Apeqqutit akissutaallu

Imminut kiffartuussivik atorlugu allatsissinnaavutit. Taanna nanisinnaavat iserfigalugu una.

Aamma utaqqisunut allatsissinnaavutit immersugassaq Inissarsiorluni utaqqisut allattorsimaffiannut allatsinneq immersoriarlugu ini@ini.gl –mut nassiullugu imaluunniit immersukkat INImut ornigullutit tunniullugu.

Utaqqisutut allatsikkaanni allanneqassaap illoqarfik suna immikkoortortaqarfillu sorleq (Namminersorlutik Oqartussat imal. Kommune) allatsiffiginiarneqarnersut. Allatsinnerillu tamarmik immikkoortortaqarfikkaarlutik 100 koruunimk akeqarput. Tassa imaappoq illoqarfimmi pineqartuni immikkoortortaqarfinnut immikkut allatsitsinniaraanni, taava akiliutissat ukiumut 200 koruuniussapput. Nuummut allatsikkumaguit akiliutissaq 100 koruuniuvoq, tassani INI A/S-ip Namminersorlutik Oqartussat inissiaatai kisiisa allaffissuussarimmagit, kommunip inissiaatai allaffissuunnagit. Taamaattumik Sisimiuni Nuummilu immikkoortortanut tamanut allatsissagaluaruit taava ukiumut akiligassatit 300 koruniussapput. Tassa immikkoortortaqarfiit Sisimiuni marluk Nuummilu ataaseq allassimaffigilissagakkit.

Inissisimanerit imminut kiffartuussivik aqqutigalugu takusinnaavat. Tassunga isersinnaanngikkuit, INI A/S saaffigisinnaavat, tassuma taava akissuteqarfigissammatit.

Utaqqisutut allatseqqanerit tigummiinnarniarukku, tamanna ukiut tamaasa nutarterneqartartussaavoq. Tamanna ukiup nikinnera malillugu ingerlavoq, tassa ukiortaat tamaasa normu nutarterneqartassalluni. Akiliiffissamik girokortimik nassitsivigineqassaatit, allanneqarsimanerit nutarterumagukku akiliinissannut atorsinnaasannik. Piffissaliussap iluani akiisimanngikkuit, taava utaqqisutut allassimanerinit annaasinnaavat.

Taakku imminut kiffartuussivik atorlugu takusinnaavatit. Ujartuiffimmi toqqagassani inissiamut kissaatitit toqqariarlugit ”Vis kun ledige boliger” (inissiat inoqanngitsut kisiisa takutikkit) nalaaniittoq tuugassaq tuussavat.

Aamma inissiat inoqanngitsut INIp nittartagaatigut uani imaluunniit INImut saaffiginninnikkut paasiniarsinnaavatit.

Inissiarsiorlutit qinnuteqarsinnaavutit immersugassaq Inissiamut inoqanngitsumut qinnuteqaat immersoriarlugu ini@ini.gl -imut nassiullugu. Immersukkat aamma INImut ornigullutit tunniussinnaavat.

Inissianik attartortitsisarneq pillugu inatsit naapertorlugu, inissiamut aalajangersimasumut qinnuteqartut akornanni sivisunerpaamik utaqqisuni allatseqqasimasumut inissiaq neqeroorutigineqartarpoq. Illit qinnuteqartut akornanni sivisunerpaamik utaqqisimasutut allatseqqasimaguit, taava INImit toqqaannartumik attaveqarfigineqassaatit.

Atuisutut pilersitsisinnaavutit iserfissiami toorlugu ’opret ny bruger’ (atuisutut nutaatut nalunaarsortigit). Aammali INI A/S-imut saaffiginninnikkut ikiorneqarsinnaavutit.

Isissutissatut nassiunneqartoq ullut 30-it atuuttussiaavoq. Tamannalu killiliussaq qaangerneqartinnagu, isertaatit NemID-nnut atassusissavat. Tamatumalu kingorna NemID atorlugu pisariaqartitsigaangavit isersinnalissaatit. Taamaaliornikkut inuttut paasissutissaatitit illersorniarneqarput, inuttut paasissutissaatitit kisivit iserfigisarsinnaaniassagakkit.

Aap, imminut imminut kiffartuussivik atussagukku NemID-qartariaqarputit. Isumannaallisaaneq pissutigalugu taamaattoqarpoq, inuttut paasissutissaatitit kisivit iserfigisarsinnaaniassagakkit.

NemID atorlugu sullississummut iserniarnerit ajornartorsiutigiukku, taava imaassinnaavoq NemID pigisat pisortanut tunngasutigut atussallugu ammarneqarsimanngitsoq. Taava Sullissivik imaluunniit aningaaserivigisat saaffigissavat, taakku arlaata NemID-p atornissaanik ammassissussinnaammatit.

Ilisarnaasiussaq puigorsimagukku, taava iserfigissavat ´Jeg har glemt mit brugernavn eller kodeord’ (Atuisutut ilisarnaatiga imaluunniit isissutissiaq puigorsimavara). Taava ingerlariaqqissutissanik nassitsivigineqassaatit.

Taava INI A/S attavigissavat atassusiliinissannut periarfissiissut sivitsorneqarniassammat, ullut 30-it killiliussat iluini aaqqiisimanngikkuit.