Husleje

Piffissaq eqqorlugu akiliisimanngikkuit akileeqqussummik nassinneqassaatit. Akileeqqussummik nassinneqarnermi tamatigut akileeqqussummut akitsuummik 150 kr.-mik akiliisassaatit. Suli akiliisimanngikkuit akileeqqussummik nutaamik nassiusseqqissaagut. Aningaasanik aqutsineq pillugu siunnersorneqarnissamik pisariaqartitsissaguit, aningaasatigut siunnersuisutsinniit arlaannit attavigineqassaatit. Akiliut suli tigusimanngikkutsigut attartornermut isumaqatigiissut taamaatissavarput, inimiillu qaqugu aninissarnik nalunaarfigissallutigit.

Allakkatigut mailikkullu ineqarnermut akiligassiissussummik nassinneqartarsimagaluartut, 17. oktober 2023 aallarnerfigalugu e-Boksikkut nassinneqartalernikuupput. 

Aammali ineqarnermut akiligassiissutit imminut kiffartuussivimmi nammineq nassaarisinnaavat akilerluguluunniit.  Ineqarnermut akiligassiissutip imminut kiffartuussivimmi qanoq nassaarinissaanut ilitsersuut uani takujuk.
Betalingsservice (PBS) aqqutigalugu akiliisaruit ineqarnermut akiligassiissut imminut kiffartuussivimmi nassaarisinnaanavianngilat, ineqanermulli akiligassaq akilersinnaavat. Eqqumaffigissavat kontorni uninngasut amigarpata (aningaasat naammanngippata) aningaasat nusunneqarnavianngimmata, betalingsservicellu taamaatinneqaratarsinnaalluni. PBS-imut allatseqqinnissaq nammineq isumagissavat.

Ineqarnermut akiliinissamut akissaqanngikkuit aningaasatigut siunnersortitsinnut attaveqarsinnaavutit. Siunnersuinerat akeqanngilaq kinaassutsillu isertuunneqassaaq. Aningaasatigut siunnersuisutta periarfissatit pillugit ilisimatissinnaavaatsit. Siunnersortit nipangiussisussaatitaaffeqarput.

Ineqarnermut akiliutippit sumut atorneqartarneri attartortitsinermut peqqussummi aalajangersagaavoq. Ineqarnermut akiliut sumut atorneqartarnersoq pillugu uani paasisaqarnerusinnaavutit. Ingerlatsinermut aningaasartuutit immikkoortortaqarfinnut assigiinngitsunut qanoq agguaanneqartarnersut uani takusinnaavat.

Ineqarnermut akiliutip annertussusaa piginnittunit, tassa Namminersorlutik Oqartussanit kommuuniniillu aalajangerneqartarpoq.