitsumik tikeraartarpaat. Angalanerat pillugu paasissutissat Facebookkikkut quppernitsigut nanineqarsinnaasarput.