Nutaarsiassat

INI A/S-imi 29. maj 2026-mi ileqquusumik ataatsimeersuartoqarpoq. Ataatsimiinnermi siulersuisut qinigaaqqipput, Mads B. Christensenilu siulittaasutut ingerlaqqippoq.

Siulittaasup nalunaarusiamini ilaatigut erseqqissarpaa INI-mi sulisut suliffimminnik naammagisimaarinninnerat suli qaffasissumiittoq, aammalu sapaatip akunneranut akunnerit 37-t sulisarnerup atuutilersinneqarneraniilli sulisut taarseraannerat appariartorsimasoq. Ilanngullugulu erseqqissarpaa ineqarnermut isumaginninnertigut suliat immikkut pimoorunneqarnerat, tamanut najugassianik inissiaateqarfinni najugaqartunut pitsanngorsaataallutillu toqqissisimasumik sinaakkuteqartitsisussaammata.

Aningaasaqarnermut siunnersuisarnerup atuutilersinneqarneraniilli INI-p saaffiginnittut 23.000-it missaat suliarisimavaat, akiligassallu kinguaattoorutit 96 mio. koruuninik ikilisinnissaannut ikiuutaasimalluni.
Siulittaasup aamma erseqqissarpaa najugaqartunik oqartussaaqataatitsilluni suliniutit soorlu Sisimiuni Qaqortumilu Meeqqat Oqartussaaqataanerat kiisalu MTO – Meeqqat Toqqissillutik Ornittagaat, meeqqanut pisariaqartitsisunut toqqissisimasumik avatangiiseqartitsilluni ilinniarfissatut, ataatsimoorfissatut tapersersorteqarnissamullu periarfissaasoq.

Naalakkersuisut siulittaasuata INI-p suliniutaanut nersorinnilluni erseqqissarpaa piujuartitsinermik inuiaqatigiinnullu akisussaassuseqarnermik pingaartitsinera:

"INI Nunatsinni tamarmik takussaavoq - illoqarfinni, nunaqarfinni isorliunerusunilu - ingerlatseqatigiiffiillu allat assiginagit toqqaannartumik attaveqarfgiisartagai kalaallit nunatsinni amerlasoorujussuullutik. Suliassaq pisussaaffiliivoq, soorunami akisussaaffeqarluni suliarineqartoq.”

Ineqarnermut isumaginninnermut tunngasut suli INI-p periusissiaani qitiutinneqartuarput. INI-p siunertaraa najugaqartut atugarissaarnerulernissaat, sunniuteqarnerulernissaat aammalu najugaqarfeqarfinnik pitsanngorsaaqataasinnaanissaat. Tamatuma saniatigut INI-miit erseqqissarneqarpoq ineqarnermut aaqqissuusseqqinnermi peqataalluarumassuseqarlutillu, Illuut A/S-imut kattunneqarnissamut piareersimallutik.

Siulittaasup nalunaarusiaa aamma piginneqataasuniit oqalugiaat uani atuarneqarsinnaapput: Ileqquusumik ataatsimeersuarnermi saqqummiussaq piginnittuniillu oqalugiaat

INI-p 2025-mut ukiumoortumik nalunaarusiaa aammalu ESG-mut nalunaarusiaa siulleq atuarneqarsinnaalerput.

Quppernitsinni takukkit: Uagut pilluta

INI-p ukiumoortumik nalunaarusiai siornarnisat uani nassaarineqarsinnaapput: Ukiumoortumik nalunaarusiat

Attartortut naapertuunnerusumik pitsaanerusumillu kiffartuunnissaat anguniarlugu aqutsisuniit aalajangiunneqarpoq saaffiginniffissat ammaffissai allannguuteqassasut:

· Oqarasuaatikkut ammaffiit: nal. 09.00-imiit 11.30-mut

· Ornigullutik saaffiginnittut: nal. 12.00-imiit nal. 15.00-imut - matut paarnaaqqajunnaassapput

Attartortut piffissamik inniminneeqqaarlutik orniguttut salliunneqassapput, isumaqatigiissutigineqareersimasullu atuutsinneqassallutik. Attartortut piffissamik inniminneeqqaarsimanngitsut utaqqisariaqarnissartik naatsorsuutigisariaqassavaat, siunnersortimik piffissaqalertoqarnissaa utaqqillugu.

INImut saaffiginnittarfinni qarasaasiat piffissamik inniminniilluni aammalu imminut kiffartuussivimmut iserluni atorneqarsinnaajuaannarput, atuinissamut ilitsersuusiat saqqummerseqqillugillu qarasaasiat eqqaanni takoriaannaallugit piareersimatinneqartarumaarput.

Qaammatini tullinnguuttuni attartortut saaffiginnissutaasa suuneri malillugit immikkoortiterissaagut – tassani siunertaavoq periutsinik pitsaanerusunik nassaarniarnissaq eqqarsaatigalugu.

Systemimut allamut nuunneq pissutigalugu Boligstøtte-mi taarsigassarsiatit naatsersoqqinneqarput tamatumalu kingunerisinnaavaa taarsigassarsiat allannguuteqalaartut.

Taarsigassarsianni kinguaattooruteqarsimaguit akilerneqarfissaata sivisussusilerneqarnerasivitsorneqarsinnaavoq.

Nutaatut akiligassap akilerneqarsimannginnerata kingunerisaanik, ernianik ilanngunneqartunut, rentenotamik nassinneqartalissaatit.

Aningaasanut atukkanut takussutissaq ilanngunneqarpoq, tassani akiligassat sinneruttut annertussusaat takusinnaavat.