Tunuliaqutsiilluta tapersiisarnerit inuiaqatigiinni akisussaaqataanitsinnut tunngatinngilagut aamma aningaasaliisarnerit killilersorlugillu sukangasuumik aqutarisarlugit, ataqqillugu aningaasat tunngavigisagut inissianik attartortuneersuummata. Ilisimaarivarpulli aningaasaliinigut, sumiiffinni inuiaqatigiinnik akuliussinerusartut. INI-mummi pingaaruteqarpoq, tamanit takuneqarsinnaassasoq kikkut uatsinnit taperserneqartartut, taamaattumillu INI-p nammineq aalajangersinnaavaa, aningaasaliisoqartillugu qinnuteqarsimasup kinaanera, aningaasaliissutit annertussusaat aammalu suna ingerlanniarneqartoq tapiiffigineqarsimanersoq avammut nalunaarutiginiarnerlugit.
Ikorsiinerit tapiissuteqarnerillu salliutittarpagut ingerlanniarneqartut meeqqat atugarissaarnissaannut tunngasut, tamatumalu saniatigut INI-p sallerpaatillugit suliarisaanut attuumassuteqartut – tassa inissianik aqutsinermut, inissianik isumaginninernut, najugaqarfiusut avatangiisaannut pitsaasumik sunniuteqartussanut ingerlanniarneqartunut tapiissuteqartarluta. Nalinginnaasumik tunniussaqarnerit tigussaasumik aningaasaaneq ajorput aningaasanilli naleqartarlutik, tassa sulisut ikiuussinnaanerinik tunniussinerusaramik, isersinnaanermut ammaassissutaasarlutik, ikiuinerusarlutik imal. ilisimasanik tunniussinerusarlutik. Qaqutigut immikkoorluinnartumillu ittumik tigussaasunik aningaasanik tunniussinerit pisarput.
INI festertarfinnik atukkiinermigut tapersiissuteqarsinnaasarpoq nuna tamakkerlugu meeqqat inuusuttullu 18-it inorlugit ukiullit unammersuartinneqarnerini, soorlu GM-ertoqartillugu meeqqanilluunniit unammersuartitsisoqartillugu. Piumasaqaataavorli, KAK/Kalaallit Arsaattartut Kattuffiat, Kalaallit Nunaanni Assammik Arsartartut Kattuffiat/TAAK, Greenland Table Tennis Federation/GTTF assigisaalluunniit suleqatigalugit unammisitsinerit aaqqissuussaasimanissaat. Taamaakkaluartoq peqatigiiffiit attartorniartillutik qularnaveeqqutitut akiliutigisassaq akilertassavaat, eqqiarneqarsimasussaallunilu attartornerup aallartinnerani tiguneratut isikkoqartillugu qimallugu.
INI ukununnga tapiissuteqarneq ajorpoq:
- Politikkikkut partiit peqatigiiffiilluunnit
- Utoqqarnut timersortartunut
- Inuit ataasiakkaat
- Ilinniarnermut atatillugu aningaasaliinerit imal. angalanissanut aningaasaliinerit
- Inuussutissarsiornermut atatillugu ingerlanniakkat
Qinnuteqartup erseqqissumik qinnuteqarnermi nassuiaasissavaa sooq taamak annertutigisumik qinnuteqarnerluni. Tapiissuteqarnerni sivisunerusumik ingerlasussami allaganngorlugu isumaqatigiissusiortoqassaaq, INI-p qanoq tunniussaqarnissaanik ersersitsisumik aamma allanneqassalluni tapiiffigineqartup pisumi pisussaaffeqarnissaa.
Qinnuteqaat
Qinnuteqaatit tamakkerlutik allakkatigoortassapput ukuninnga paasissutissanik imaqassallutik:
- Kikkuuisi?
- Suna qinnuteqaatigaasiuk?
- Aningaasat qassit imaluunniit sumut qinnuteqaateqarpisi?
- INI-p tapiissuteqarnerminnut qanoq nittarsaanneqassava?
- Siornatigut INI-minngaanniit tapiissutinik pissarsiaqareersimavisi imaluunniit qinnuteqarnikuuisi?
- Allanut tapiissutinik qinnuteqareersimavisi allaniilluunniit tapiissutinik pissarsiaqareersimavisi?
- Qinnuteqaat inersuarmik attartornissamut tunngappat ilanngunneqassaaq uppernarsaat pissartanngorniunneq Nuna tamakkerlugu atuuttumik kattuffimmik tapersersorneqartuusoq mailikkuusimappat allagaannartigulluunniiusimappat ilanngunneqassapput
Qinnuteqaat qanoq sumullu nassiunneqassava
Tapiissutinik qinnuteqaatit INI-mi Attaveqaqatigiinnermut immikkoortortaqarfimmut nassiunneqartassapput una mailadresseq atorlugu kommunikation@ini.gl allakkatiguussappatalu uunga adressemut nassiullugit:
INI
Attaveqaqatigiinnermut immikkoortortaqarfik
Postboks 1020
3911 Sisimiut
Allallugu: Taperneqarnissamik qinnuteqaat
Qaqugukkut akissutisisarpat?
Qinnuteqaatinik ataavartumik nalilersuisarpugut, sapinngisamillu piaarnerpaamik akissuteqarniartarluta.
